Өнөөдөр гадаа +29 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Есдүгээр сарын 8-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 251 дахь өдөр бөгөөд он дуусахад 116 хоног үлдлээ.
- Цаг агаар өдөртөө 29 хэмийн дулаан бол шөнөдөө 5 градус дулаан байх нь ээ.
- Билгийн тооллын 13. Бархасвадь гараг. Тооно одтой хөх хулгана өдөр. Наран 6 цаг 20 минутад мандан, 19 цаг 20 минутад жаргана. Тухайн өдөр бич жилтнээ аливаа үйлийг хийхэд эерэг сайн ба нохой, үхэр, луу жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Үс засуулбал жаргал ирнэ хэмээжээ.
- Манай улсын голлох валют болох ам.долларын ханш авах нь 3247.00, зарах нь 3255.00 төгрөгтэй тэнцэж байгаа бол бусад валют болох рубль авах нь 50.80, зарах нь 51.21, юань 469.00, зарах нь 471.00, харин вон авах нь 2.35, зарах нь 2.38 төгрөг байна.
Өнөөдөр болох онцлох үйл явдлууд:
- 10.30 цагаас АН-ын гишүүн Н.Алтанхуяг улсын Дээд шүүхийн үүдэнд мэдээлэл хийнэ.
- 11:00 цагт Хангарди ордны 14 давхарт Морьт харвааны олон улсын аварга шалгаруулах "Хийморь" тэмцээнийг зохион байгуулах тухай хэвлэлийн бага хурал болно.
- 11.30 цагт “Орфей” театр АНУ-ын зохиолч Жон Патрикийн “Everybody loves Opal” жүжгийг “Опал” нэртэйгээр үзэгчдийн хүртээл болгох гэж буй талаараа “Edelweiss” зочид буудлын нэг давхарт мэдээлэл хийнэ.
Энэ өдөр дэлхийн түүхэнд:
- Өнөөдөр Дэлхийн физик эмчилгээний өдөр тохиож байна.
- Түүнчлэн өнөөдөр Пакистан улсад Ялалтын баярын өдөр тохиож байгаа юм байна.
- 1979 онд PINK хэмээх нэрээрээ алдаршсан Америкийн дуучин, жүжигчин, продюсер Alecia Beth Moore мэндэлжээ.
- 1978 онд Техранд болсон бослогыг дарах зорилгоор цэргүүд босогчдын эсрэг гал нээж, 3000 орчим хүний амийг авч одсон нь түүхэнд ХАР БААСАН ГАРИГ хэмээн тэмдэглэгдэн үлджээ.
