Өнөөдөр гадаа 7 хэм дулаан байна. Таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй
11 дүгээр сарын 15-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 320 дахь өдөр бөгөөд он дуусахад 45 хоног үлдлээ.
- Цаг агаар өдөртөө 7 хэмийн дулаан бол шөнөдөө 10 хэм хүйтэн байх нь ээ.
- Билгийн тооллын 23, Үнэг одтой харагчин тахиа өдөр. Тухайн өдөр үхэр жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр эм, эмнэлэгийн элдэв үйл, хагалгаа хийлгэх, биеийн тамирыг сэргээх, гарагийг тахих, буг дарах, газрын ам бооход сайн. Улаа гаргах, хиншүү хярвас гаргах, мод суулгах, нарийн зөвлөгөөн хийх, байшингийн суурь тавих, угаал үйлдэхэд муу. Үс шинээр үргээлгэх буюу засуулбал эд, эдлэл, идээ, ундаа олно.
- Манай улсын голлох валют болох ам.долларын ханш авах нь 3437.00, зарах нь 3455.00 төгрөгтэй тэнцэж байгаа бол бусад валют болох рубль авах нь 53.70, зарах нь 53.00, юань авах нь 482.00, зарах нь 485.00, вон авах нь 2.60, зарах нь 2.62 төгрөг байна.
Өнөөдөр болох онцлох үйл явдлууд:
-
09.00-10.00 цагт МҮЭХ-ны төв байрны 1 давхарт “Elixir coffee shop”-д “Бичил биетний тэсвэржилтийн талаарх мэдлэг, хандлагыг дээшлүүлэх дэлхийн 7 хоног” аян эхэлж буй талаар Мал эмнэлгийн ерөнхий газраас мэдээлнэ.
-
09.00-13.00 цагт “Миллениум Плаза” зочид буудалд “Хувьсаж буй боловсролд иргэний нийгмийн хувь нэмэр” сэдвээр иргэний нийгмийн чуулган болно. Утас: 8805-3903, 7000-8292.
-
09.00-18.00 цагт “Корпорайт конвеншн” төвд Геронтологийн үндэсний төв ЭМЯ, ДЭМБ-тай хамтран “Настны эрүүл мэндийн цогц тусламж үйлчилгээнд салбар дундын оролцоог хангах нь” үндэсний зөвлөгөөнийг зохион байгуулна. Утас: 98018838, 93000499.
-
10.00 цагт Соёлын төв өргөөнд Монгол Улсын Ерөнхийлөгчийн санаачилгаар “Хүнсний хангамж-аюулгүй байдал” үндэсний хөдөлгөөний нийслэл дэх нээлт болно. Утас: 9903-7310, 8523-2239.
-
10.00 цагт Төрийн ордонд Төрийн албан хаагчийн ёс зүйн тухай хуулийн талаар эрдэмтэн, судлаач, төрийн албан хаагчдыг оролцуулс ан хэлэлцүүлэг болно.
-
10.00-17.00 цагт Г.Занабазарын нэрэмжит дүрслэх урлагийн музейд "Дэлхийн өв-Монгол Алтайн хадны зураг" үзэсгэлэн гарна. Монгол Алтайн хадны зургийн цогцолбор дурсгалт газрын сор болсон сэдэв зохиомж, дүр дүрслэл, загвараар өвөрмөц онцлогтой гол төлөөлөл дүрслэлүүдээс сонгон олон нийтэд таниулан сурталчилна.
-
11.00 цагт Монгол Улсын Ерөнхийлөгчийн ивээл доор зарласан “Байгалийн шилдэг гэрэл зургийн уралдаан 2022”-ын шилдэг бүтээлүүдийг Монголын байгалийн гэрэл зураг нийгэмлэгээс мэдээлнэ.
Энэ өдөр дэлхийн түүхэнд:
- 1988 оны энэ өдөр Америк гаралтай Солонгос дуучин Эрик Нам мэндэлжээ.
- Өнөөдөр Германы Пивоны өдөр тохиож байгаа юм байна.
- Өнөөдөр Оюутан, сурагчдын олон улсын өдөр тохиож байгаа юм байна.
- 1986 оны энэ өдөр Португалийн алдарт хөлбөмбөгийн тамирчин Нани мэндэлжээ.
- 2000 онд Алберто Фүжимори Перу улсын ерөнхийлөгчийн албан тушаалаас огцорч байжээ.
