Өнөөдөр гадаа 9 хэм дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Дөрөвдүгээр сарын 26-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 116 дахь өдөр бөгөөд он дуусахад 249 хоног үлдлээ.
- Цаг агаар өдөртөө 9 хэмийн дулаан бол шөнөдөө 7 хэм байх нь ээ.
- Билгийн тооллын 6, өглөгт охин одтой, хөх бар өдөр. Тухайн өдөр нохой жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр өрхи уух, тамхи татах, сэтгэл муутантай нөхөрлөх зэргийг цээрлэх хэрэгтэй ба сан тавиулах, угаал үйлдэх, амилуулах, өглөгийн түллэг хийх, хишиг дуудуулах, хот балгадын үйл, цэрэг цагдаагийн үйл, гэр байшингийн суурь тавихад сайн. Золиг гаргах, сэтгэлд сэвтэй газар очиход муу. Үс шинээр үргээлгэх буюу засуулбал өнгө зүс сайжирна.
- Манай улсын голлох валют болох ам.долларын ханш авах нь 3483.00, зарах нь 3487.00 төгрөгтэй тэнцэж байгаа бол бусад валют болох рубль авах нь 42.20, зарах нь 42.70, юанийн авах ханш 506.00, зарах нь 507.50, вонын авах нь 2.63, зарах нь 2.66 төгрөгтэй тэнцэж байна.
Өнөөдөр болох онцлох үйл явдлууд:
-
08.30 цагт Төрийн ордонд Улс төрийн намын тухай хуулийн шинэчилсэн найруулга болон УИХ-ын сонгуулийн тухай хуульд нэмэлт, өөрчлөлт оруулах тухай хуулийн төслүүдийн хэлэлцүүлэг болно.
-
10.00-14.00 цагт УИХ-ын байнгын болон түр хороодын хуралдаан болно.
-
12.30 цагт “Монгени” цогцолборт сургуульд: Төр, нийгмийн зүтгэлтэн, ардчиллын анхдагч, Монгол шатрын холбооны ерөнхийлөгч С.Зориг агсны нэрэмжит шатрын тэмцээний нээлт болно. Утас: 9997-2117.
-
14:00 цагт МҮХАҮТ-д Бизнесийн Ёс зүй, комплаенсын Үндэсний хоёрдугаар форум зохион байгуулагдана. Утас: 99995803, 95632021
-
14:00 цагт Д.Сүхбаатарын талбайд Нийслэлээс нийгмийн салбарт баримталж буй бодлого чиглэлийг танилцуулах, тус салбарын агентлаг, харьяа газруудын мэдээллийг иргэд, аж ахуйн нэгж, байгууллагуудад нэг дороос хүргэх зорилготой “Хүний хөгжил-Нийгмийн хөгжил” нэгдсэн өдөрлөгийн нээлт болно. Утас: 9903-4842.
Энэ өдөр дэлхийн түүхэнд:
- Дэлхийн оюуны өмчийн өдөр тохиож байна.
- 1980 онд Америкийн жүжигчин, продюсер Ченнинг Татум мэндэлжээ.
- 2005 онд Сирийн зэвсэгт хүчний 14,000 цэрэг Ливаны анги нэгтгэлийн эсрэг тэмцэж улмаар тус улсад хяналтаа тогтоогоод байсан Ливаны дарангуйлал 29 жилийн дараа эцэслэсэн юм.
- 1989 онд дэлхийн түүхэнд хамгийн их хөнөөл дагуулсан хар шуурга болов. Бангладешийн төвд болсон шуурганы улмаас 1,300 хүн амиа алдаж, 12,000 хүн бэртэж гэмтэн, 80,000 өрх орох оронгүй болжээ.
- 1986 онд ЗХУ-ын бүрэлдэхүүнд багтах Украин улсын Припят хотод орших Чернобылын атомын цахилгаан станц сүйрэв. Энэ нь дэлхийн түүхэнд тохиосон хамгийн хөнөөлтэй АЦС-ын сүйрэл байсан юм.
- 1981 онд АНУ-ын Калифорни мужийн их сургуулийн доктор Майкл Р.Харрисон болон түүний багийнхан ураг салгах мэс ажилбарыг анх удаа гүйцэтгэв.
- 1966 онд Бүгд найрамдах Конго улсад Амбройс Нумазалаегаар удирдуулсан шинэ засгийн газар байгуулагдав.
