Өнөөдөр гадаа 11 хэм хүйтэн байна. Таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
1 дүгээр сарын 31-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 31 дахь өдөр бөгөөд он дуусахад 334 хоног үлдлээ.
- Цаг агаар өдөртөө 11 хэмийн хүйтэн бол шөнөдөө 32 хэм хүйтэн байх нь ээ.
- Билгийн тооллын 10, Чөлөөт эх одтой, шарагчин үхэр өдөр. Тухайн өдөр могой жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр гэмтнийг шийтгэх, лус тахих, мал арилжих, гэр бүрэхэд сайн. Цөөрөм байгуулахад муу. Үс шинээр үргээлгэх буюу засуулбал эрч хүч ихсэнэ.
- Манай улсын голлох валют болох ам.долларын ханш авах нь 3495.00, зарах нь 3502.00 төгрөгтэй тэнцэж байгаа бол бусад валют болох рубль авах нь 48.50, зарах нь 48.80, юань авах нь 517.50, зарах нь 520.00, вон авах нь 2.85, зарах нь 2.87 төгрөг байна.
Өнөөдөр болох онцлох үйл явдал:
-
09.00-12.00 цагт: Нээлттэй нийгэм форумын байранд: “Нээлттэй засаглалыг бэхжүүлэхэд нээлттэй өгөгдлийг ашиглах нь” иргэний нийгмийн байгууллагууд оролцсон хэлэлцүүлэг болно.
-
12.00 цагт Эрчим хүчний салбарын ажилтнуудын тулгамдсан асуудал, МҮЭ-ийн холбооны гишүүн байгууллага болох Монголын Эрчим хүч, геологи уул уурхай (МЭХГУУ)-н ҮЭ-ийн холбооны удирдлагуудын хариуцлагагүй үйлдлийн талаар Дулаан цахилгаан үйлдвэрлэгч, түгээгчдийн ҮЭ-ийн холбооноос мэдээлнэ. Утас: 9904-3832.
-
12.40 цагт: Удирдлагын академийн Б байрны хурлын зааланд “Транспэрэнси Интернэшнл Монгол” байгууллагаас Улс орнуудын авлигын төсөөллийн 2022 оны индексийг танилцуулна.
15.00 цагт “Шангри-Ла” зочид буудалд Монголын Бизнесийн зөвлөлийн бүх гишүүдийн сарын уулзалт “Илүүдэл нүүрс хүчил ялгаруулахгүй байх ирэх цагийн шаардлагад бизнесээ бэлдэх нь” сэдвээр болно.
Энэ өдөр дэлхийн түүхэнд:
- 2009 онд Кенийн газрын тос хадгалах байр дэлбэрч 113 хүн амиа алджээ. Үүнээс нэг өдрийн дараа Найроби хот дахь Накуматт дэлгүүрт гал гарч 25 хүн амиа алдсан юм.
- 1971 онд Аполло хөтөлбөр: Сансарын нисэгч Алан Шепард, Стюарт Рооза, Эдгар Митчелл нарын багтсан Аполло 14 хөлөг сарыг судлах зорилгоор хөөрчээ.
- 1968 онд Науру улс Австралиас тусгаар тогтнолоо зарлажээ.
- 1950 онд АНУ-ын ерөнхийлөгч Харри С.Труман гидрогений тэсрэх бөмбөгийг турших, хөгжүүлэх шийдвэр гаргав.
- 1949 онд "Энэ бидний хүүхдүүд" нэртэй анхны савангийн дуурь NBC сувгаар гарч эхэлжээ.
- 1946 онд Югослав улс шинэ хууль батласнаар Босни Герцеговина, Хорват, Македон, Монтенегро, Серби, Словени улсыг багтаасан Югославын холбооны улсыг байгуулжээ.
- 1981 оны энэ өдөр Америкийн дуучин Жастин Тимберлейк мэндэлжээ.
