Өнөөдөр гадаа 12 хэм дулаан байна. Таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй
Аравдугаар сарын 11-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 284 дахь өдөр бөгөөд он дуусахад 81 хоног үлдлээ.
- Цаг агаар өдөртөө 12 хэмийн дулаан бол шөнөдөө 3 хэм хүйтэн байх нь ээ.
- Билгийн тооллын 17, Шийдэм од, улаагчин тахиа өдөр. Тухайн өдөр үхэр, могой жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр буян номын үйлийг эхлэх, дээдсээс халамж хүсэх, лам хувраг болох, багш шавьд барилдах, номын абшиг авах, шинэ гэр ба байр авах, гарагийг тахих, хагалгаа хийлгэх, гэр бүрэхэд сайн. Мод суулгах, нарийн зөвлөгөөн хийх, улаа гаргах, хиншүү хярвас гаргахад муу. Балжинням, Дашням давхацсан өдөр. Үс шинээр үргээлгэх буюу засуулахад тохиромжгүй.
- Манай улсын голлох валют болох ам.долларын ханш авах нь 3440.00, зарах 3460.00 төгрөгтэй тэнцэж байгаа бол бусад валют болох рубль авах нь 52.70, зарах нь 53.10, юань авах нь 482.00, зарах нь 486.00, вон авах нь 2.43, зарах нь 2.46 төгрөг байна.
Өнөөдөр болох онцлох үйл явдлууд:
-
09.00 цагт Blue sky зочид буудалд Монголын шүүгчдийн холбоо, АНУ-аас Монгол Улсад суугаа ЭСЯ хамтран "Шүүгч ба олон нийт" хэлэлцүүлэг болно.
-
09.30 цагт “Блю Скай” зочид буудалд АНУ-ын Холбооны шүүгч Жэймс Винн “Шүүгч ба олон нийт” нээлттэй хэлэлцүүлэгт илтгэл тавина.
-
09.30 цагт МҮХАҮТ-аас “Хүнд суртлын индекс-2022” судалгааны дүнг танилцуулна.
-
11.30 цагт “Үндэсний мэдээллийн төв”-д “Буриадын сан”, “Холун хатны үрс” ТББ-аас ОХУ-аас ирж буй халимаг, буриадуудад туслах аян эхлүүлэх талаар мэдээлэл хийнэ.
-
11.40 цагт Чингис хаан, хаад язгууртны музейг албан ёсоор нээж, төрийн есөн хөлт цагаан тугийг зална.
-
12:00 цагт Иргэн Ч.Мөнхбаярыг БНХАУ хилээ хаахад хүргэсэн гэж буруутгасан тухай өмгөөлөгчид нь мэдээлэл хийнэ.
Энэ өдөр дэлхийн түүхэнд:
- Олон улсын охидын эрхийг хамгаалах өдөр тохиож байна.
- Өнөөдөр АНУ-д Америкийн хувьсгалын үеийн агуу баатар Pulaski генералын дурсгалыг хүндэтгэх өдөр тохиож байна.
- 1989 онд Канад гаралтай Хятад дуучин, жүжүгчин Henry Lau мэндэлжээ.
- 1971 оны энэ өдөр сүмогийн 51 дэх ёкозүна Таманоүми Масахиро таалал төгсчээ.
- 1996 онд Бүгд Найрамдах Эстон улсад бага ангийн сурагчдын сууж явсан сургуулийн автобус осолдож, 8 хүүхэд амь насаа алджээ.
