Өнөөдөр гадаа 14 хэм дулаан байна. Таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй
10 дугаар сарын 24-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 297 дахь өдөр бөгөөд он дуусахад 68 хоног үлдлээ.
- Цаг агаар өдөртөө 14 хэмийн дулаан бол шөнөдөө 3 хэм хүйтэн байх нь ээ.
- Билгийн тооллын 29, Тугчин одтой, цагаан нохой өдөр. Тухайн өдөр бар, морь жилтнээ аливаа үйлийг хийхэд эерэг сайн. Эл өдөр архи уух, тамхи татах, сэтгэл муутантай нөхөрлөх зэргийг цээрлэх хэрэгтэй ба лус тахих, хүүхэд үрчлэн авах, андгай тангараг, гэрээ хэлцлээ буцаахад сайн. Нүүдэл суудал хийх, хэрүүл тэмцэл хийх, цөөрөм байгуулах, хүүхэд хөлд оруулахад муу. Үс шинээр үргээлгэх буюу засуулахад тохиромжгүй.
- Манай улсын голлох валют болох ам.долларын ханш авах нь 3400.00, зарах нь 3415.00 төгрөгтэй тэнцэж байгаа бол бусад валют болох рубль авах нь 52.20, зарах нь 52.70, юань авах нь 470.00, зарх нь 473.00, вон авах нь 2.43, зарах нь 2:46 төгрөг байна.
Өнөөдөр болох онцлох үйл явдлууд:
-
10:00 цагт Төрийн ордонд УИХ дахь МАН-ын бүлгийн хуралдаан “Жанжин Д.Сүхбаатар” танхимд болно.
-
10:00 цагт Төрийн ордонд УИХ дахь АН-ын бүлгийн хуралдаан “Их Эзэн Чингис хаан” танхимд болно.
-
10:00 цагт “Туушин” зочид буудалд Төр, хувийн хэвшлийн түншлэлийн хуулийн төслийн хэлэлцүүлэг болно. Утас: 91095757
-
11.30 цагт ЗТХЯ-наас Улаанбаатар хотын эргэн тойрон дахь Товчоод буюу Төлбөр хураах цэгүүдийг бүрэн цахимжуулсан талаар Айцын даваан дахь Түргэний Төлбөр авах цэг дээр нээлттэй танилцуулна.
-
14.00-17.00 цагт “Пума империал” зочид буудалд ТББ-ууд Улаанбаатар хотын түгжрэлийг бууруулах төсөв, хөтөлбөр, зээл тусламжийн талаарх мониторинг танилцуулж, хэлэлцүүлэг зохион байгуулна.
Энэ өдөр дэлхийн түүхэнд:
- 1985 оны энэ өдөр Английн хөлбөмбөгчин Уэйн Рүүни мэндэлжээ.
- 1994 оны энэ өдөр F(x) хамтлагын гишүүн Кристал (Chrystal Soo Jung) мэндэлжээ.
- 2011 онд Британы алтернатив рок чиглэлээр тоглодог Колдплей хамтлагийн 5 дахь албан ёсны цомог "Mylo Xyloto" цацагджээ. Тус албум нь гарснаасаа хойш дэлхий даяар 17 улсын цомгийн борлуулалтын жагсаалтыг тэргүүлсэн бөгөөд Британид тэргүүн байранд орсон тэдний 5 дахь цомог нь Mylo Xyloto болжээ.
- Өнөөдөр АНУ-д Хоолны өдөр тохиож байгаа юм байна.
- 1973 оны Хүйтэн дайны нэг хэсэг болох Египет болон Сирийн Израйлийн эсрэг дайн төгсгөл болжээ.
