Өнөөдөр гадаа 6 хэм дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
11 дүгээр сарын 08-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 312 дахь өдөр бөгөөд он дуусахад 53 хоног үлдлээ.
- Цаг агаар өдөртөө 6 хэмийн дулаан бол шөнөдөө 8 хэм хүйтэн байх нь ээ.
- Билгийн тооллын 15, Гоё хүүхэн одтой, хөхөгчин үхэр өдөр. Тухайн өдөр могой жилтнээ аливаа үйлийг хийхэд эерэг сайн ба бич тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр худалдаа арилжаа хийх, бизнес эхлэх, хүү сангийн эх хатгах, эд агуурс авах, зээл авах, арвижуулах, дэлгэрүүлэх, үйлийг эхлэх, мал арилжих, буг дарах, газрын ам бооход сайн. Байшингийн суурь тавих, угаал үйлдэхэд муу. Сар хиртэнэ. 17 цаг 16 минутаас 21 цаг 56 минутын хооронд 4 цаг 40 минут үргэлжлэх ба оргил үе нь 17 цаг 59 минутад харагдана. Үс шинээр үргээлгэх буюу засуулбал өлзийтэй сайн.
- Валют арилжааны төвд ам.доллар авах нь 3417.00, зарах нь 3425:00 төгрөгтэй тэнцэж байгаа бол бусад валют болох рубль авах нь 52.50, зарах нь 52.60, юань авах нь 470.00, зарах нь 474 харин вон авах нь 2.45, зарах нь 2.48 төгрөг байна.
Өнөөдөр болох онцлох үйл явдал:
- 09.00-12.00 цагийн хооронд АТГ-ын Олон нийтийн төвд боловсролын салбар дахь ёс зүй, авлигын эрсдэлийн асуудлаар хэлэлцүүлэг болно.
-
10.00 цагт “Блью Скай” зочид буудалд Өрхийн эрүүл мэндийн төвийн нийгмийн ажилтны 2 дугаар зөвлөгөөн болно.
-
11.00 цагт “Монгол ньюс” мэдээллийн төвд “Майнд Теч” ХХК-иас Ерөнхийлөгчийн "Хүнсний хувьсгал" аяныг дэмжиж, "Үнийн хувьсгал"-ыг эхлүүлж байгаагаа зарлаж хэвлэлийн бага хурал хийнэ. Утас: 9910-0443.
-
11.00 цагт Занабазарын музейд Монгол Улсын түүх, соёлын хосгүй үнэт өв “Язгуурын таван бурхан”-ыг анх удаа нэг газар оршоосон “Язгуурын таван шүтээн” үзэсгэлэн гарна. Утас: 9935-5470.
-
12.00 цагт С.Зориг агсны хөшөөтэй АН-ын байранд НИТХ-ын төлөөлөгч Д.Бадарсан, Т.Батцогт, Л.Отгонбаатар нар цаг үеийн асуудлаар мэдээлэл хийнэ. Утас: 9311-3995, 9997-2117.
Энэ өдөр дэлхийн түүхэнд:
- Өнөөдөр Радиологийн Олон улсын өдөр тохиож байна.
- Мөн өнөөдөр Интерсекс хүмүүсийн эрхийг хамгаалах өдөр тохиож байгаа юм байна.
- 1970 оны энэ өдөр Канадын жүжигчин Майкл Жэксон мэндэлжээ.
- 1986 оны энэ өдөр Зөвлөлт Холбоот Улсын улс төрч, хувьсгалч Вячеслав Молотов таалал төгсчээ.
- 2013 онд Филиппинд маш хүчтэй хар салхи дэгдэж, 6340 хүн амь насаа алдаж, 1000 орчим хүн сураггүй алга болж, 2.86 тэрбум ам.долларын хор уршиг учруулж байжээ.
