Өнөөдөр гадаа 9 хэм дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Дөрөвдүгээр сарын 7-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 97 дахь өдөр бөгөөд он дуусахад 268 хоног үлдлээ.
- Цаг агаар өдөртөө 9 хэмийн дулаан бол шөнөдөө 7 хэм хүйтэн байх нь ээ.
- Билгийн тооллын 16, Салхины эх одтой, хөхөгчин хонь өдөр. Тухайн өдөр гахай жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр хууль цааз гаргах, батлах, хэрэглэх, хулгай дээрмийг номхотгох, гэмтнийг шийтгэх, мал адгуус номхруулах, хишиг даллага дуудуулах, насан бүтээл хийлгэх, эрдэнийг гадагш өгөх, мал худалдан авах, мал түгээх, сахил санваар авах, огторгуйн үүдийг боох, их хүмүүнтэй уулзахад сайн. Хануур, төөнүүр хийлгэх, балгадын суурь тавих, нохой худалдан авахад муу. Үс шинээр үргээлгэх буюу засуулахад тохиромжгүй хэмээжээ.
- Манай улсын голлох валют болох ам.долларын ханш авах нь 3503.00, зарах нь 3510.00 төгрөгтэй тэнцэж байгаа бол бусад валют болох рубль авах нь 43.10, зарах нь 44.20, юанийн авах ханш 511.00, зарах нь 513.50, вонын авах нь 2.67, зарах нь 2.70 төгрөгтэй тэнцэж байна.
Өнөөдөр болох онцлох үйл явдлууд:
-
09.50 цагт: СТӨ-нд: АН-аас “Ардчилсан нам: Монгол Улсад ирж буй сорилт” чуулган зохион байгуулж байна. Чуулганд АН-ын үе үеийн удирдлагууд, олон улсын байгууллагын төлөөлөл оролцоно. Утас:9922-1368.
-
10.30 цагт: АН үүсгэн байгуулагдсан өдрөөр С.Цогтсайхан агсны хөшөөнд цэцэг өргөнө.
-
11.00 цагт: “ЗМ” сонины Үндэсний мэдээллийн төвд: Баянгол дүүргийн нэгдсэн эмнэлэг 3 настай охинд буруу эмчилгээ хийснээс болж амиа алдсан талаар охины аав мэдээлэл хийнэ.
-
12:00 цагт: БШУЯ-нд: Боловсролын зээлийн сангаас олгосон санхүүжилттэй холбоотой мэдээлэл хийнэ.
-
14:00 цагт: Үндэсний музейд: Зураач Р.Батцэнгэлийн "МОРИН ХУУРЫН ДУУЛЬ" номын нээлт болно.
-
14.40 цагт: АН-ын удирдлага, гишүүдийн төлөөлөл С.Зориг агсны хөшөөнд цэцэг өргөж мэдэгдэл хийнэ. Утас: 9100-0017.
Энэ өдөр дэлхийн түүхэнд:
- Жил бүрийн энэ өдрийг Дэлхийн эрүүл мэндийн өдөр болгон тэмдэглэдэг уламжлалтай.
- 1949 оны энэ өдөр ОХУ-ын улс төрч Валентина Матвиенко мэндэлжээ.
- 1954 онд Хонконгийн алдарт жүжигчин Жэки Чан мэндэлжээ.
- 2001 онд сансрын робот хөлөг болох “Марс Одиссей”-г хөөргөжээ.
- 2009 онд Молдавт парламентын сонгуулийг шударга бус явагдсан хэмээн нийтээрээ эсэргүүцэж, жагсаал зохион байгуулжээ.
