Өнөөдөр гадаа 26 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
6 дугаар сарын 23-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 174 дахь өдөр бөгөөд он дуусахад 191 хоног үлдлээ.
- Цаг агаар өдөртөө 24 хэмийн дулаан бол шөнөдөө 12 градус дулаан байх нь ээ.
- Билгийн тооллын XVII Жарны "Буян үйлдэгч" хэмээх Усан бар жилийн Зуны илүү тэргүүн сарын 25. Бархасвадь гараг. Шийдэм од, есөн улаан мэнгэтэй, улаагчин хонь өдөр. Өдрийн наран 4 цаг 53 минутад мандан, 20 цаг 55 минутад жаргана. Тухайн өдөр гахай, туулай жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр найз нөхдийг түшиж элдэв үйлийг түргэн бүтээх, бүтээл туурвил эхлэх, бизнэс эхлэх, цар ихтэй үйлийг эхлэх, бясалгал хийх, доодсыг асран өглөг, хандив өргөх, хишиг даллага дуудуулах, насан бүтээл хийлгэх, мал худалдан авах, мал түгээх, сахил санваар авах, хануур, төөнүүр хийлгэх, хийморийн дарцаг хатгахад сайн. Эрдэнийг гадагш өгөх, уул овоо тахихад муу. Өдрийн сайн цаг нь бар, туулай, могой, бич, нохой, гахай болой. Хол газар яваар одогсод зүүн хойш мөрөө гаргавал зохистой. Үс шинээр үргээлгэх буюу засуулбал нүд бүрэлзэн улцайна хэмээжээ.
- Манай улсын голлох валют болох ам.долларын ханш авах нь 3125.00, зарах нь 3129.00 төгрөгтэй тэнцэж байгаа бол бусад валют болох рубль авах нь 52.30, зарах нь 53.00, харин юань авах нь 466.50, вон 470.00 төгрөг байна.
Өнөөдөр болох онцлох үйл явдлууд:
- 9.00 цагт ГХЯ-ны Зөвшилцөл танхимд Зүүн хойд Азийн аюулгүй байдлын асуудлаарх “Улаанбаатарын яриа хэлэлцээ” олон улсын 7 дугаар бага хурал эхэлнэ.
- 10.00 цагт ХНХЯ-ны гадна өрх толгойлсон гурван хүүхдийн ээж өлсгөлөн зарлана. Утас: 96064973
- 11.00 цагт Нийслэлийн ерөнхий боловсролын 21 дүгээр сургуульд Боловсролын үнэлгээний төвийн удирдлагууд ЭЕШ-ын явцын талаар мэдээлнэ. Утас: 99069035
- 11.00 цагт "Шонхор Тауэр"-т АН-ын 4:11 Мэдээллийн цаг болно. Утас: 91000017
- 13.00 цагт "Улаанбаатар өртөө"-нд Сэлэнгэ аймгийн Сүхбаатар хилийн боомтоос урд цэг Дорноговь аймгийн Замын-Үүдийн хилийн боомт хүртэл 1111 км алсын зайн гүйлтээ хийж буй ТЦА-ны Төмөр зам дахь Цагдаагийн газрын ахлах ахлагч С.Ганбаатар хүрэлцэн ирнэ. Утас: 93021200
Энэ өдөр дэлхийн түүхэнд:
- Өнөөдөр бол НҮБ-ын Сайн дурынхны олон улсын өдөр.
- 2014 онд Сирийн зарласан хамгийн сүүлийн химийн зэвсгийг устгалд оруулжээ.
- 1985 онд нэгэн террорист Ирландад газардсан Энэтхэгийн 182 дугаар агаарын нислэгийн Boeing 747 онгоцонд бөмбөг дэлбэлж, 329 хүний амь насыг хороожээ.
