Өнөөдөр гадаа 4 хэмийн дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
4 дүгээр сарын 21-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 110 дахь өдөр бөгөөд он дуусахад 255 хоног үлдлээ.
- Цаг агаар өдөртөө 4 хэмийн дулаан бол шөнөдөө 8 хэмийн хүйтэн байх нь ээ.
- Билгийн тооллын 18, гоё хүүхэн одтой, шарагчин тахиа өдөр. Тухайн өдөр үхэр, могой жилтнээ аливаа үйлийг хийхэд эерэг сайн ба туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр гэмтнийг шийтгэх, лусыг тахих, хагалгаа хийлгэх, буг дарах, газрын ам бооход сайн. Мод суулгах, нарийн зөвөлгөөн хийх, сэтгэлд сэвтэй газар очих, байшингийн суурь тавих, угаал үйлдэхэд муу. Үс шинээр үргээлгэх буюу засуулахад тохиромжгүй.
- Манай улсын голлох валют болох ам.долларын ханш авах нь 3485.00, зарах нь 3492.00 төгрөгтэй тэнцэж байгаа бол бусад валют болох рубль авах нь 42.30, зарах нь 42.80, юанийн авах ханш 507.00, зарах нь 509.80, вонын авах нь 2.64, зарах нь 2.67 төгрөгтэй тэнцэж байна.
Өнөөдөр болох онцлох үйл явдлууд:
-
09.30-16.00 цагт “Шангри-Ла” зочид буудалд: “Уул уурхайн цахим шилжилт ба ирээдүй” сэдэвт уулзалт болж “Хиймэл оюун ухаан уул уурхайн салбарт” илтгэл хэлэлцүүлнэ. Энэ үеэр Австрали улсаас ШУТИС-д уул уурхайн программ хангамж гардуулна.
-
09:30 цагт МҮЭ-ийн холбооны харьяа Хөдөлмөр нийгмийн харилцааны дээд сургууулийн 30 жилийн ой угтсан бүх төгсөгчдийн чуулга уулзалт болно. Утас: 9914-9240, 9511-5380.
-
10.00 цагт УИХ-ын чуулганы нэгдсэн хуралдаан болно.
-
12:00 цагт “Блью Скай” зочид буудалд: “Эмэгтэйчүүдийн нийгэм, улс төрийн оролцоо” сэдэвт олон улсын сургалт хэлэлцүүлэг болно. Утас: 9906-7085.
-
14.00 цагт Д.Сүхбаатарын талбайд Авто ослоос болж хохирсон иргэн Н мэдээлэл хийнэ. Ослын улмаас хөдөлмөрийн бүрэн чадвараа алдаж хөл гаргүй болсон, мөн 9 настай хүүгээ алдсан тэрбээр хуулийн байгууллага болон хохироосон этгээдүүдийн талаар дэлгэрэнгүй мэдээлэл өгнө. Утас: 8826-8001.
-
Энэ өдөр дэлхийн түүхэнд:
- 2011 онд 1961 оноос хойш Куба улсыг удирдсан Фидель Кастро Кубын коммунист намын нэгдүгээр нарийн бичгийн суудлаасаа өөрийн хүсэлтээр татгалзжээ.
- 1987 онд алдарт "Симпсонс" хүүхэлдэйн цуврал анх удаа дэлгэцнээ гарчээ.
- 1984 онд Австралийн төрийн дуулалаар "Австрали улс мандан бадраг" дууг батлав.
- 1956 онд Академийн наадам болон "Алтан Бөмбөрцөг" наадмын шагналт нэрт жүжигчин Грейс Келли Монакогын хунтайж Райнертэй гэрлэв.
- 1927 онд "Секс" зохиолоос сэдэвлэсэн жүжигт тоглож, үзэгчдийн өмнө садар самуун сурталчилсан гэсэн үндэслэлээр Америкийн жүжигчин Мей Уест арав хоног шоронд хоригджээ.
- 1529 онд Протестант шинэчлэл эхлэв.
- 1782 онд АНУ-ын Ерөнхийлөгч Жон Адамс Голландад элчин сайдын яам байгуулах хүсэлт илгээж улмаар уг хүсэлтийг хүлээн авчээ. Ингэснээр Америкийн элчин сайдын яам байгуулсан дэлхийн анхны улс болсон юм.
