Өнөөдөр гадаа 17 хэм дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Дөрөвдүгээр сарын 17-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 108 дахь өдөр бөгөөд он дуусахад 257 хоног үлдлээ.
- Цаг агаар өдөртөө 17 хэмийн дулаан бол шөнөдөө 2 хэм хүйтэн байх нь ээ.
- Билгийн тооллын 28, Могойг хүлэгч одтой, улаан морь өдөр. Тухайн өдөр бар, нохой жилтнээ аливаа үйлийг хийхэд эерэг сайн ба тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр элдэв үйлд хянуур хандах хэрэгтэй ба ан, гөрөө хийх, мал адгуус муулах, гарагийг тахих, тангараг тавих, гэр байшингийн суурь тавихад сайн. Гэр бүрэх, хэрүүл тэмцэл хийх, улаа гаргах, хиншүү хярвас гаргахад муу.
- Манай улсын голлох валют болох ам.долларын ханш авах нь 3487.00, зарах нь 3494.00 төгрөгтэй тэнцэж байгаа бол бусад валют болох рубль авах нь 42.60, зарах нь 42.90, юань 512.00, зарах нь 515.00, вон авах нь 2.67, зарах нь 2.69 төгрөг байна.
Өнөөдөр болох онцлох үйл явдлууд:
-
09.00 цагт Монголбанканд Монгол Улсын Ерөнхийлөгчийн тамгын газар, ХХААХҮЯ, Монголбанк, Монголын банкны холбоо хамтран “Хүнс, хөдөө аж ахуйн үйлдвэрлэлийг дэмжих зээлийн ерөнхий нөхцөл, шаардлага” сэдэвт сургалт хэлэлцүүлэг болно.
-
10.00 цагт ҮСХ, МҮХАҮТ хамтран “Монгол Улсын экспортлогч ААН-үүдийн нөхцөл байдал" сэдэвчилсэн судалгааны үр дүнг танилцуулна.
-
10.00 цагт УИХ-ын Байнгын хороод хуралдана.
-
10:00 цагт “Блью Скай” зочид буудалд: Монгол Улс ирэх 7 дугаар сард НҮБ-ын Улс төрийн Дээд түвшний форумд тайлагнах "Тогтвортой хөгжлийн зорилгын хэрэгжилтийн талаарх Үндэсний сайн дурын хоёрдугаар илтгэл"-ийн төслийг танилцуулж, оролцогч талуудын санал зөвлөмжийг авах хэлэлцүүлэг зохион байгуулна. Утас: 9411-1220.
-
11:00 цагт “Монгол Ньюс” мэдээллийн төвд: "Өв соёл эх эрдэнэ холбоо" ТББ-ын ээжүүдийн зөвлөлөөс үр хүүхдүүдээ цахим гэмт хэргийн хохирогч болохоос хамгаалах хууль батлуулахыг шаардаж, УИХ, Засгийн газарт өргөх бичиг хүргүүлж байгаа талаар мэдээлнэ.
Энэ өдөр дэлхийн түүхэнд:
- 1979 оны энэ өдөр Америкийн загвар өмсөгч, реалити шоуны од Кортни Кардашиан мэндэлжээ.
- 1988 онд АНУ-ын тэнгисийн цэрэг Дэлхийн II дайнаас хойшхи томоохон тулаанаа Ираны тэнгисийн цэргийн эсрэг хийжээ.
- 1954 онд Египетийн засгийн эрхэнд Гамал Адбел Нассер залрав.
- 1946 онд Нидерландын Гааг хотноо Олон улсын шүүх анхны хуралдаанаа хийв.
- 1945 онд Германы эзэмшилд байдаг Хелиголенд жижиг аралд 1,000 гаруй удаагийн бөмбөгдөлт болжээ.
- 1902 онд Гуатемалд 7.5 магнитудын хүчтэй газар хөдөлсний улмаас 800-2,000 хүн амиа алдав. Мөн түүнчлэн тус улсад бага хэмжээний тив шилжих хөдөлгөөн ажиглагдсан байна.
- 1831 онд АНУ-ын Алабама мужийн Тускалүүза хотод Алабама мужийн их сургууль байгуулагджээ.
