Өнөөдөр гадаа 15 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Есдүгээр сарын 29-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 272 дахь өдөр бөгөөд он дуусахад 93 хоног үлдлээ.
- Цаг агаар өдөртөө 15 хэмийн дулаан үүлэрхэг байх бол шөнөдөө 3 градус хүйтэн байх нь ээ.
- Билгийн тооллын XVII Жарны "Буян үйлдэгч" хэмээх Усан бар жилийн Намрын дунд шарагчин тахиа сарын 4. Бархасвадь гараг. Хонгорцог одтой, нэг цагаан мэнгэтэй хөхөгчин тахиа өдөр. Өдрийн наран 6 цаг 48 минутад мандан, 18 цаг 37 минутад жаргана. Тухайн өдөр могой жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр буян номын үйлийг эхлэх, дээдсээс халамж хүсэх, лам хувраг болох, багш шавьд барилдах, номын абшиг авах, шинэ гэр ба байр авах, хагалгаа хийлгэх, буг дарах, газрын ам бооход сайн. Мод суулгах, нарийн чанд зөвлөгөөн хийх, байшингийн суурь тавих, угаал үйлдэхэд муу. Өдрийн сайн цаг нь хулгана, бар, туулай, монрь, хонь, тахиа болой. Хол газар яваар одогсод баруун хойд зүгт мөрөө гаргавал зохистой. Үс шинээр үргээлгэх буюу засуулбал бие эрхтний хүч сайжирна хэмээжээ.
- Валют арилжааны төвд ам.долларын авах ханш 2,848.00 төгрөг, зарах нь 2850.00 төгрөг байна. Харин рублийн авах ханш 39.20, зарах ханш 39.60, юанийн авах ханш 441.50, зарах ханш 442.50, вонийн авах ханш 2.41, зарах ханш 2.43 төгрөг байна.
Өнөөдөр болох онцлох үйл явдлууд:
- 9.00 цагт Эх, нярай, эмэгтэйчүүдийн үндэсний төвд ЭМЯ, НҮБ-ын ХАС-гаас молекул биологийн лабораторийн тоног төхөөрөмж хүлээлгэн өгнө. Утас: 99991630
-
9.00 цагт "Блью Скай" зочид буудалд "Коронавируст халдвар (Ковид-19)-ын эсрэг вакцин нэвтрүүлсний дараах үнэлгээ"-ний тайлангийн хурал болно. Утас: 89647777
-
10.00 цагт БШУЯ-нд Цэцэрлэгийн I шатны бүртгэлийн үр дүн, II шатны бүртгэлийн явцын талаарх хэвлэлийн хурал болно.
-
10.00 цагт "Millenium Plaza"-д "Тогтвортой хөгжлийн зорилт ба Эрүүл мэндийн салбарын хүний нөөцийг бэхжүүлэхэд олон нийтийн харилцааг дэмжих нь" зөвлөлдөх уулзалт болно. Утас: 99741854
-
10.30 цагт “Хятадын соёлын өдрүүд-Монголд” хэвлэлийн хурал цахимаар болно. Утас: 91118403, 99097968
-
11.00 цагт "Шонхор Тауэр"-т АН-ын 4/11 Мэдээллийн цаг болно.
-
11.00 цагт "Корпорет Конвеншн центр"-т Кино урлагийн зөвлөлийн ажлын албанаас олон улсын кино наадмуудад оролцсон, шагнал хүртсэн уран бүтээлчдийн талаар мэдээлнэ. Утас:88640544, 88777688
-
11.00 цагт "Аризона" төвд Таван богд групп, Францын CIS групп Оюутолгой төсөлтэй хамтран ажилласан 17 жилийн гэрээ дуусаж, 1200 ажилтны эрх ашиг хөндөгдөж байгаа талаар "Геологи Уул Уурхайн хөгжлийн Тэмүүлэл холбоо " ТББ болон хуульч өмгөөлөгч нар хэвлэлийн хурал хийнэ.
-
11.00 цагт "Монгол ньюс" мэдээллийн төвд "Монгол туургатан төв холбоо", "Урбан иргэдийн форум", "NoDoubleStandard" иргэний хөдөлгөөнөөс "Монгол туургатанд туслах үндэсний хөдөлгөөн" өрнүүлэх талаар мэдээлнэ.
-
11.30 цагт “Үндэсний мэдээллийн төв”-д Иргэд УИХ-ын гишүүдийн тоог нэмэхийг эсэргүүцэж байгаа талаараа мэдээлнэ.
-
12.00 цагт МҮЭХ-нд Дарханы төмөрлөгийн үйлдвэрийг Эрдэнэбилэг дахин авахаар болж буй талаар төмөрлөгийн үйлдвэрийн ажилчид мэдээлнэ. Утас: 88888823
-
15.00 цагт ШУТИС-ийн хичээлийн VIII байранд Монголын анхны цахим сургуулийн нээлт болно.
Энэ өдөр дэлхийн түүхэнд:
- 1962 оны энэ өдөр сүмогийн 59 дэх ёкозүна Таканосато Тошихидэ мэндэлжээ.
- Мөн 1993 оны энэ өдөр БНСУ-ын алдарт Vixx хамтлагын гишүүн Lee Hong-Bin мэндэлжээ.
- Өнөөдөр Дэлхийн зүрхний өдөр тохиож байна.
- Мөн өнөөдөр Кофены олон улсын өдөр тохиож байгаа юм байна.
- 2009 онд Номхон далайн өмнөд хэсэгт 8.1 баллын хүчтэй газар хөдөлж, үүний араас асар хөнөөлтэй цунами үүсч 190 гаруй хүний амийг авч оджээ. Энэхүү газар хөдлөлт нь 2009 онд болж байсан газар хөдлөлтүүдээс хамгийн хүчтэй нь байсан аж.
- 2013 онд Нигерь улсын Gujba хотын нэгэн коллежийн гадаа "Boko Haram" хэмээн нэрлэгдсэн террорист бүлгэм сурагчид руу гал нээж, 42 хүн алуулжээ.
- 1971 онд хэмжээлшгүй эрхт султант улс болох Оман нь Арабын лигт албан ёсоор оржээ.
