Есдүгээр сарын 26-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 269 дахь өдөр бөгөөд он дуусахад 96 хоног үлдлээ.
- Цаг агаар өдөртөө 21 хэмийн дулаан бол шөнөдөө 2 градус дулаан байх нь ээ.
- Билгийн тооллын 1, сумъяа гараг. Тугчин одтой хар морь өдөр. Өдрийн наран 6 цаг 44 минутад мандаж, 18 цаг 43 минутад жаргана. Бар нохой жилтнээ сайн. Өнөөдөр үсээ авахуулах буюу засуулбал тохиромжгүй.
- Валют арилжааны төвд ам.долларын авах ханш 3395.00 төгрөг, зарах нь 3420.00 төгрөг байна. Харин рублийн авах ханш 52.50, зарах ханш 53.50, юанийн авах ханш 481.00, зарах ханш 488.00, вонийн авах ханш 2.46, зарах ханш 2.49 төгрөг байна.
Өнөөдөр болох онцлох үйл явдлууд:
- 8.00 цагт Монголбанкны удирдлагууд сэтгүүлчидтэй уулзаж, ирэх оны мөнгөний бодлогын талаар санал солилцоно.
- 9.00 цагт ХЗДХЯ-нд Хууль зүйн үндэсний хүрээлэнгийн 20 жилийн ойн нэрэмжит "Хямралын үеийн эрх зүй ба хөгжил" олон улсын эрдэм шинжилгээний хурал эхэлнэ.
- 10.30 цагт Улаанбаатар хот дахь Хятадын соёлын төвд "Монгол-Хятадын найрамдлын 7 хоног"-ийн нээлт болно. Утас: 88123844 90123844
- 11.00 цагт Төрийн ордны Баруун хаалганы дэргэд иргэн Г.Хажидмаа "Хүүхдийн мөнгийг хэвээр үлдээ" шаардлагыг Ерөнхий сайд Л.Оюун-Эрдэнэд хүргүүлнэ.
- 11.30 цагт Төрийн ордны “Их эзэн Чингис хаан” танхимд УИХ-ын гишүүн Б.Энхбаяр нарын гишүүд Гэрийн тэжээвэр амьтны тухай хуулийн төслийг УИХ-ын дарга Г.Занданшатарт өргөн барина.
- 12.00 цагт Хэвлэлийн хүрээлэнд "Ивээл ард сан"-гаас "Хорт хавдрын эмчилгээ, хөнгөвчлөх эмчилгээнд эрс шинэчлэл хийхийг шаардаж байна. Хүчтэй өвдөлт намдаадаг морфин тариаг өндөр үнээр авсаар байх уу. Авлигад идэгдсэн байдал нь хэвээр үргэлжлэх үү" сэдвээр мэдээлнэ.
Энэ өдөр дэлхийн түүхэнд:
- 1991 оны энэ өдөр Winner хамтлагын гишүүн Kim Jin-Woo мэндэлжээ.
- Өнөөдөр Эквадор улсын Төрийн далбааны өдөр тохиож байна.
- Мөн өнөөдөр Йемен улсад Хувьсгалын баярын өдөр тохиож байгаа юм байна.
- 2014 онд Мексикийн Iguala хотын Ayotzinapa Rural Teachers' коллежийн 43 сурагчийг хулгайлсан явдал гарчээ.
- 1984 онд Хонгконгийг Их Британийн колониос гаргаж, Хятадын мэдэлд шилжүүлэн өгөхөөр тохиролцжээ.
- 2009 онд дэгдсэн хүчтэй хар салхи Филлипин, Хятад, Вьетнам зэрэг 6 улсад дэгдэж, 700 гаруй хүний амийг авч оджээ.
