Өнөөдөр гадаа 20 хэм дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Зургаадугаар сарын 7-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 158 дахь өдөр юм. Мөн он дуустал 207 өдөр үлдэж байна.
- Цаг агаар өдөртөө 20 хэмийн дулаан бол шөнөдөө 7 хэм дулаан байх нь ээ.
- Билгийн тооллын 19, Буд гараг. Нар 4 цаг 56 минутад хөөрч, 20 цаг 59 минутад жаргана. Сайн үйлсийг үүсгэх, баясгалангийн хурим үйлдэх, ялангуяа гэр бүл бололцох, газар хагалж тариа тарих, шинэ хувцас өмсөх, чимэг зүүх, бүжиг наадам үйлдэх зэрэг үйлд сайн. Үс засуулбал сайн нөхөртэй учирна.
- Манай улсын голлох валют болох ам.долларын ханш авах нь 3441.00, зарах нь 3448.00 төгрөгтэй тэнцэж байгаа бол бусад валют болох рубль авах нь 41.60, зарах нь 42.20, харин юань авах нь 486.00, зарах нь 488.00, вон авах нь 2.62, зарах нь 2.64 төгрөг байна.
Өнөөдөр болох онцлох үйл явдлууд:
- 10.00 цагт: Монголын Үндэсний музейд: Кино урлагийг дэмжих сангийн 2023 оны сонгон шалгаруулалт эхэлсэнтэй холбогдуулан Монголын Үндэсний кино урлагийн зөвлөлөөс хэвлэлийн бага хурал зарлажээ. Мөн Монгол кинонууд Каннын олон улсын кино наадамд оролцсон талаар мэдээлнэ. Утас:51-262226.
- 10.00-15.00 цагт: Эрүүл мэндийг дэмжих, урьдчилан сэргийлэх төвд: Иргэдийг харъяалал харгалзахгүйгээр биеийн найрлага, ясны нягтрал болон цусан дахь сахрын хэмжээг тодорхойлох үзлэг, шинжилгээ оношилгоог хийнэ.
- 11.30 цагт: “Чингис хаан”-ы музейд Саха (Якутад)-д зэрлэг цаа судлал, уламжлалт анагаах ухаанаар ажилласан монгол эрдэмтэн Б.Баасансүрэнгийн “Хойд туйлын бүсэд 30 жил” үзэсгэлэнгийн нээлт болно. Утас: 9960-8771, 99717-977.
- Засгийн газрын ээлжит хуралдаан болно.
- 11.00-14.00 цагт: УИХ-ын Ажлын хэсгүүд болон Байнгын хороод хуралдана.
- 13.00 цагт: Иргэн Д.Цолмонхүү Зээлийн мэдээллийн хуулийн зүйл заалт Үндсэн хууль болон бусад хуулийг зөрчин иргэдийн эрхийг ноцтойгоор зөрчиж буй талаар мэдээлнэ. Утас: 9810-1981.
- 16.00-16.30 цагт: “Новотел” зочид буудалд: Сөүл хотод зохион байгуулагдсан “Korea open cheerleading championship” олон улсын бүжгийн тэмцээнд 84-р сургуулийн 4-9 ангийн тамирчид амжилттай оролцож, цом алтан медаль авсан талаар мэдээлнэ. Утас: 9668-6341.
Энэ өдөр дэлхийн түүхэнд:
- 879 - Ромын пап VIII Жон Их Ван Бранимирын захиргаан дахь Хорватын вант улсыг тусгаар улс хэмээн хүлээн зөвшөөрчээ.
- 1099 - Загалмайтны анхдугаар аян дайн: Йерусалемын бүслэлт эхлэв.
- 1494 - Испани, Португалийн хаант улс Тордесилласын гэрээнд гарын үсэг зурав. Ингэснээр шинэ тутам нээгдээд байсан "Шинэ Ертөнц"-ийг хуваан эрхшээхээр болсон юм.
- 1654 - Францын хаан ширээнд XIV Луй суулаа.
- 1692 - Ямайкын Роял эрэгт маш хөнөөлтэй газар хөдлөлт болж 1600 хүн амиа алдан, 3000 хүн хүнд бэртжээ.
- 1788 - Францын хувьсгал: Гренобль хотын иргэд эзэн хааны цэргүүд дээрээс дээврийн хавтан шидэж эсэргүүцлээ илэрхийлэв.
- 1810 - Аргентин улсад "Буенос Айресын мэдээ" сонин хэвлэгдсэн нь тус улсын түүхэнд анхных нь юм.
- 1832 - Квебек мужид "Азийн холер" өвчин дэгдэв. Ирландын цагаачдаас тархсан уг халдварын улмаас Доод Канадын 6000 хүн нас баржээ.
- 1862 - Их Британи болон АНУ-ын хооронд Лион-Сьюардын гэрээ хэрэгжиж эхлэв. Уг гэрээгээр хоёр улс боолчлолын худалдааг зогсоосон юм.
- 1863 - Франц улс Мексикт цэрэг оруулав. Ингэснээр нийслэл Мехико хот Француудын мэдэлд шилжжээ.
- 1892 - АНУ-д нэгэн машинд "зөвхөн цагаан арьстнууд сууна" гэсэн тэмдэглэгээг зөрчсөн Хомер Плессигийн хэргийг шүүхэд хэлэлцээд түүнийг буруутай гэж үзэв.
- 1905 - Норвегийн парламент Шведийн холбооноос гарах хуулийн төслийг баталжээ. Энэ өдрийг тус улсад тэмдэглэлт өдөр болгон тэмдэглэдэг билээ.
