Өнөөдөр Улаанбаатар хотод +25 градус дулаан, үүлтэй. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Өнөөдөр 8 дугаар сарын 14-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 226 дахь өдөр бөгөөд он дуусахад 139 хоног үлдлээ.
- Цаг агаар өдөртөө +25 градусын дулаан, бага зэргийн бороотой бол шөнөдөө +12 градус дулаан, үүлшинэ.
-
Билгийн тооллын XVII Жарны "Буян үйлдэгч" хэмээх Усан бар жилийн Намрын тэргүүн шар бич сарын 19. Буд гараг. Гоё хүүхэн одтой, долоон улаан мэнгэтэй, цагаан морь өдөр. Өдрийн наран 6 цаг 28 минутад мандан, 19 цаг 08 минутад жаргана. Тухайн өдөр бар, нохой жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр элдэв үйлд хянуур хандах хэрэгтэй ба ан, гөрөө хийх, мал, адгуус муулах, гарагийг тахих, тангараг тавихад сайн. Гэр бүрэх, хэрүүл тэмцэл хийх, улаа гаргах, хиншүү хярвас гаргах, хүүхэд хөлд оруулахад муу. Өдрийн сайн цаг нь хулгана, үхэр, туулай, морь, бич, тахиа болой. Хол газар яваар одогсод хойд зүгт мөрөө гаргавал зохистой. Үс шинээр үргээлгэх буюу засуулбал "Сайн нөхөртэй учирах" хэмээх сайн гэжээ.
- “Найман шарга” валют арилжааны төвд ам.долларын авах ханш 3300.00 төгрөг, зарах нь 3310.00 төгрөг байна. Харин рублийн авах ханш 51.20, зарах ханш 52.00, юанийн авах ханш 478.00, зарах ханш 482.00, вонийн авах ханш 2.40, зарах ханш 2.41 төгрөг байна.
Өнөөдөр болох онцлох үйл явдлууд:
- 7.00 цагт Туушин зочид буудлын Соёмбо танхимд хуульч, орчуулагч М.Алтантулгын орчуулсан “Тэмүүлж амьдрах хүч” номын нээлт болно.
- 10.00 цагт Монголын үндэсний музейд "Өнөр бүл" хүүхдийн төвийн сурагчдын “Сэтгэлээс минь ургасан миний бүтээл" уран зураг, бүтээлийн үзэсгэлэнгийн нээлт болно.
- 10.00 цагт Баянзүрх дүүргийн 1 дүгээр хорооны нутаг дэвсгэр буюу РЦНК-ийн урд талд ногоон байгууламж сүйтгэж буйг эсэргүүцэж оршин суугчид хэвлэлийн хурал хийнэ. Утас: 91185745
- 11.00 цагт УБТЗ-ын Удирдах газарт тус байгууллагаас ачаа тээврийн нөхцөл байдлын талаар мэдээлнэ. Утас:99091674, 86114818
- 12.00 цагт “Үндэсний мэдээллийн төв”-д оюутнуудын эрх ашиг зөрчигдөж байгаа талаар оюутнууд хэвлэлийн хурал хийнэ.
- 14.00 цагт "Корпорэйт" зочид буудалд "Олон улсын хэвлэл мэдээлэлтэй түншлэх боломж" сэдэвт редакторуудын зөвлөлдөх уулзалт болно. Утас: 99074459
Энэ өдөр дэлхийн түүхэнд:
- 1040 оны энэ өдөр Элгины тулалдаанд Шотландын хаан Дунканыг төрсөн дүү Макбет нь алж хаан ширээг авчээ.
- 1385 оны энэ өдөр Литвийн Их ван Ягайло Польштой газар нутгаар нэгдэх холбоо байгуулжээ.
- 1619 оны энэ өдөр Хойд Америкт анх удаа архидалтын эсрэг хууль гаргаж усан үзэм тариалахыг хоригложээ.
- 1790 оны энэ өдөр Верелсийн гэрээ байгуулагдаж Орос-Шведийн дайн (1788-1790) албан ёсоор дуусжээ.
- 1888 оны энэ өдөр Америкийн инженер Оливер Шелленберг цахилгаан тооцооны машин зохион бүтээжээ.
- 1908 оны энэ өдөр Англид дэлхийн анхны гоо бүсгүйн тэмцээн болжээ.
- 1919 оны энэ өдөр Германд Вейрмарын үндсэн хууль хэрэгжиж эхэлжээ.
- 1945 оны энэ өдөр Японы эзэн хаан Хирохито тус улсыг үг дуугүй бууж өгөх тогтоолд гарын үсэг зуржээ.
- 1992 оны энэ өдөр Гүрж-Абхазын дайн эхэлжээ.
- 2015 оны энэ өдөр Кубийн нийслэл Гавана хотод 54 жилийн дараа АНУ Элчин сайдын яамаа нээжээ.
