Өнөөдөр гадаа 20 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Тавдугаар сарын 22-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 142 дахь өдөр бөгөөд он дуусахад 223 хоног үлдлээ.
- Цаг агаар өдөртөө 20 хэмийн дулаан бол шөнөдөө 3 градус дулаан байх нь ээ.
- Билгийн тооллын 3, Сумъяа гараг. Хэрцгий охин одтой, цагаан луу өдөр. Өдрийн наран 5 цаг 06 минутад мандан, 20 цаг 32 минутад жаргана. Тухайн өдөр хулгана, бич жилтнээ аливаа үйлийг хийхэд эерэг сайн. Эл өдөр эм, эмнэлгийн элдэв үйл, хагалгаа хийлгэх, биеийн тамирыг сэргээх, хишиг даллага дуудуулах, насан бүтээл хийлгэх, зэтгэрийг номхотгох, хөгжмийн зэмсэг урлахад сайн. Гүүр тавих, газар ухах, эрдэнийг гадагш өгөхөд муу. Өдрийн сайн цаг нь бар, луу, могой, бич, тахиа, гахай болой. Хол газар яваар одогсод хойш мөрөө гаргавал зохистой. Балжин өдөр. Үс шинээр үргээлгэх буюу засуулбал эд малтай баялаг төгс болно.
- Манай улсын голлох валют болох ам.долларын ханш авах нь 3461.00, зарах нь 3465.00 төгрөгтэй тэнцэж байгаа бол бусад валют болох рубль авах нь 42.60, зарах нь 43.50, харин юань авах нь 496.50, зарах нь 498.50, вон авах нь 2.60, зарах нь 2.62 төгрөг байна.
Өнөөдөр болох онцлох үйл явдлууд:
- 09.30 цагт “Чингис” зочид буудалд: “Халдварт бус өвчнөөс сэргийлэх, хянах чиг хандлага” үндэсний анхдугаар чуулган болно. Утас: 8904-4874, 8911-9482.
- 10.00 цагт УИХ дахь намуудын бүлэг хуралдана.
- 12.30-17.30 цагт “Туушин” зочид буудалд: “Олон улсын биологийн олон янз байдал”-ын өдөрт “Монгол орны биологийн олон янз байдал” хурлыг БОАЖЯ-наас зохион байгуулна.
- 11.00 цагт “Монгол ньюс” мэдээллийн төвд: Монголын анхны хөрөг гэрэл зургийн "Тэнгэрийн заадас" номын нээлт, үзэсгэлэнгийн талаар зохиогч Ж.Буд-Эрдэнэ, гэрэл зурагчин Ө.Баттайван зохиолч Г.Аким, хөгжмийн зохиолч Б.Долгион нар мэдээлэл хийнэ.
Дэлхий дахинд энэ өдөр болж байсан үйл явдлууд:
- 760 - Хейлигийн сүүлт одыг эртний судар бичигт 14 дэх удаагаа тэмдэглэв.
- 1200 - Нормандийн тулааныг дуусгах ач холбогдолтой Ла Гулегийн тунхаг бичигт Английн хаан Жон, Францын хаан II Филип нар гарын үсэг зуржээ.
- 1254 - Сербийн хаан I Стефан Урош Бүгд найрамдах Венец улстай энхийн гэрээ байгуулав.
- 1455 - Сарнайн дайн: Гэгээн Албанын эхний тулаан эхлэв. Уг тулаанд Йоркийн гүн Ричард ялалт байгуулан Английн хаан VI Хенриг баривчлан цагдан хорьжээ.
- 1629 - Ариун Ромын эзэнт гүрний хаан II Фердинанд, Данийн хаан IV Кристиан нар Любекийн гэрээнд гарын үсэг зурснаар 30 жилийн дайн эцэслэв.
- 1762 - Италийн Ром хотод алдарт Тревигийн усан оргилуур баригдаж, ашиглалтад оров.
- 1807 - АНУ-ын Дэд Ерөнхийлөгч асан Аарон Баррыг дээд шүүхээс улс орноосоо урван тэрсэлсэн хэмээн яллажээ.
- 1826 - Биологийн шинжлэх ухаанд асар их өөрчлөлт оруулах ерөөлтэй Бийгл хөлөг анхны аялалдаа гарчээ.
- 1840 - Британийн засаг захиргаа Шинэ Өмнө Уэльсийн колонийн эрхийг цуцлав.
- 1848 - Мартиникийн арал боолчлолыг халжээ.
- 1849 - Ирээдүйн Ерөнхийлөгч Абрахам Линкольн угсардаг завь зохион бүтээж зохиогчийн эрх авжээ. Энэ нь АНУ-ын Ерөнхийлөгчдийн түүхэнд зохиогчийн эрх авсан цор ганц тохиолдол юм.
- 1863 - АНУ-ын Иргэний дайн: Холбоотны хүч Хадсон боомтын бүслэлтээ эхэлжээ. 48 хоног үргэлжилсэн уг бүслэлт АНУ-ын цэргийн түүхэнд хамгийн урт бүслэлт болж бүртгэгдсэн түүхтэй.
- 1872 - Бүтээн байгуулалтын эрин үе: АНУ-ын Ерөнхийлөгч Улиссес С.Грант иргэний болон улс төрийн эрхийг шинэчлэн боловсруулсан хуулийн төслөө олон нийтэд танилцуулжээ.
