Өнөөдөр гадаа -16 градусын хүйтэн байна. Цаг агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Арванхоёрдугаар сарын 9-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 342 дахь өдөр бөгөөд он дуусахад 23 хоног үлдлээ.
- Цаг агаар өдөртөө -16 хэмийн хүйтэн бол шөнөдөө -24 градус хүйтэн байх нь ээ.
-
Билгийн тооллын XVII Жарны "Буян үйлдэгч" хэмээх Усан бар жилийн Өвлийн тэргүүн цагаагчин гахай сарын давхарласан 16. Сугар гараг. Гөрөөсөн толгой одтой, хоёр хар мэнгэтэй улаан бич өдөр. Өдрийн наран 8 цаг 29 минутад мандан, 16 цаг 59 минутад жаргана. Тухайн өдөр хулгана, луу жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр хууль цааз гаргах, батлах, хэрэглэх, хулгай дээрмийг номхотгох, гэмтнийг шийтгэх, мал адгуус номхруулах, хараал жатхыг буцаах, бүжиг наадам хийх, цэцэрлэг байгуулах, урлан бүтээхэд сайн. Хувцас эсгэх, шинэ хувцас өмсөх, зөвлөгөө хийхэд муу. Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод зүүн зүгт мөрөө гаргавал зохистой. Үс шинээр үргээлгэх буюу засуулахад тохиромжгүй бөгөөд өвчин ирнэ хэмээжээ.
- Валют арилжааны төвд ам.долларын ханш авах нь 3443.00, зарах нь 3446 төгрөгтэй тэнцэж байгаа бол бусад валют болох рубль авах нь 52.50, зарах нь 53.50 , юань авах нь 490.00, зарах нь 494.00 байгаа бол вон авах нь 2.63, зарах нь 2.65 төгрөг байна.
Өнөөдөр болох онцлох үйл явдлууд:
- 10:00 цагт: УИХ-ын чуулганы нэгдсэн хуралдаан болно.
- 10:00 цагт: ЭМЯ-наас Засгийн газрын иргэд олон нийттэй харилцах 1111 төвд ирсэн гомдол санал, томуу, томуу төст өвчний талаар болон бусад цаг үеийн асуудлаар мэдээлнэ. Утас: 9979-7227.
- 11:30 цагт: УБТЗ-ын төв буудалд экспортын шинэ тээврийн анхны галт тэргийг үдэн гаргах ёслолтой. Энэ нь БНХАУ-аас орж ирсэн импортын ачаанаас суларсан хоосон чингэлэгт жижиг, дунд бизнес эрхлэгчдийн экспортын бараа бүтээгдэхүүнийг ачиж экспортод гаргаж буй анхны тохиолдол юм. Утас: 9909-1674, 8611-4818.
- 12:00 цагт: Хэвлэлийн Хүрээлэнгээс ХМХ-ийн ажилтнуудын хөдөлмөрийн нөхцөл, жендэрийн тэгш байдлын талаарх судалгааг танилцуулна.
- 12:00 цагаас Юнивишн ХХК үнэ тарифаа нэмэгдүүлсэн асуудлаар болон бусад асуудлаар хэвлэл ШӨХТГ-ын хурлын танхимд мэдээлэл хийнэ
Энэ өдөр дэлхийн түүхнээ:
- Өнөөдөр Авлигатай тэмцэх олон улсын өдөр тохиож байна.
- 1990 онд SHINee хамтлагийн Minho мэндэлжээ.
- 1987 оны энэ өдөр Унгарын хөлбөмбөгчин бөгөөд Германы «Хоффенхайм» болон Унгарын шигшээд довтлогч Адам Салаи мэндэлжээ.
- 1953 оны энэ өдөр Америкийнтайз, дэлгэцийн жүжигчин, продюсер Жон Малкович мэндэлжээ. Тэрбээр «Оскарт» хоёр удаа нэр дэвшиж байсан аж.
- 1870 оны энэ өдөр Мексикийн хуульч, улс төрч бөгөөд 1914 онд богинохон хугацаанд тус улсын ерөнхийлөгчөөр ажилласан Франсиско Карбахал мэндэлж байжээ.
- 2012 онд болсон Мексикийн онгоцны ослын үеэр 7 хүн амь насаа алдаж байжээ.
