Есдүгээр сарын 19-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 262 дахь өдөр бөгөөд он дуусахад 103 хоног үлдлээ.
- Цаг агаар өдөртөө 14 хэмийн дулаан бол шөнөдөө 6 градус дулаан байх нь ээ.
-
Билгийн тооллын XVII Жарны "Буян үйлдэгч" хэмээх Усан бар жилийн Намрын тэргүүн шар бич сарын 24. Сумъяа гараг. Хэрцгий охин одтой, хоёр хар мэнгэтэй хөхөгчин гахай өдөр. Өдрийн наран 6 цаг 34 минутад мандан, 18 цаг 58 минутад жаргана. Тухайн өдөр хонь, туулай жилтнээ аливаа үйлийг хийхэд эерэг сайн. Эл өдөр эм, эмнэлгийн элдэв үйл, хагалгаа хийлгэх, биеийн тамирыг сэргээх, хараал, жатхыг буцаах, нялхсын хурим хийх, хийторийн дарцаг хатгахад сайн. Газар ухах, худаг гаргах, уул овоо тахихад муу. Өдрийн сайн цаг нь үхэр, луу, морь, хонь, нохой, гахай болой. Хол газар яваар одогсод зүүн хойшоо мөрөө гаргавал зохистой. Үс шинээр үргээлгэх буюу засуулахад тохиромжгүй бөгөөд өвчин эмгэг ирнэ хэмээжээ.
- Манай улсын голлох валют болох ам.долларын авах ханш 3400.00 төгрөг, зарах нь 3410.00 төгрөг байна. Харин рублийн авах ханш 53.20, зарах ханш 54.00, юанийн авах ханш 482.00, зарах ханш 488.00, вонийн авах ханш 2.44, зарах ханш 2.47 төгрөг байна.
Өнөөдөр болох онцлох үйл явдлууд:
- 9.00 цагт СЭЗИС-д тус сургуулиас “Их, дээд сургуулийн удирдлага, олон улсын байгууллага ажлын байранд суурилсан сургалт”, “Төгсөгчдийн хөдөлмөр эрхлэлтийг нэмэгдүүлэх нь” сургалт болно.
- 9.30 цагт “Шангри-Ла” зочид буудалд Уул уурхайн салбарын түүхэн 100 жилийн ой энэ жил тохиог тохиолдуулан Уул уурхай, хүнд үйлдвэрийн яам, “Оюу толгой” компани хамтран зохион байгуулж буй “Уул уурхайн долоо хоног 2022” хурал эхэлнэ.
- 9.30 цагт МУБИС-ийн Төв номын санд “Дусал цус - Дүүрэн амьдрал” аян эхэлнэ.
- 11.00 цагт Брүүклин кофе шопод "Малчид ба эдийн засгийн хөгжил” уулзалт болно
- 11.30 цагт Төв цэнгэлдэх хүрээлэнд ''Намрын ногоон өдрүүд-үндэсний үйлдвэрлэл 2022'' үзэсгэлэн худалдааны нээлт болно.
“Үндэсний мэдээллийн төв”-д
- 11.00 цагт Монголын худалдаачдын холбоо ТББ-аас ХҮДС-ийг МУИС-тай нэгтгэж байгааг эсэргүүцэж, хэвлэлийн хурал хийнэ.
- 11.30 цагт иргэн Б.Батдэлгэр Үндсэн хуулийн цэцийг хогийн сав болгосон гишүүдийг зайлуулъя" сэдвээр мэдээлнэ.
- 12.00 цагт иргэн Мөнхбаярын өмгөөлөгч "Давахын нийт шүүгчид нэг л прокурорын татгалзахыг шийдэхгүй гэж улайрахын учир юу вэ" сэдвээр мэдээлнэ.
Энэ өдөр дэлхийн түүхэнд:
- Өнөөдөр Чили улсад Зэвсэгт хүчний баярын өдөр тохиож байна.
- 1985 онд Мехикод 8.0 баллын хүчтэй газар хөдөлж, 5000 орчим хүн амь насаа алдаж, 400 гаруй барилга нуржээ.
- 1991 онд The Iceman буюу Цtzi хэмээн нэрийддэг эртний хүний олдворыг Герман жуулчид Австри, Италийн хилийг заагладаг Similaun уулнаас олжээ.
- 1995 онд "Unabomber" хочит АНУ-ын террорист, математикийн гоц ухаантан Ted Kaczynski-ийн тунхагийг The Washington Post болон The New York Times сонинууд нийтэлж байжээ.
