Өнөөдөр гадаа 21 хэм дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Тавдугаар сарын 01-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 121 дахь өдөр бөгөөд он дуусахад 244 хоног үлдлээ.
- Цаг агаар өдөртөө 26 хэмийн дулаан бол шөнөдөө 2 хэм хүйтэн байх нь ээ.
- Билгийн тооллын 11, Бага морь одтой, шарагчин хонь өдөр. Тухайн өдөр гахай, туулай жилтнээ аливаа үйлийг хийхэд эерэг сайн. Эл өдөр элдэв үйлд хянуур хандах хэрэгтэй ба ан, гөрөө хийх, мал, адгуус муулах, лус тахих, мал худалдан авах, мал түгээх, огторгуйн үүдийг боох, их хүмүүнтэй уулзахад сайн. Цөөрөм байгуулах, сахил санаваар авах, хануур, төөнүүр хийлгэх, балгадын суурь тавих, нохой худалдан авахад муу. Үс шинээр үргээлгэх буюу засуулбал эрхтэн хурц болно.
- Манай улсын голлох валют болох ам.долларын ханш авах нь 3473.00, зарах нь 3480.00 төгрөгтэй тэнцэж байгаа бол бусад валют болох рубль авах нь 41.80, зарах нь 42.20, юань авах нь 502.00, зарах нь 503.50, вон 2.62, зарах нь 2.64 төгрөг байна.
Өнөөдөр болох онцлох үйл явдлууд:
-
10.00 цагт “Галлериа Улаанбаатар”-т “Дижитал нүүдэл-2023” контент бүтээгчдийн форум болно.
-
10.00 цагт Төрийн ордонд УИХ дахь МАН, АН-ын бүлэг хуралдана.
-
10.00 цагт Д.Сүхбаатарын талбайд Нийслэлийн Засаг даргын Тамгын газар Монголын Хуульчдын холбоотой хамтран иргэдэд хууль зүйн үнэгүй зөвлөгөө өгөх “Хуульчийн Про Боно” өдөрлөг зохион байгуулна. Утас: 7505-0801, 7505-0802.
-
11.00-13.00 цагт МҮЭ-ийн Холбооноос Олон улсын хөдөлмөрчдийн эв санааны нэгдлийн өдрийг тохиолдуулан тайван жагсаал, цуглааныг зохион байгуулна. Утас: 9511-5380, 9914-9240.
-
11.40 цагт Мэдээллийн МОНЦАМЭ агентлагийн байранд: Олон угсаатны өлгий нутаг Ховд хотод зохион байгуулах Улсын аварга шалгаруулах шатрын тэмцээний талаар мэдээлнэ.
-
11.00 цагт “Мишээл Экспо”-д “BARILGA EXPO-2023” олон улсын үзэсгэлэн, яармаг “International Fair”-аар үргэлжилнэ. Утас: 9100-0200
-
11:30 цагт Хэнтий аймгийн Бэрхийн уурхайд ажиллаж байгаад үйлдвэрлэлийн осолд орж, мэргэжлээс шалтгаалах өвчний улмаас нас барсан, хөдөлмөрийн чадвараа алдсан 112 уурхайчны ар гэрийнхэн 3 шатны шүүхийн шийдвэрийг хэрэгжүүлэхийг УИХ-аас шаардаж мэдээлэл хийнэ.
-
12:00 цагт Нийслэлийн замын түгжрэлтэй холбоотойгоор иргэн Н.Тэмүүжин 10 гол замын төлөвлөлтийн талаар 8-9 жил хийсэн судалгааг танилцуулна.
-
12.00 цагт Хэлмэгдэгсдийн хөшөөний дэргэд Үнийн өсөлт болон хүний эрхийг ноцтой зөрчиж буй асуудал, “Эрдэнэс Тавантолгой” ХК-ийн 1072 хувьцааны ногдол ашиг олгох талаар иргэдийн төлөөлөл Засгийн газарт шаардлага хүргүүлнэ.
-
12:30 цагт Баянхонгор аймагт олгосон ашигт малтмалын тусгай зөвшөөрлийн талаар УАБЗ-д болон БОАЖ-ын сайд Б.Бат-Эрдэнэд хууль зөрчсөн уул уурхайн компаниудын талаар өргөдөл гомдол хүргүүлж буй талаар экологич Д.Туяа мэдээлнэ.
-
“Блю Мон” төвийн Арт галерейд Гэрэл зурагч Ган-Өлзийн “Монголд зочилно уу” үзэсгэлэн нээгдэнэ.
Энэ өдөр дэлхийн түүхэнд:
- Олон улсын хөдөлмөрчдийн эв санааны нэгдлийн өдөр тохиож байна.
- 1990 оны энэ өдөр Германы алдарт хөлбөмбөгч Диего Контенто мэндэлжээ.
- 2011 онд Ромын пап XVI Бенедикт өмнөх пап II Йоан Павелийг гэгээнтнээр өргөмжлөв.
- 2009 онд Швед улс ижил хүйстний гэрлэлтийг хуульчилжээ.
- 2004 онд Кипр, Чех, Эстони, Унгар, Латви, Литви, Мальта, Польш, Словак, Словени улсууд Европын холбоонд нэгэн зэрэг элсэв.
- 2003 онд Иракыг чөлөөлөх ажиллагаа: АНУ-ын Ерөнхийлөгч Жорж В.Буш Иракыг чөлөөлөх ажиллагаа өндөрлөж байгааг зарлажээ.
- 1999 онд хүүхдийн "Никельодион" сувгаар "Спонж Боб" хүүхэлдэйн кино цацагдаж эхэлжээ.
