Өнөөдрийн тухай таны мэдэх ёстой 38 зүйл: “Батмөнх Даян хаан” түүхэн романы нээлт болно

Өнөөдөр нийслэлд 4 хэм хүйтэн байна. Таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.

Хоёрдугаар сарын 27-ны өдөр

1. Өнөөдөр бол жилийн 58 дахь өдөр бөгөөд он дуусахад 307 хоног үлдлээ.

2. Цаг агаар өдөртөө -4 хэмийн хүйтэн бол шөнөдөө -19 градус хүйтэн байх нь ээ.

3. Билгийн тооллын 8, Чөлөөт эх одтой, улаан луу өдөр. Тухайн өдөр хулгана, бич жилтнээ аливаа үйлийг хийхэд эерэг сайн. Эл өдөр эе, эвээ ололцох, хамтын хөдөлмөр эхлэх, гэрээ хэлцэл байгуулах, найр хурим хийх, бэр гуйх, инж өгөх, авах, үнэт эрдэнийн зүйл авах, лус тахих, хур оруулах, зэтгэрийг номхотгох, хөгжмийн зэмсэг урлах, дархны үйлд сайн. Гүүр тавих, газар ухах, цөөрөм байгуулахад муу. Өдрийн сайн цаг нь бар, луу, могой, бич, тахиа, гахай болой. Хол газар яваар одогсод зүүн зүгт мөрөө гаргавал зохистой. Үс шинээр үргээлгэх буюу засуулбал нас уртадна.

4. Манай улсын голлох валют болох ам.долларын авах ханш 3524.00 төгрөг, зарах нь 3530.00 төгрөг байна. Харин рублийн авах ханш 46.00, зарах ханш 46.50, юанийн авах ханш 511.00, зарах ханш 515.00, вонийн авах ханш 2.71, зарах ханш 2.76 төгрөг байна.

Өнөөдөр болох онцлох үйл явдлууд:

1. 11.00 цагт Манба дацан хийдэд Манла бурханы хот мандал-Лолан Жинхорыг равнайлан залах буян номын нээлтийн ажиллагаа, "Мөргөлийн эгшиг" хүндэтгэлийн тоглолт болно. Утас: 9191-0646, 9405-2992.
2. 13.00 цагт “Пума имперал” зочид буудалд Батмөнх даян хааны мэндэлсний 560 жилийн ойг тохиолдуулан бүтээсэн СГЗ, хэл шинжлэлийн ухааны доктор, профессор, зохиолч  Данзанноровын Хүүгийн “Батмөнх Даян хаан” түүхэн, танин мэдэхүйн гурамсан романы нээлт болно.

Энэ өдөр дэлхийн түүхэнд:

1. 380 - Ромын эзэнт гүрний хаан I Теодосий хамтран төр барьж байсан Гратиан болон II Валентиниан нар Ром даяар Христийн шашин шүтэхийг зөвшөөрчээ.
2. 425 - Ромын эзэнт гүрний хаан II Теодосий хаан Константинополь хотод их сургууль байгуулах зарлиг буулгав.
3. 907 - Кидан гүрний Абаожи хаан улсын нэрээ Лиао хэмээн өөрчилж, Хятадын умард хэсэгт суурьшив.
4. 1594 - Францын хаан ширээнд IV Анри суужээ.
5. 1617 - Орос, Шведчүүд Стольбовогын гэрээг байгуулснаар дайн эцэслэж, Балтын тэнгисээс оросууд цэргээ татжээ.
6. 1626 - Лиадонгын удирдагч Юань Чонхуан, Нурхачигаар удирдуулсан Манжийн цэргийг Манжуур орчимд бут цохив.
7. 1700 - Шинэ Британи арлыг илрүүлжээ.
8. 1782 - Америкийн хувьсгал: Их Британийн ард нийтийн танхим Америкийн эсрэг дайн дэгдээх шийд гаргав.
9. 1801 - АНУ-ын Конгресс Вашингтон хотыг Колумбиа хотын холбооны тойрог болгож, Колумбиа мужид тусдаа бие даасан захиргаатай болгожээ.
10. 1812 - Аргентин улсын тусгаар тогтнолын дайн: Аргентиний тусгаар тогтнолын хөдөлгөөнийг удирдаж байсан Мануэль Белграно Росарио хотод тус улсын далбааг анх удаагаа мандуулав.
11. 1844 - Бүгд найрамдах Доминикан улс Гайтигаас тусгаар тогтнов.
12. 1861 - Польш улсад Хаант Оросын дарангуйллыг эсэргүүцсэн бослого болов. Уг бослогыг Хаант Оросын цэргүүд хүч хэрэглэн даржээ. Үүний уршгаар 5 жагсагч амь насаа алдсан байна.
13. 1870 - Японы улсын одоогийн төрийн далбаа Японы худалдааны хөлөг онгоц дээр анх удаагаа манджээ.
14. 1898 - Грекийн хаан I Гиорг хааны амь насанд халдахыг завдав.
15. 1900 - Британийн хөдөлмөрийн нам байгуулагдав.
    1. Германы дээд лигт 27, Аваргуудын лигийн тэмцээнд таван удаа түрүүлсэн Байерн Мюнхен клуб байгуулагджээ.
16. 1921 - Социалист намуудын олон улсын хөдөлмөрчдийн холбоо Австрийн Венна хотод байгуулагджээ.
17. 1922 - АНУ-ын үндсэн хуулийн 19 дэх нэмэлт өөрчлөлтөөр эмэгтэйчүүдийн санал өгөх эрхийг хуульчилсан байна.
18. 1933 - Райхстагын гал: Германы парламент буюу Райхстагын ордон бүрэн шатав. Уг хэргийн хариуцлагыг хожим нь Голландын социалист үзэлтэй Маринус ван дер Люббе болон түүний гэргий хүлээсэн байдаг. Ихэнх түүхчид Нацистууд энэ хэргийг санаатайгаар үйлдэж, олон нийтийн итгэлийг олж авсан гэж үздэг билээ.
19. 1940 - Алдарт химич Мартин Камен, Сем Рюбен нар "карбон-14" бодисыг илрүүлжээ.
20. 1942 - Дэлхийн хоёрдугаар дайн: Холбоотны арми Ява арлын тулаанд Японы армийг бут ниргэв.
21. 1943 - Нацистын дээд удирдлага болох Гестапо "Розенштрассын бослого"-ыг зохион байгуулсан гэх үндэслэлээр 1,800 еврей эрчүүдийг эхнэрийнх нь хамт баривчилжээ.
22. 1951 - АНУ-ын үндсэн хуулийн 22 дахь өөрчлөлтөөр тус улсын Ерөнхийлөгчийг зөвхөн нэг л удаа улиран сонгогдох эрхтэй байхаар хуульчилжээ.
23. 1961 - Испанийн худалдааны байгууллага анхны хуралдаанаа зарлан хуралдуулав.
24. 1963 - Бүгд найрамдах Доминикан улсад анх удаагаа ерөнхийлөгчийн ардчилсан сонгууль болж Хуан Бош ялалт байгуулжээ. Ингэснээр Раффаель Трухилогийн дарангуйлал нуран унасан юм.
25. 1964 - Италийн парламент чадварлаг архитекторч болон барилгын үйл ажиллагаа явуулдаг компаниудаас "Пизагын ганхмал цамхаг"-ыг хэрхэн тэгшлэх, нураахгүй байх талаар асуулга, ажлын тайлан авах шийдвэр гаргажээ.
26. 1971 - Нидерландын эмч нарын холбоо ээлжит хуралдаанаараа үр хөндөлтийг чөлөөтэй хийдэг нэгдсэн эмнэлэг байгуулахаар шийдвэрлэжээ.
27. 1976 - Испанийн мэдэлд байсан Баруун Сахарын бүс нутаг тусгаар тогтнолоо зарлаж Арабын бүгд найрамдах, ардчилсан Сахрави улс болж, нэрээ өөрчлөв.
28. 1991 - Персийн булангийн дайн: АНУ-ын ерөнхийлөгч "эцэг" Жорж Буш Кувейтийг чөлөөлсөн гэж мэдэгджээ.
29. 2004 - "Мөхлийн өдөр" хөдөлгөөний тэргүүн Асахара Шокод Японы дээд шүүх террорист халдлага үйлдсэн гэж үзэн цаазын ял оноожээ. Токио хотын метронд 1995 онд болсон хорт хийн халдлагыг төлөвлөн, зохион байгуулсан хэрэгт түүнийг буруутгасан юм.
30. 2007 - Шанхайн хөрөнгийн биржийн хувьцаанууд 9 хувиар унаж, сүүлийн арван жилийн хамгийн муу үзүүлэлтээ үзүүлэв.
31. 2010 - Чили улсын төв хэсэгт 8.8 магнитудын хүчтэй газар хөдлөлт болж 500 хүн амиа алдан, 1,000 гаруй хүн гэмтэж, бэртжээ.
32. 2015 - ОХУ-ын улстөрч Борис Немцовын амь насанд халдав.