Өнөөдөр гадаа 13 хэм дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
10 дугаар сарын 19 -ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 292 дахь өдөр бөгөөд он дуусахад 73 хоног үлдлээ.
- Цаг агаар өдөртөө 13 хэм дулаан бол шөнөдөө нэг хэм хүйтэн байх нь ээ. Шөнөдөө цастай.
- Билгийн тооллын 14, Үнэг одтой, хөхөгчин могой өдөр. Тухайн өдөр үхэр, тахиа жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр эм, эмнэлэгийн элдэв үйл, хагалгаа хийлгэх, биеийн тамирыг сэргээх, сан тавиулах, угаал үйлдэх, газар лусын зан үйл хийх, өр барагдуулах, гэр бүрэхэд сайн. Ургаа мод таслах, газрын ам нээх, сэтгэлд сэвтэй газар очиход муу. Үс шинээр үргээлгэх буюу засуулбал өмчин эмгэгтэй болно.
- “Уран уургач” валют арилжааны төвд ам.долларын авах ханш 3406.00 төгрөг, зарах нь 3420.00 төгрөг байна. Харин рублийн авах ханш 51.90, зарах ханш 52.10, юанийн авах ханш 476.00, зарах ханш 479.00, вонийн авах ханш 2.37, зарах ханш 2.43 төгрөг байна.
Өнөөдөр болох үйл явдал:
-
08.30 цагт Төрийн ордонд “Төсөв-2023” сэдэвт олон нийтийн нээлттэй хэлэлцүүлэг болно.
-
09.00-17.00 цагт “Блю Скай” зочид буудалд албаны нохой бүхий төрийн байгууллагуудын анхдугаар чуулга уулзалт болно. Утас: 91910031
-
12.00 цагт “Интерном”-д “Төрд зүтгэсэн эрхэмүүд” түүхэн номын нээлт болно. Утас 88881924
-
14.00 цагт Эмийн чанар шалгах лабораторид Эмийн хянан шалгах түр хорооны гишүүд эмийн чанар, аюулгүй байдал, тээвэрлэлтийн талаар мэдээлнэ. Утас: 99103830.
Энэ өдөр дэлхийн түүхэнд:
- "Хадгаламж, зээлийн хоршооны олон улсын өдөр" тохиож байна.
- 2003 онд Тереза эх II пап ламд адислуулжээ.
- 2005 онд Багдадад Иракийн удирдагч асан Садам Хуссейныг шүүх анхны хуралдаан болжээ.
- 1987 оны Хар Даваа гараг: хөрөнгийн зах зээлийн индекс болох DJIA-ны индекс 22 хувиар унажээ.
- 2013 онд Буэнос-Айрест болсон галт тэрэгний ослоор 105 гаруй хүн бэртэж шархаджээ.
