Есдүгээр сарын 27-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 270 дахь өдөр бөгөөд он дуусахад 95 хоног үлдлээ.
- Цаг агаар өдөртөө 13 хэмийн дулаан бол шөнөдөө 1 градус дулаан байх нь ээ. Өдөртөө цас орно.
-
Билгийн тооллын XVII Жарны "Буян үйлдэгч" хэмээх Усан бар жилийн Намрын дунд шарагчин тахиа сарын 2. Ангараг гараг. Тэргүүн дагуул одтой, гурван хөх мэнгэтэй харагчин хонь өдөр. Өдрийн наран 6 цаг 45 минутад мандан, 18 цаг 41 минутад жаргана. Тухайн өдөр гахай, туулай жилтнээ аливаа үйлийг хийхэд эерэг сайн. Эл өдөр буян номын үйлийг эхлэх, дээдсээс халамж хүсэх, лам хувраг болох, багш шавьд барилдах, номын абшиг авах, шинэ гэр ба байр авах, лус тахих, мал худалдан авах, мал түгээх, хийморийн дарцаг хатгахад сайн. Сахил санваар авах, хануур, төөнүүр хийлгэх, цөөрөм байгуулахад муу. Өдрийн сайн цаг нь бар, туулай, могой, бич, нохой, гахай болой. Хол газар яваар одогсод зүүн хойшоо мөрөө гаргавал зохистой. Үс шинээр үргээлгэх буюу засуулахад тохиромжгүй бөгөөд хэл ам, хэрүүл тэмцэл ирнэ хэмээжээ.
- Манай улсын голлох валют болох ам.долларын авах ханш 3455.00, зарах нь 3470.00 төгрөгтэй тэнцэж байгаа бол бусад валют болох рубль авах нь 52.20, зарах нь 52.80, юань авах нь 447.00, зарах нь 482.00, вон авах нь 2.48, зарах нь 2.51 төгрөг байна.
Өнөөдөр болох онцлох үйл явдлууд:
- 10.00 цагт МҮЭХ-ны байранд Монголын эрчим хүч, геологи, уул уурхайн үйлдвэрчний эвлэлийн холбооноос "Эрчим хүчний салбарын ажилтнуудын аюулгүй ажиллагааг Ерөнхий сайд Л.Оюун-Эрдэнэ хариуцах ёстой" сэдвээр мэдээлнэ. Утас: 99907026, 99082136
- 10.00 цагт МҮХАҮТ-д “CEO RADAR Бизнесийн шинэ сэргэлт” сургалт, хэлэлцүүлэг болно.
- 10.00 цагт Төмөр замын Соёлын ордонд “Баянгол дүүргийн ЖДҮ эрхлэгчдийн зөвлөгөөн-2022" болно. Утас:99047909
- 10.30 цагт Төрийн ордны баруун хаалганы дэргэд Ардчилсан залуучуудын холбооноос ХНХ-ын сайд Д.Сарангэрэлийн хууль бус үйлдлийн талаар мэдээлнэ. Утас: 9100 0017
- 11.00 цагт 32-ын тойрогт байрладаг Хэрэглэгчдэд үйлчлэх төвд “Тавантолгой түлш” ХХК-иас өвөлжилтийн бэлтгэл ажил болон цаг үеийн асуудлаар мэдээлнэ. Утас: 88028646, 99354999
- 13.30 цагт Сүхбаатарын талбайд “Дэлхийн аялал жуулчлалын өдөр”-ийн нээлт болно. Утас: 99108581, 85100098
Энэ өдөр дэлхийн түүхэнд:
- 1980 оны энэ өдөр сүмогийн 68 дахь Монголын анхны ёкозүна Долгорсүрэнгийн Дагвадорж (Асашорюү Акинори) мэндэлжээ.
- Өнөөдөр Дэлхийн аялал жуулчлалын өдөр тохиож байна.
- 1982 оны энэ өдөр Америкийн реппер, дуучин, продюсер Lil Wayne мэндэлжээ.
- 2003 онд Европын сансрын хиймэл дагуул болох "SMART-1"-ыг хөөргөжээ.
