Өнөөдөр гадаа 5 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
3 дугаар сарын 14-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 73 дахь өдөр бөгөөд он дуусахад 292 хоног үлдлээ.
- Цаг агаар өдөртөө 6 хэмийн хүйтэн бол шөнөдөө 19 хэм хүйтэн байх нь ээ.
- Билгийн тооллын 22, Эрхтэний тэнгэрт одтой, цагаагчин хонь өдөр. Тухайн өдөр гахай, туулай жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул аливаа үйлд хянамгай хандаж, биеэ энхрийлүүштэй. Эл өдөр гэмтнийг шийтгэх, угаал үйлдэх, мал худалдан авах, мал түгээх, огторгуйн үүдийг боох, их хүмүүнтэй уулзахад сайн. Сахил санаваар авах, хануур төөнүүр хийлгэх, балгадын суурь тавих, нохой худалдан авахад муу. Үс шинээр үргээлгэх буюу засуулбал эд, эдлэл, идээ, ундаа олдоно.
- “Найман шарга” валют арилжааны төвд ам.долларын авах ханш 3528.00 төгрөг, зарах нь 3532.00 төгрөг байна. Харин рублийн авах ханш 44.70, зарах ханш 45.30, юанийн авах ханш 513.00, зарах ханш 516.00, вонийн авах ханш 2.70, зарах ханш 2.72 төгрөг байна.
Өнөөдөр болох онцлох үйл явдлууд:
-
09.30 цагт: “Шангри-Ла” зочид буудалд: Боловсролын төлөө түншлэгчдийн энэ оны цугларалт, зөвлөлдөх уулзалт болно. Уулзалтаар Засгийн газраас боловсрол, шинжлэх ухааны салбарт баримталж буй бодлогыг түншлэгч, донор, олон улсын хөгжлийн байгууллага, иргэний нийгмийн байгууллагын төлөөлөлд танилцуулж, хамтын ажиллагаа, түншлэлийн байнгын ажиллагаатай механизмыг бүрдүүлнэ.
-
09.30 цагт: Төрийн ордонд Хөгжлийн банкнаас санхүүжүүлсэн төсөл, хөтөлбөрийн хэрэгжилт, үр дүн, зээл олголт, эргэн төлөлтийн явцыг хянан шалгах Түр хорооноос нотлох баримтыг шинжлэн судлах гурав дахь шатны сонсгол 2 дахь өдрөө үргэлжилнэ.
-
11.30 цагт “ЗМ” сонины Үндэсний мэдээллийн төвд: Барилга байгууламжийг байнгын ашиглалтад хүлээн авсан Улсын комиссын 2013-2019 оны хууль зөрчсөн үйлдэл, баримтын талаар “Бүрэн цутгамал” ХХК-иас мэдээлнэ.
-
12.00 цагт Хэвлэлийн хүрээлэнд: Улс хоорондын тээвэр, байнгын ачаа тээврийн тендер будлиантай, хууль бус байгаа талаар Монгол Улсын зөвлөх инженер Д.Батбаатар хэвлэлийн бага хурал зарлажээ. Утас: 350002.
-
12.00 цагт ШУА-д Дэлхийн математикчдийн өдрийг манай улс анх удаа зохион байгуулж байгаа талаар мэдээлнэ.
-
13.00-20.30 цагт “Степпе Арена” мөсөн өргөөнд: Өсвөрийн 18 хүртэлх насны хоккейн Азийн аварга шалгаруулах тэмцээн үргэлжилнэ. Өнөөдөр 17.30 цагт Монгол-Узбекстаны багууд тоглоно.
Энэ өдөр дэлхийн түүхэнд:
- 2008 онд Төвдийн Лхас хотод тусгаар тогтнолыг дэмжсэн олон арван жагсаал, бослого хөдөлгөөн болов.
- 2006 онд Чадын цэргийн алба хаагчид төрийн эргэлт хийхийг завджээ.
- 1995 онд АНУ-ын сансрын нисэгч Норман Тагард задгай сансарт Оросын ачааны машин жолоодсон анхны сансрын нисэгч болов.
- 1994 онд гар утасны хамгийн хүчтэй процессор болох Лайнукс кернел хувилбарын 1.0.0 загвар худалдаанд гарчээ.
- 1988 онд газар нутгийн маргаантай байдаг Спратти арлын төлөөх тулаанд Хятадын арми Вьетнамын армийг бут ниргэжээ.
- 1980 онд Польшийн нийслэл Варшавын ойролцоо "ЛОТ 7" хөлөг онгоц осолдож 87 хүн амиа алджээ. Амиа алдагсдын дотор Америкийн боксын шигшээ багийн 14 тамирчин багтсан байна.
- 1951 онд Солонгосын дайн: НҮБ-ын цэнхэр дуулгатнууд Сөүл хотыг эргэн мэдэлдээ авав.
