Өнөөдрийн тухай таны мэдэх ёстой 14 зүйл: Сайд С.Бямбацогт төмөр замын салбарт тулгамдсан асуудал-гарц шийдлийн талаар санал солилцох нээлттэй уулзалт зохион байгуулна

Өнөөдөр гадаа 4 градусын дулаан байна. Таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй

Аравдугаар сарын 4-ний өдөр

Өглөөд заавал мэдэж байх ёстой зүйлүүд:

1. Өнөөдөр бол жилийн 277 дахь өдөр бөгөөд он дуусахад 88 хоног үлдлээ.
2. Цаг агаар өдөртөө 4 хэмийн дулаан бол шөнөдөө 10 градусын хүйтэн байх нь ээ.
3. Билгийн тооллын 9, элдэв тэнгэртэн одтой, цагаан бар өдөр. Өнөөдөр үсээ авахуулах буюу засуулбал өвчин өчүүхэн ирнэ. Энэ өдөр морь, нохой жилтнээ аливаа үйлийг хийхэд эерэг сайн, бич, тахиа жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна.
4. Манай улсын голлох валют болох ам.долларын ханш авах нь 3515.00, зарах нь 3550.00 төгрөгтэй тэнцэж байгаа бол бусад валют болох рубль авах нь 52.00, зарах нь 52.70, юань 480.00, зарах нь 484.00 харин вон авах нь 2.47, зарах нь 2.49 төгрөг байна.

Өнөөдөр болох онцлох үйл явдлууд:

 

1. 10.00 цагт Сургуулийн өмнөх болон ерөнхий боловсролын тухай хуулийн төслийг хэлэлцүүлэгт бэлтгэх үүрэг бүхий ажлын дэд хэсгийн хуралдаан Төрийн ордны "Их засаг" танхимд болно.
2. 14.00 цагт Мөнгөн зээлийн үйл ажиллагааг зохицуулах тухай хуулийн төсөл болон хамт өргөн мэдүүлсэн хуулийн төслүүдийг хэлэлцүүлэгт бэлтгэх үүрэг бүхий ажлын дэд хэсгийн хуралдаан Төрийн ордны "Үндсэн хууль" танхимд болно.
3. 9.00 цагт АХБ, Ядуурлыг бууруулах Япон сан, Өндөр түвшний технологийн сангийн санхүүжилттэй "ТТ 9440-MOН: Усны засаглалыг шинэлэг арга замаар хэрэгжүүлэх нь" төслийн хаалтын хурал Блю Скай зочид буудлын Кристал танхимд болно. Утас: 88071041
4. 11.00 цагт ЗТХ-ийн сайд С.Бямбацогт төмөр замын салбарт тулгамдсан асуудал-гарц шийдлийн талаар санал солилцох нээлттэй уулзалтыг ”Ган зам” паласт зохион байгуулна. Утас: 88057167

Энэ өдөр дэлхийн түүхэнд:

1. Өнөөдөр бол Амьтдын эрх ашгийг хамгаалах олон улсын өдөр.
2. Мөн өнөөдөр Дэлхийн сансрын 7 хоног эхэлж байна.
3. 1988 оны энэ өдөр Wonder Girls хамтлагийн дуучин Юүбин (Ким Юү-Бин) мэндэлжээ.
4. 1963 онд Куба болон Хайти аралд үүссэн "Flora" хэмээн нэрлэгдсэн хүчтэй хар салхи 6.000 орчим хүний амийг авч оджээ. Энэхүү хар салхи нь Атлантын талбайд үүссэн хар салхинуудаас хамгийн хор хөнөөлтэй нь хэмээн түүхэнд бичигдэн үлджээ.
5. 1976 онд Английн хамгийн хурдны галт тэрэг болох "InterCity 125" тавигджээ.
6. 1965 онд VI пап хамба лам Нью-Йорк хотноо айлчилж, Америкт анх удаа зочилсон пап лам болж байжээ.