Өнөөдөр гадаа 0 хэм, үүлэрхэг байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
11 дугаар сарын 03-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 307 дахь өдөр бөгөөд он дуусахад 58 хоног үлдлээ.
- Цаг агаар өдөртөө 0 хэмийн дулаан бол шөнөдөө 13 хүйтэн байх нь ээ.
- Билгийн тооллын 10, Чөдөр одтой, цагаан бич өдөр. Тухайн өдөр хулгана жилтнээ аливаа үйлийг хийхэд эерэг сайн ба үхэр, луу, нохой, жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр хууль цааз гаргах, батлах, хэрэглэх, хулгай дээрмийг номхотгох, гэмтнийг шийтгэх, мал адгуус номхруулах, хараал жатхыг буцаах, бүжиг наадам хийх, цэцэрлэг байгуулах, хур оруулах, дархны үйлд сайн. Хувцас эсгэх, шинэ хувцас өмсөх, зөвлөгөө хийхэд муу. Үс шинээр үргээлгэх буюу засуулбал эрч хүч ихэснэ.
- “Уран ургач” валют арилжааны төвд ам.долларын авах ханш 3416.00 төгрөг, зарах нь 3423.00 төгрөг байна. Харин рублийн авах ханш 52.30, зарах ханш 52.60, юанийн авах ханш 467.00, зарах ханш 469.00, вонийн авах ханш 2.41, зарах ханш 2.43 төгрөг байна.
Өнөөдөр болох онцлох үйл явдлууд:
-
09.00 цагт "Миллианум" зочид буудалд ХӨСҮТ-д "Нотолгоонд суурилсан үнэн зөв мэдээллийг бүрдүүлэх нь" сэдэвт Сүрьеэгийн лабораторын үндэсний зөвлөгөөн болно.
-
11.00 цагт Санхүүгийн зохицуулах хорооноос санхүүгийн салбарын III улирлын тойм мэдээллийг танилцуулна. Санхүүгийн бус үл хөдлөх хөрөнгө зуучлал, үнэт эдлэлийн арилжааны болон виртуал хөрөнгийн үйлчилгээний талаар сэтгүүлчдийн сонирхсон асуултад хариулт өгнө. Утас: 9119-7636
-
11.00 цагт Цус сэлбэлт судлалын Үндэсний төвд сар бүрийн 3-ны “Цусаа бэлэглэх өдөр”-ийн 92 дахь удаагийн арга хэмжээ болно.
-
09.00-12.30 цагт Боловсролын ерөнхий газарт Дээрэлхэлтийн эсрэг олон улсын өдрийг тохиолдуулан “Сургуулийн орчин дахь үе тэнгийн дээрэлхэлт, ялгаварлан гадуурхалт, хүчирхийллээс урьдчилан сэргийлэх”-ийн зөв туршлага, үйл ажиллагааг түгээх өдөрлөг болно. Өдөрлөгт аймаг, нийслэлийн ЕБС-ийн суралцагч, багш, нийгмийн ажилтан, сэтгэл зүйч, удирдах ажилтнууд цахим болон танхим хосолсон хэлбэрээр оролцоно.
-
11.30 цагт Системийн өвчнөөр шаналж байгаа хүүхдүүдийн ээжүүдийн төлөөлөл төрийн 20 байгууллагаас "үгүй" гэх хариу авсан талаар мэдээлэл хийнэ. Утас: 96064973
Энэ өдөр дэлхийн түүхэнд:
- Өнөөдөр Малдивт Ялалтын баярын өдөр тохиож байна.
- Мөн өнөөдөр Япон улсад Соёлын өдөр тохиож байгаа юм байна.
- 1995 оны энэ өдөр Америкийн алдарт загвар өмсөгч Kendall Jenner мэндэлжээ.
- Оросын театр, кино урлагийн алдарт жүжигчин Александр Викторович Дедюшко таалал төгсчээ.
- 2014 онд дэлхийн 6 дахь хамгийн өнөдөр барилга, дэлхийн баруун бөмбөрцгийн хамгийн өндөр барилга болох Нью-Йорк хотын худалдааны төв цамхаг "One World Trade Center"албан ёсоор нээлтээ хийжээ.
