Өнөөдөр гадаа 2 хэм дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
11 дугаар сарын 10-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 314 дахь өдөр бөгөөд он дуусахад 51 хоног үлдлээ.
- Цаг агаар өдөртөө 2 хэмийн дулаан бол шөнөдөө 12 хэм хүйтэн байх нь ээ.
- Билгийн тооллын 17, Чөлөөт эх одтой, улаагчин туулай өдөр. Тухайн өдөр гахай жилтнээ аливаа үйлийг хийхэд эерэг сайн ба үхэр, луу, хонь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр хууль цааз гаргах, батлах, хэрэглэх, хулгай дээрмийг нохотгох, гэмтнийг шийтгэх, мал адгуус номхруулах, лусыг тахих, мал аж ахуйн үйл, удирдлагын суудалд суух, огторгуйн үүдийг боох, их хүмүүнтэй уулзахад сайн. Сэтгэлд сэвтэй газар очих, газар хагалах, ус булгийн эх малтах, балгадын суурь тавих, нохой худалдан авахад муу. Үс шинээр үргээлгэх буюу засуулахад тохиромжгүй.
- Валют арилжааны төвд ам.долларын авах ханш 3425.00 төгрөг, зарах нь 3430.00 төгрөг байна. Харин рублийн авах ханш 52.65, зарах ханш 53.00, юанийн авах ханш 469.00, зарах ханш 471.00, вонийн авах ханш 2.47, зарах ханш 2.50 төгрөг байна.
Өнөөдөр болох онцлох үйл явдлууд:
-
09.00 цагт МУИС-ийн номын сангийн байранд “Хими-2022” эрдэм шинжилгээний Үндэсний анхдугаар хурал болно. ШУА-ийн Хими, химийн технологийн хүрээлэн, МУИС, ШУТИС, МУБИС, Монголын Химийн нийгэмлэг хамтран тус хурлыг “Шинэ сэргэлт-Химичдийн оролцоо” уриан дор зохион байгуулж байна. Утас: 9971-7977.
-
10.00 цагт МҮХАҮТ-д Дэлхийн чанарын 7 хоног тохиож буйтай холбогдуулан СХЗГ, МҮХАҮТ хамтран "Үндэсний чанарын чуулган"-ы хүрээнд “Итгэмжлэгдсэн лабораториудын өнөөгийн байдал” сэдэвт хэлэлцүүлэг зохион байгуулна.
-
11.30 цагт “Корпорайт конвеншн” төвд Монголын загварын хамгийн том шоу "FLORAISON HIGH FASHION SHOW-2023" болох талаар мэдээлнэ. Топ моделууд, үе үеийн тэргүүн миссүүдийн хамт нэгэн тайзнаа оролцох энэхүү арга хэмжээ нь шинэ жилийн гоёлын даашинзны өнгө төрхийг тодорхойлогч, хамгийн том энтертайнмент загварын шоу болох юм.Утас: 9339-9779 9910-7571 9910-3108.
-
12.00 цагт Хэвлэлийн Хүрээлэнгийн мэдээллийн төвд “ХАБ хангагдаагүйн улмаас залуучууд ажлын байран дээрээ амь насаа алдсаар байх уу?” сэдвээр ОСНААУГ-т харьяалалтай хоёр залуу ажлын байран дээрээ амь насаа алдсан ноцтой ослын талаар ар гэрийнхэн нь хэвлэлийн бага хурал хийнэ. Утас: 11-350002
-
Монголын Үндэсний номын санд Соёлын бүтээлч сарын хүрээнд “Утга зохиол судлал, шүүмж, хамтын ажиллагаа, бодлого” форум болно.
-
12.00 цагт Монголын Үндэсний музейд “Хаданд сийлсэн эртний ураг” тусгай үзэсгэлэн нээгдэнэ.
Энэ өдөр дэлхийн түүхэнд:
- 1977 оны энэ өдөр Өмнө Солонгосын жүжигчин Вонь Бинь мэндэлжээ.
- 1982 оны энэ өдөр Орос-Украйны генерал, улс төрч, ЗХУ-ын агуу удирдагч, тэргүүн, Коммунист намын ерөнхий нарийн бичгийн дарга Леонид Брежнев таалал төгсчээ.
- 1989 оны энэ өдөр Герман Берлины ханыг нурааж эхэлжээ.
- 2009 оны энэ өдөр Хойд болон Өмнөд Солонгосын усан цэргүүд "Daecheong" арал дээр зэвсэгт мөргөлдөөн үүсгэжээ.
