Өнөөдөр гадаа 12 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Есдүгээр сарын 21-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 264 дахь өдөр бөгөөд он дуусахад 101 хоног үлдлээ.
- Цаг агаар өдөртөө 12 хэмийн дулаан бол шөнөдөө 0 градус дулаан байх нь ээ.
-
Билгийн тооллын XVII Жарны "Буян үйлдэгч" хэмээх Усан бар жилийн Намрын тэргүүн шар бич сарын 26. Буд гараг. Найралт эх одтой, есөн улаан мэнгэтэй улаагчин үхэр өдөр. Өдрийн наран 6 цаг 37 минутад мандан, 18 цаг 54 минутад жаргана. Тухайн өдөр тахиа жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр элдэв үйлд хянуур хандах хэрэгтэй ба ан, гөрөө хийх, мал, адгуус муулах, хишиг даллага дуудуулах, насан бүтээл хийлгэх, мал арилжих, буг дарах, газрын ам бооход сайн. Эрдэнийг гадагш өгөх, байшингийн суурь тавих, угаал үйлдэхэд муу. Өдрийн сайн цаг нь бар, туулай, могой, бич, нохой, гахай болой. Хол газар яваар одогсод баруун хойд зүгт мөрөө гаргавал зохистой. Үс шинээр үргээлгэх буюу засуулбал жаргал үргэлжид ирэх сайн хэмээжээ.
- Валют арилжааны төвд ам.долларын авах ханш 3410.00 төгрөг, зарах нь 3430.00 төгрөг байна. Харин рублийн авах ханш 53.60, зарах ханш 54.10, юанийн авах ханш 488.00, зарах ханш 491.00, вонийн авах ханш 2.46, зарах ханш 2.48 төгрөг байна.
Өнөөдөр болох онцлох үйл явдлууд:
- 10.00 цагт Төрийн ордны Үндсэн хууль танхимд МСНЭ-ийн урилгаар Монгол Улсад айлчилж буй БНСУ-ын сэтгүүлчдийн холбооны төлөөлөгчид Монголын парламентын сэтгүүлчидтэй уулзана.
- 10.00 цагт "Корпорэйт Конвеншн Центр"-т ХӨСҮТ, ЦССҮТ хамтран төр, хувийн хэвшлийг бүхэлд нь хамруулсан “ЛАБОРАТОРИЙН ШИНЖИЛГЭЭНИЙ ЧАНАР ХАНГАЛТ, ТУЛГАМДАЖ БУЙ АСУУДАЛ” сэдэвт сургалт зохион байгуулна. Утас: 89 647777, 91100031
- 10.00 цагт "Амгалан" амаржих газарт ПГУ лабораторийн нээлт болно.
- 11.00 цагт "Шангри-Ла" зочид буудалд АХБ-наас "Азийн Хөгжлийн Шинэчилсэн Төлөв" эдийн засгийн тайланг танилцуулна.
- 11.00 цагт ЦХХХЯ-нд тус яам болон Монголын Нотариатчидын танхим хамтран И-Монголиа системээр дамжуулан авах боломжтой лавлагаа, тодорхойлолтыг нотариатаар гэрчлүүлэхийг шаардахгүй байх тухай санамж бичигт гарын үсэг зурна. Утас: 99103830
- 11.40 цагт Ерөнхий боловсролын 35 дугаар сургуульд Сүхбаатар дүүргийн Засаг даргын Тамгын газар дэлхийн жишигт нийцсэн боловсролын арга зүйг танхим болон цахим сургалт хосолсон сургалтын орчинд бүрдүүлэх зорилгоор “Санко Маркетинг Монголиа” ХХК-тай хамтран тохижуулсан “Digital Classroom”-ийг хүлээлгэн өгөх ёслол болно. Утас: 96646863
- 12.00 цагт “Үндэсний мэдээллийн төв”-д "Эрдэнэ Монгол" ХХК Баянхонгор аймгийн Шинэжинст суманд хууль бусаар тусгай зөвшөөрөл авсан талаар нутгийн иргэд мэдээлнэ.
- 12.00 цагт "Мөсөн өргөө"-нд "Mongolia Mining 2022" олон улсын үзэсгэлэнгийн нээлт болно.
- 12.00 цагт Хангарьд ордны 14 давхарт "Улаанбаатар түншлэл-2022" олон улсын үзэсгэлэнгийн хэвлэлийн хурал болно. Утас:99037310
- 12.00 цагт АТГ-ын гадна Архангай аймгийн Засаг дарга М.Батжаргал Ашигт малтмалын тухай, Газрын тухай, Төрийн хэмнэлтийн тухай хуулийг хууль зөрчиж байгаа талаар тус аймгийн иргэд мэдээлнэ.Утас: 88052205
Энэ өдөр дэлхийн түүхэнд:
- Өнөөдөр Олон улсын Энхтайвны өдөр тохиож байна.
- 1936 оны энэ өдөр Москва хотын захирагч Юрий Лужков мэндэлжээ.
- 1992 оны энэ өдөр БНСУ-ын алдарт хөвгүүдийн хамтлаг болох EXO хамтлагийн дуучин CHEN буюу Kim Jongdae мэндэлжээ.
- 1990 оны энэ өдөр Америкийн алдарт жүжигчин, "The Walking Dead", "The Twilight Saga: New Moon", "The Twilight Saga: Eclipse" зэрэг киногоороо алдаршсан Christian Serratos мэндэлжээ.
- 1976 онд Сейшелийн Арлуудын Бүгд Найрамдах Улс НҮБ-д нэгджээ.
- 1964 онд Мальт улс Их Британийн колониос гарч, тусгаар тогтнолоо тунхаглажээ.
