Өнөөдөр гадаа 16 хэм дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Есдүгээр сарын 30-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 273 дахь өдөр бөгөөд он дуусахад 92 хоног үлдлээ.
- Цаг агаар өдөртөө 16 хэмийн дулаан бөгөөд шөнөдөө 2 хэм хүйтэн байх нь ээ.
- Билгийн тооллын 5, Онгоц улаан одтой нохой өдөр. Тухайн өдөр морь жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр наран 6 цаг 50 минутад мандаж, 18 цаг 35 минутад жаргана. Үс шинээр үргээлгэх буюу засуулахад эд мал арвижна хэмээжээ.
- Валют арилжааны төвд ам.долларын авах ханш 3515.00 төгрөг, зарах нь 3550.00 төгрөг байна. Харин рублийн авах ханш 50.00, зарах ханш 52.70, юанийн авах ханш 480.00, зарах ханш 484.00, вонийн авах ханш 2.47, зарах ханш 2.49 төгрөг байна.
Өнөөдөр болох үйл явдлууд:
- 9.00 цагт ХСҮТ-д “Азийн Цөмийн Хамтын Ажиллагааны Форум-Хавдрын туяа эмчилгээ” сэдэвт хавдрын туяа эмчилгээний тухай сүүлийн үеийн шинэ мэдээллүүд бүхий нээлттэй лекц болно. Утас: 99063902
- 10.00 цагт Нийслэлийн иргэний танхимд нийтийн тээврийн богино эргэлтийг өргөжүүлэн нэвтрүүлэх талаар иргэдийн саналыг авна. Утас: 89755575
- 11.00 цагт Үндэсний номын сангийн Үнэт ховор номын музейд "Хил хязгааргүй номын сан" төслийн нээлт болно.
- 11.00 цагт "Монгол ньюс" мэдээллийн төвд Монголын гурилан бүтээгдэхүүн үйлдвэрлэгчдийн холбооноос гурилан бүтээгдэхүүний үнэ нэмэгдэж байгаа талаар мэдээлнэ.
- 12.00 цагт "Мишээл экспо" төвд хүнс, хөдөө аж ахуй, хөнгөн үйлдвэрийн салбарын нэгдсэн "ECO MONGOLIA EXPO- 2022" үзэсгэлэн яармагийн нээлт болно. Утас: 88881924
- 12.00 цагт “Үндэсний мэдээллийн төв”-д Чингис хааны мэндэлсний 860 жилийн ойг тохиолдуулан зохиолч Д.Жамъян хэвлэлийн хурал хийнэ.
- 12.00 цагт Эрүүгийн цагдаагийн албанд Цагдаагийн ерөнхий газраас улсын хэмжээнд зохион байгуулж буй "Илрүүлэлт-Оргодол-2022" нэгдсэн арга хэмжээний хэвлэлийн хурал болно.
Энэ өдөр дэлхийн түүхэнд:
- 1966 онд Бүгд Найрамдах Ботсвана Улс Их Британиас тусгаар тогтножээ. Ботсвана 1966 онд Их Британиас тусгаар тогтнохдоо хамгийн буурай улс (Нэг хүнд оногдох ДНБ - $70) байсан бол хурдтайгаар хөгжин өдгөө дэлхийн дунджаас илүү дээгүүр эдийн засагтай ($14,000) хөгжиж буй улс болжээ.
- 1974 оны энэ өдөр Америк гаралтай Хонконгийн жүжигчин Daniel Wu мэндэлжээ.
- 1622 онд Германы нэрт хөгжмийн зохиолч Иоганн Себастиани мэндэлж байжээ.
- 2016 онд нийт 100 сая долларын үнэтэй хоёр зураг дахин сэргээгджээ. Тус зурагнууд нь 2002 онд Ван Гог музейгээс хулгайлагдсан байна.
- 2009 онд болсон Суматрагийн 7.6 баллын хүчтэй газар хөдлөлтийн улмаас 1115 хүн нас баржээ.
