Өнөөдөр гадаа 2 хэм дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
3 дугаар сарын 17-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 76 дахь өдөр бөгөөд он дуусахад 289 хоног үлдлээ.
- Цаг агаар өдөртөө 2 хэмийн дулаан бол шөнөдөө 15 хэм хүйтэн байх нь ээ.
- Билгийн тооллын 25, Элдэв тэнгэртэн одтой, хөх нохой өдөр. Тухайн өдөр морь жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр буян номын үйлд шамдах, бүтээл туурвил эхлэх, худалдаа арилжаа хийх, бизнес эхлэх, зэрэг дэвших, лус тахих, хүүхэд үрчлэн авах, гэр, байшингийн суурь тавихад сайн. Нүүдэл суудал хийх, хэрүүл тэмцэл хийх, цөөрөм байгуулахад муу. Үс шинээр үргээлгэх буюу засуулахад тохиромжгүй.
- Манай улсын голлох валют болох ам.долларын ханш авах нь 3528.00, зарах нь 3532.00 төгрөгтэй тэнцэж байгаа бол бусад валют болох рубль авах нь 45.30, зарах нь 46.00, юанийн авах ханш 512.50, зарах нь 514.00, вонын авах нь 2.69, зарах нь 2.71 төгрөгтэй тэнцэж байна.
Өнөөдөр болох онцлох үйл явдлууд:
-
09.00 цагт: Төрийн ордонд: Хөгжлийн банкнаас санхүүжүүлсэн төсөл, хөтөлбөрийн хэрэгжилт, үр дүн, зээл олголт, эргэн төлөлтийг хянан шалгах Түр хорооноос нотлох баримтыг шинжлэн судлах гурав дахь шатны сонсгол 5 дахь өдрөө үргэлжилнэ.
-
10.00 цагт: УИХ-ын чуулганы нэгдсэн хуралдаан болно. Чуулганы хуралдаанд мал сүргийн хаваржилт, хаврын тариалалтын бэлтгэл ажил, нөөцийн махны худалдааны талаар Ерөнхий сайдын мэдээллийг сонсоно.
-
10.00 цагт: Монгол цэргийн өдөр, Монгол Улсад орчин цагийн Зэвсэгт хүчин үүсэж хөгжсөний 102 жилийн ойн баярыг тохиолдуулан жанжин Д.Сүхбаатарын хөшөөнд БХЯ, ЗХЖШ-ын удирдлагууд цэцэг өргөнө.
-
11.00 цагт: “Зориг” сангийн “Goffee shop-д Монголын уран сайхны “Трио” кино олон улсын шагнал хүртэж, Швейцарын Холбооны улсын Женев хот дахь НҮБ-ын байранд гаргах болсон талаар мэдээлнэ.
-
14.00 цагт: "Монголын улс төрийн тогтолцоо" сэдвээр хэлэлцүүлэг Туушин зочид буудалд болно.
-
Өсвөрийн 18 хүртэлх насны хоккейн Азийн аварга шалгаруулах тэмцээний хаалт, сүүлчийн тоглолтууд Улаанбаатар хотын "Мөсөн өргөө" (Steppe Arena)-нд болох бөгөөд 13.30 цагт Туркменистан-Иран, 17.00 цагт АНЭУ-Узбекистан, 20.30 цагт Тайланд-Монгол тоглож, медалийн эзэд шагналаа гардах юм
Энэ өдөр дэлхийн түүхэнд:
- Өнөөдөр Ирланд улсын Гэгээн Патрикийн өдөр тохиож байна.
- 2013 онд маш том солир сарыг мөргөж байжээ.
- 1992 онд Израильд нэгэн амиа золиослогч машинтай бөмбөг дэлбэлснээс болж 29 хүн нас барж, 242 хүн бэртэж гэмтжээ.
- 1969 онд Голда Мейр Израилийн анхны эмэгтэй ерөнхий сайд болж байжээ.
- Мөн өнөөдөр Тайландын "Muay" хэмээх үндэсний тулааны спортын өдөр тохиож байгаа аж.
