Өнөөдрийн тухай таны мэдэх ёстой 13 зүйл: Иргэн Д.Мөнх-эрдэнэд холбогдох "Гэм буруугийн" шүүх хурал болно.

Өнөөдөр гадаа 0 хэм дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.

Дөрөвдүгээр сарын 4-ны өдөр

Өглөөд заавал мэдэж байх ёстой зүйлүүд:

1. Өнөөдөр бол жилийн 94 дахь өдөр бөгөөд он дуусахад 271 хоног үлдлээ.
2. Цаг агаар өдөртөө 0 хэмийн дулаан бол шөнөдөө 14 хэм хүйтэн байх нь ээ. 
3. Билгийн тооллын 14, Харцага одтой, хар луу өдөр. Тухайн өдөр хулгана жилтнээ аливаа үйлийг хийхэд эерэг сайн ба би, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр буян номын үйлийг эхлэх, дээдсээс халамж хүсэх, лам хувраг болох, багш шавьд барилдах, номын абшиг авах, шинэ гэр ба байр авах, лус тахих, бороо оруулах, зэтгэрийг номхотгох, хөгжмийн зэмсэг урлахад сайн. Гүүр тавих, газар ухах, цөөрөм байгуулахад муу. Үс шинээр үргээлгэх буюу засуулбал эд, мал аривдана. 
4. Манай улсын голлох валют болох ам.долларын ханш авах нь 3513.00, зарах нь 3518.00 төгрөгтэй тэнцэж байгаа бол бусад валют болох рубль авах нь 44.80, зарах нь 45.40, юанийн авах ханш 510.00, зарах нь 514.00, вонын авах нь 2.71, зарах нь 2.74 төгрөгтэй тэнцэж байна.

Өнөөдөр болох онцлох үйл явдлууд:

1. 10:00 цагт Иргэн Д.Мөнх-эрдэнэд холбогдох "Гэм буруугийн" шүүх хурал Баянзүрх , Сүхбаатар , Чингэлтэй дүүргийн эрүүгийн хэргийн анхан шатны шүүхэд болно.
2. 10.00-14.00 цагт “ХӨДӨЛМӨРИЙН АЮУЛГҮЙ БАЙДАЛ, ЭРҮҮЛ АХУЙН САРЫН АЯН”-ий нээлт  МҮЭСТО-д болно.
3. 11 цагт АХБ жил бүр эрхлэн гаргадаг "Азийн хөгжлийн төлөв" эдийн засгийн тайлангаа Шангрила зочид буудлын Парис хурлын танхимд танилцуулна.

Энэ өдөр дэлхийн түүхэнд:

1. МЭӨ 503 - Ромын зөвлөлийн гишүүн Агриппа Менениус Ланатус Сабинесийн тулааны ялалтыг тэмдэглэн, цэргийн сүрт парад зохион байгуулах шийд гаргажээ.
2. 1147 - Москва хотын талаар түүхэн сурвалж бичигт анх удаа дурдав.
3. 1460 - Базелын их сургууль байгуулагджээ.
4. 1581 - Английн аялагч, дэд-адмирал Френцис Дрейк дэлхийн эргэлтийн талаарх өөрийн үзлээ боловсруулав.
5. 1660 - Бредагын тунхаг батлагдсанаар II Чарльз Их Британийн хаан ширээнд суужээ.
6. 1721 - Их Британийн анхны ерөнхий сайдаар Сир Роберт Уолпол томилогдов.