Өнөөдөр гадаа 13 хэм дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
3 дугаар сарын 30-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 90 дахь өдөр бөгөөд он дуусахад 275 хоног үлдлээ.
- Цаг агаар өдөртөө 13 хэм дулаан бол шөнөдөө 9 хэм хүйтэн байх нь ээ.
- Билгийн тооллын 10, Найралт эх одтой, шар хулгана өдөр. Тухайн өдөр луу, бич жилтнээ аливаа үйлийг хийхэд эерэг сайн ба бар туулай жилтнээ сөрөг муу нөлөөтэй тул аливаа үйлийг хийхдээ хянамгай байж, биеэ энхрийлүүштэй. Эл өдөр гэмтнийг шийтгэх, гарагийг тахих, хүүхэд үрчлэн авах, хур оруулах дархны үйлд сайн. Улааны үйл, төлгө тавих, морь уралдах, хиншүү хярвас гаргахад муу. Үс шинээр үргээлгэх буюу засуулахад эрч, хүч ихсэнэ.
- Манай улсын голлох валют болох ам.долларын ханш авах нь 3515.00, зарах нь 3520.00 төгрөгтэй тэнцэж байгаа бол бусад валют болох рубль авах нь 45.00, зарах нь 45.50, юанийн авах ханш 511.00, зарах нь 514.00, вонын авах нь 2.71, зарах нь 2.73 төгрөгтэй тэнцэж байна.
Өнөөдөр болох онцлох үйл явдлууд:
-
09.00-13.00 цагт “Блью Скай” зочид буудалд: "Хямралын мэдээллийн харилцаа" оролцогч талуудын хамтын ажиллагааны хөтөлбөрийн II шатны үр дүнг танилцуулах зөвлөлдөх уулзалт болно.
-
09.00-10.00 цагт “Чингис хаан”-ын музейд Соёлын яам, Төв аймгийн Соёл, урлагийн газар, “Чингис хаан” Үндэсний музейгээс хамтран “Соёлын төв - Соён гэгээрлийн төв” мэргэжил арга зүйн сургалт, зөвлөгөөн болно.
-
9.30 цагт "ЖОРЛОН" Үндэсний чуулган Худалдаа аж үйлдвэрийн танхимд болно. Холбоо барих дугаар 88038882
-
10:30 цагт Хангарди ордны 14 давхарт ногоон байгууламжийн арчилгаа, иргэдээс ирж буй өргөдөл, гомдлын шийдвэрлэлт болон цаг үеийн бусад асуудлаар мэдээлэл өгнө. Холбогдох утас: 99160069
-
10.30-13.30 цагт “Монполимет” (МПМ) цогцолбор төвд Монголын Мянганы Сорилтын сан БХБЯ-ны хооронд харилцан ойлголцлын санамж бичигт гарын үсэг зурах ёслол болно.
-
10.00 цагт МҮЭ-ийн Соёлын төв ордонд Их, дээд сургууль, МСҮТ төгсөгчдийг ажлын байранд зуучлан, ЕБС төгсөгчдөд мэргэжлийн чиг баримжаа олгох, хөдөлмөр эрхлэлтийг дэмжих “Залууст ээлтэй Аж үйлдвэрийн хувьсгал” өдөрлөг болно. Утас: 8810-1990.
-
11.00 цагт Үндэсний мэдээллийн төвд нийгмийн эрүүл мэндийн "Фокус" ТББ-аас цахим орчинд хуурамч хаяг үүсгэн ташаа мэдээлэл түгээж байгаа талаар мэдээлнэ.
-
12.00 цагт “Хөөрхөн дэлхий” ТББ болон хүний эрхийн “Далд хүн” байгууллагаас Нийслэлийн Гэр бүл хүүхэд залуучуудын хөгжлийн газрын үүдэнд “Хүүхдийг хүчирхийлэхийн эсрэг” жагсаал зохион байгуулна. Утас: 8806-3425.
-
13.00 цагт Нийслэлийн БГД-ийн Засаг даргын Тамгын газрын хурлын танхимд: Геронтологийн үндэсний төв Нийслэлийн Ахмадын хороотой хамтран “Энэ жилдээ Эрүүл жиндээ” аяны үйл ажиллагааг нээнэ. Утас: 9300-0499.
Энэ өдөр дэлхийн түүхэнд:
- 1146 онд Клирвагийн Бернард Вазелай дахь талбайд номлол хийж, загалмайтны аян дайн эхлүүлэх уриалга гаргав.
- 1657 онд Английн парламентийн гишүүд хамгаалагч Оливер кромвеллд титэм олгохыг хүссэн өргөдөл гаргаж байв.
- 1942 онд Кастилийн хатан хаан Изабелла, Аргоны хаан II Фердинанд нар еврейчүүдийг хаант улсаасаа хөөх "Альхамбра" зарлиг гаргаж байжээ.
