Өнөөдөр нийслэлд зургаан хэмийн дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Аравдугаар сарын 14-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 287 дахь өдөр бөгөөд он дуусахад 78 хоног үлдлээ.
- Цаг агаар өдөртөө зургаан хэмийн дулаан бол шөнөдөө найман хэм хүйтэн байх нь ээ.
- Билгийн тооллын 20, Чөлөөт эх одтой, цагаан хулгана өдөр. Тухайн өдөр луу, бич жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр буян номын үйлд шамдах, бүтээл туурвил эхлэх, худалдаа арилжаа хийх, бизнес эхлэх, зэрэг дэвших, лусыг тахих, хүүхэд үрчлэн авах, урлан бүтээхэд сайн. Улааны үйл, төлгө тавих, морь уралдах, сэтгэлд сэвтэй газар очиход муу. Үс шинээр үргээлгэх буюу засуулахад тохиромжгүй.
- Валют арилжааны төвд ам.долларын авах ханш 3430.00 төгрөг, зарах нь 3440.00 төгрөг байна. Харин рублийн авах ханш 51.50, зарах ханш 52.00, юанийн авах ханш 478.00, зарах ханш 482.00, вонийн авах ханш 2.43, зарах ханш 2.45 төгрөг байна.
Өнөөдөр болох үйл явдал:
-
09.00 цаг: “Новотел” зочид буудалд “Хавдар судлалын тулгамдсан асуудал-2022” эрдэм шинжилгээний бага хурал үргэлжилж, шилдэг илтгэлүүдийг шалгаруулж, аймгуудын Эрүүл мэндийн газартай хамтын ажиллагааны гэрээнд гарын үсэг зурна. Утас: 99063902, 91113930
-
11.00 цаг: "Ханбогд кашмер" ХХК-ийн нэрийн барааны дэлгүүрийн нээлт болно
-
14.00 цагт нийслэлийн Сонгинохайрхан дүүрэгт байрлах 12 дугаар сургуулийн барилгыг яаралтай бариулах талаар эцэг, эхчүүдийн төлөөлөл шаардаж жагсахаар болжээ. Утас 99060644
Энэ өдөр дэлхийн түүхэнд:
- Өнөөдөр Дэлхийн стандартын өдөр тохиож байна.
- Мөн өнөөдөр Энэтхэг улсад Хүүхдийн баяр тохиож байна.
- 1969 оны энэ өдөр сүмогийн 36 дахь ёкозүна Хагүрояма Масажи таалал төгсчээ.
- 1984 онд Английн алдарт хөлбөмбөгийн тамирчин Алекс Скотт мэндэлжээ.
- 1984 онд "Baby Fae" хэмээн алдаршсан зүүн зүрхний цооролттой төрсөн нярайд нохой сармагчингийн зүрхийг амжилттай шилжүүлэн суулгажээ.
