Өнөөдөр гадаа 5 хэм хүйтэн байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Хоёрдугаар сарын 15-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 46 дахь өдөр бөгөөд он дуусахад 319 хоног үлдлээ.
- Цаг агаар өдөртөө 5 хэмийн хүйтэн бол шөнөдөө 31 хэм хүйтэн байх нь ээ.
- Билгийн тооллын 25, эрхтэний тэнгэрт одтой, хөх луу өдөр. Тухайн өдөр хулгана, бич жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр эе, эвээ ололцох, хамтын хөдөлмөр эхлэх, гэрээ хэлцэл байгуулах, найр хурим хийх, бэр гуйх, инж өгөх, авах, үнэт эрдэнийн зүйл авах, угаал үйлдэх, бороо хур оруулах, зэтгэрийг номхотгох, хөгжмийн зэмсэг урлах, дархны үйлд сайн. Гүүр тавих, газар шороо ухахад муу. Үс шинээр үргээх буюу засуулахад тохиромжгүй.
- Манай улсын голлох валют болох ам.долларын авах ханш 3515.00 төгрөг, зарах нь 3520.00 төгрөг байна. Харин рублийн авах ханш 45.70, зарах ханш 46.70, юанийн авах ханш 516.00, зарах ханш 518.00, вонийн авах ханш 2.76, зарах ханш 2.80 төгрөг байна.
Өнөөдөр болох онцлох үйл явдлууд:
-
09.00 цагт: “Шангри-Ла” зочид буудалд Монгол-Оросын аялал жуулчлалын тур оператор компаниудын хамтарсан форум, В2В уулзалт болно.
-
09.30 цагт: Төрийн ордонд: “Зөвлөлдөж шийдье” зөвлөлдөх санал асуулгын хоёрдугаар үе шатны зөвлөлдөх уулзалт 2 дахь өдрөө үргэлжилнэ.
-
09.00 цагт: "Улаанбаатар" чуулгын байранд Монгол Улсын Хөгжлийн банктай холбоотой шүүхийн урьдчилсан хэлэлцүүлэг болно.
-
10.00-11.00 цагт: СУИС-ийн “Оюутан” театрт “Морин хуур” наадмын хүрээнд “Дуу судлал-2023” эрдэм шинжилгээний хурал болно.
-
10.00 цагт: Үндэсний номын санд Монгол Улсын Соёлын гавьяат зүтгэлтэн Ч.Галсангийн уран бүтээлийн 60 жилийн ойд зориулсан “Монголын Герман хэлт уран зохиол ба иргэний мөн чанар” эрдэм шинжилгээний хурал болно.
-
11.00 цагт: “Монгол ньюс” мэдээллийн төвд XVII жарны усан туулай жилийн өнгө, ноён нуруу, Төгс Буянт зурхайн ёсны талаар зурхайч З.Санждорж мэдээлэл хийнэ.
-
13.00 цагт: Замын хөдөлгөөний удирдлагын төвөөс Сар шинийн баярын өдрүүдэд авто замын нөхцөл байдлыг хэрхэн зохицуулах талаар мэдээлнэ. Утас:8808-4148.
-
14.30 цагт: Монгол улсын Соёлын гавьяат зүтгэлтэн, орчуулагч Гүрбазарын Амарын мэндэлсний 90 жилийн ойг тохиолдуулан "Амар гүүшийг дурсахуй" хүндэтгэлийн өдөрлөг болно. Өдөрлөгийг "Амар гүүшийн өв" ТББ санаачлан Оросын Соёл, шинжлэх ухааны төв, Үндэсний Номын сан хамтран зохион байгуулж байна.
Энэ өдөр дэлхийн түүхэнд:
- 2013 онд ОХУ-д солир унаж хад чулуу мөргөсний улмаас 1,500 хүн гэмтэж бэртэв.
- 2003 онд Иракын дайныг эсэргүүцсэн хөдөлгөөн дэлхийн 600 хотод болов. Тухайн үед энэ хөдөлгөөнд 30 сая хүн хамтрагдсан нь түүхэн дэх хамгийн том эсэргүүцлийн хөдөлгөөн болсон юм.
- 2001 онд алдарт Nature сэтгүүлд хүний генийн кодыг анх удаагаа нийтэлжээ.
- 1992 онд цуврал алуурчин Жеффри Дамерт бүх насаар нь хорих ял оноов.
- 1991 онд Чехословак, Унгар, Польш улс чөлөөт худалдааны системд шилжихээр болжээ.
- 1972 онд АНУ түүхэндээ анх удаагаа дуу бичлэгийг зохиогчийн эрхэд хамааруулж эхлэв.
- 1965 онд Канад улс одоогийн төрийн далбааны загварыг батлав.
