Өнөөдөр гадаа 4 хэм хүйтэн байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
4 дүгээр сарын 10-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 100 дахь өдөр бөгөөд он дуусахад 265 хоног үлдлээ.
- Цаг агаар өдөртөө 4 хэмийн хүйтэн бол шөнөдөө 16 хэм хүйтэн байх нь ээ.
- Билгийн тооллын 19, Эрхтэний тэнгэрт одтой, шар нохой өдөр. Тухайн өдөр бар, морь жилтнээ аливаа үйлийг хийхэд эерэг сайн. Эл өдөр эе ,эвээ ололцох, хамтын хөдөлмөр эхлэх, гэрээ хэлцэл байгуулах, найр хурим хийх, бур гуйх, инж өгөх, авах, үнэт эрдэнийн зүйл авах, угаал үйлдэх, хүүхэд үрчлэн авах, гэр, байшингийн суурь тавихад сайн. Нүүдэл суудал хийх, хэрүүл тэмцэл хйихэд муу. Үс шинээр үргээлгэх буюу засуулбал "Сайн нөхөртэй учирах" сайн хэмээжээ.
- Манай улсын голлох валют болох ам.долларын ханш авах нь 3500.00, зарах нь 3508.00 төгрөгтэй тэнцэж байгаа бол бусад валют болох рубль авах нь 42.40, зарах нь 43.80, юань авах нь 510.00, зарах нь 513.00, вон 2.67, зарах нь 2.70 төгрөг байна.
Өнөөдөр болох онцлох үйл явдлууд:
-
09.00 цагт: Нийслэлийн Захиргааны хэргийн анхан шатны шүүхэд: Банкны нэг хувийн шимтгэлтэй холбоотой шүүх хурал болно.
-
10:00 цагт: Хэвлэлийн хүрээлэнд: Полиэтилен буюу ус, ундааны сав багцлан ороогч хальсыг дахин боловсруулж эргэлтэд оруулах үйлдвэрлэл Монголд нээгдэж буй талаар мэдээлнэ. Баглаа боодлын үйлдвэрлэл нь хог хаягдлыг бууруулахаас гадна эрчим хүчинд хэмнэлттэй, саарал усыг 8 давхар шүүлтүүртэй дахин ашиглах технологи нэвтрүүлж байна. Утас: 8095-5677.
-
10.00 цагт: УИХ дахь намын бүлгүүд хуралдана.
-
11.00 цагт: ЦХХХ-ны сайд Н.Учрал “Шилэн” ажиллагааны хүрээнд Хөдөө аж ахуйг дэмжих сангийн үйл ажиллагааны талаар мэдээлнэ. Утас:9910-3830.
-
14.00 цагт: УИХ-ын Нийгмийн бодлогын байнгын хороооны нийтийн сонсгол: ЭМД-ын Үндэсний зөвлөлийн даатгуулагчийг болон ажил олгогчийг төлөөлсөн гишүүний нэд дэвшигчээр болно.
-
11.30 цагт: “ЗМ” сонины Үндэсний мэдээллийн төвд: “Цемент шохой” ТӨХК-ийн гүйцэтгэх захирал Л.Наранбаатар цаг үеийн асуудлаар мэдээлэл хийнэ.
-
12.00 цагт: “Пума Империал” зочид буудалд "Уул уурхайн салбарын малчин өрхүүдэд үзүүлэх нөлөө” сэдэвт судалгааны тайланг танилцуулна. Утас: 325721, 319037.
Энэ өдөр дэлхийн түүхэнд:
- Олон улсын ах дүүсийн өдөр
- 2010 онд ОХУ-ын Смоленкс хотын ойролцоо Польшийн агаарын тээврийн "Ту-154М" онгоц осолдож, 96 хүн амиа алдсаны дотор Польшийн Ерөнхийлөгч Лех Кашинский болон түүний эхнэр, Засгийн газрын өндөр албан тушаалтнууд багтсан байна.
- 2009 онд Фижи арлын ерөнхийлөгч Рату Хосефа Иллойо үндсэн хуулиас үүдэн улс эх оронд нь засаглалын хямрал нүүрлэснийг зарлав.
- 1972 онд Хятадын Шандонг мужид барилга угсралтын ажил гүйцэтгэж байсан ажилжид хулсаар хучсан авс бүхий хоёр оршуулгийг илрүүлжээ. Эрдэм шинжилгээний ажилчид судалгаа хийсний дүнд "Дайтах урлаг" номыг зохиогч Сун Цзы, Сун Бин нарын оршуулга болохыг тогтоосон юм.
- 1970 онд Хөгжмийн урлагийн алдарт "Бийтлз" хамтлагийн гоцлол дуучин Пол МакКартни хамтлагаасаа гарч, хувийн замналаа үргэлжлүүлэх болсоноо зарлав.
- 1957 онд гурван сарын турш хаалгаа бариад байсан Суецын суваг эргэн нээгджээ.
- 1925 онд алдарт зохиолч Ф.Скотт Фицжеральдын "Аугаа Гецби" зохиол анх удаагаа хэвлэгдэв.
