Есдүгээр сарын 28-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 271 дахь өдөр бөгөөд он дуусахад 94 хоног үлдлээ.
- Цаг агаар өдөртөө 19 хэмийн дулаан бол шөнөдөө -1 градус хүйтэн байх нь ээ.
- Билгийн тооллын 3, Салхины эх одтой, хөх бич өдөр. Өдрийн наран 6 цаг 47 минутад мандаж, 18 цаг 38 цагт жаргана. Тухайн өдөр хулгана, луу жилтнээ аливаа үйлийг хийхэд эерэг сайн. Үс шинээр үргээлгэх буюу засуулбал эд, мал элбэг төгөлдөр болно.
- Валют арилжааны төвд ам.долларын авах ханш 3475.00 төгрөг, зарах нь 3490.00 төгрөг байна. Харин рублийн авах ханш 52.70, зарах ханш 53.00, юанийн авах ханш 479.00, зарах ханш 482.00, вонийн авах ханш 2.47, зарах ханш 2.50 төгрөг байна.
Өнөөдөр болох онцлох үйл явдлууд
- 09.30 цагт “Корпорайт конвеншн центер”-т Сэргээгдэх эрчим хүчний үйлдвэрлэгчдийн холбооноос жил бүр зохион байгуулдаг “Олон улсын эрчим хүчний чуулган” “Эрчим хүчний шилжилт” сэдвээр болно. Холбоо барих утас: 80044850, 89014850, 77003010
- 10.30 цагт МУИС-д “Монгол Улсын шинжлэх ухааны хөгжилд МУИС-ийн оруулсан хувь нэмэр: 80 жилийн босгон дээр” сэдэвт эрдэм шинжилгээний хурал болно.
- 11.00 цагт ЭМЯ-наас “Нийгмийн эрүүл мэндийн ноцтой байдлын үед сүрьеэгийн тусламж, үйлчилгээнд салбар хоорондын хамтын ажиллагааг бэхжүүлэх нь” сэдэвт чуулга уулзалтын талаар мэдээлнэ. Утас: 99741854
- 11.40 цагт Төрийн ордны баруун хаалган дээр Ардчилсан Залуучуудын холбооноос Монгол Улсын Ерөнхий сайд Л.Оюун-Эрдэнэд дахин шаардлага хүргүүлнэ.
- 14.00 цагт Дэлхийн банкны байранд (“MCS Плаза”-гийн 4 давхарт) ОУВС-ийн ажлын хэсэг хэвлэлийн хурал зарлаж байна.
- 14.00-16.00 цагт “Нээлттэй нийгэм форум”-ын байранд “Глоб Интернэшнл төв” ЮНЕСКО-гийн Үндэсний комисс, Нээлттэй нийгэм форум хамтран “Мэдээллийн түгээмэл хүртээмжийн Олон улсын өдөр”-ийг тохиолдуулан “Цахим үндэстний мэдэх эрх” хэлэлцүүлэг зохион байгуулна. Хэлэлцүүлэгт ХЗДХЯ, Цахим хөгжил харилцаа холбооны яам, АТГ-ын төлөөлөл оролцож илтгэл хэлэлцүүлнэ. Мөн "Глоб Интернэшнл төв"-ийн хуульч Б.Пүрэвсүрэн, Удирдах зөвлөлийн гишүүн, хуульч, судлаач Л.Галбаатар нар “Нийтийн мэдээллийн ил тод байдлын хуулийн хэрэгжилтийн мониторинг”-ийн дүнгээс танилцуулна. Утас: 99170361, 99128391
- 14.00 цагт Засгийн газрын хуралдаанаас гаргасан шийдвэрийг танилцуулна.
Энэ өдөр дэлхийн түүхэнд:
- “Галзуу өвчинтэй тэмцэх дэлхийн өдөр” тохиож байна.
- Өнөөдөр Дэлхийн зүрхний өдөр тохиож байна.
- Мөн өнөөдөр Кофены олон улсын өдөр тохиож байгаа юм байна.
- 2009 онд Номхон далайн өмнөд хэсэгт 8.1 баллын хүчтэй газар хөдөлж, үүний араас асар хөнөөлтэй цунами үүсч 190 гаруй хүний амийг авч оджээ. Энэхүү газар хөдлөлт нь 2009 онд болж байсан газар хөдлөлтүүдээс хамгийн хүчтэй нь байсан аж.
- 2013 онд Нигерь улсын Gujba хотын нэгэн коллежийн гадаа "Boko Haram" хэмээн нэрлэгдсэн террорист бүлгэм сурагчид руу гал нээж, 42 хүн алуулжээ.
- 1971 онд хэмжээлшгүй эрхт султант улс болох Оман нь Арабын лигт албан ёсоор оржээ.
