Өнөөдөр Улаанбаатар хотод 19 хэм дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
9 дүгээр сарын 2-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 245 дахь өдөр бөгөөд он дуусахад 120 хоног үлдлээ.
- Цаг агаар өдөртөө 19 хэмийн дулаан бол шөнөдөө 5 хэм дулаан байх нь ээ.
- Билгийн тооллын 6, Хонгорцог одтой, шар морь өдөр. Тухайн өдөр нохой жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр гэмтнийг шийтгэх, угаал үйлдэх, тангараг тавих, гэр байшингийн суурь тавихад сайн. Гэр бүрэх, хэрүүл тэмцэл хийхэд муу. Үс шинээр үргээлгэх буюу засуулбал өнгө зүс сайжирна.
- “Найман шарга” валют арилжааны төвд ам.долларын авах ханш 3232.00 төгрөг, зарах нь 3238.00 төгрөг байна. Харин рублийн авах ханш 50.00, зарах ханш 50.30, юанийн авах ханш 469.00, зарах ханш 472.00, вонийн авах ханш 2.39, зарах ханш 2.41 төгрөг байна.
Өнөөдөр болох онцлох үйл явдлууд:
-
9.00 цагт БОАЖЯ-нд “Яндангаа хөөлье-Өнтэй өвөлжье” аяны хэвлэлийн хурал болно.
-
10.00 цагт Барилгачдын талбайд Монгол Улсад орчин цагийн барилгын салбар үүсч хөгжсөний түүхт 96 жилийн ойн баярын хүрээнд “Шилдэг аж ахуй нэгж” болон “Шилдэг Барилга”-ыг тодруулна. Утас: 95071740, 99010985
Энэ өдөр дэлхийн түүхэнд:
- 2001 онд Америкийн насанд хүрэгчдэд зориулсан кабелийн телевизийн сүлжээ болох "Adult Swim" нээгджээ.
- Өнөөдөр бол БНХАУ-ын нэгэн муж болох Тибет мужийн Ардчиллын өдөр юм байна.
- Мөн өнөөдөр АНУ-д VJ өдөр буюу Дэлхийн 2-р дайнд Японыг ялсан өдрийг тэмдэглэж байна.
- 1970 онд НАСА сар луу хөөргөсөн хоёр туршилтын пуужинг зогсоосон болохоо албан ёсоор мэдэгдсэн байна.
- 1992 онд Бүгд Найрамдах Никарагуа Улсад 7.7 баллын хүчтэй газар хөдлөлт болж, 116 гаруй хүн амь насаа алдаж, төдий тооны үнэ шархдаж байжээ.
- 1987 онд Оросын нийслэл Моксва хотын төв талбай болох Ялалтын улаан талбайд 19 настай нисгэгч Mathias Rust өөрийн хувийн онгоцоор ниссэн хэмээн буруутгагдаж, түүний шүүх хурал болж байжээ.
