Өнөөдөр бороо орно. Бүрхэг өдөр болох ч 11-23 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Зургадугаар сарын 23-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 174 дахь өдөр бөгөөд он дуусахад 191 хоног үлдлээ.
- Цаг агаар өдөртөө 23 хэмийн дулаан бол шөнөдөө 11 градус дулаан байх нь ээ.
- Билгийн тооллын 24. Буд гараг. Дэлгэрүүлэгч одтой, улаан морь өдөр. Өдрийн наран 4 цаг 53 минутад мандан, 20 цаг 55 минутад жаргана. Тухайн өдөр бар, нохой жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Халууны ес эхэлнэ. Хүүхдийн сэвлэг үргээлгэх буюу үс засуулбал тохиромжгүй өвчин эмгэг ирнэ хэмээжээ.
- Манай улсын голлох валют болох ам.долларын авах ханш 3123.00 төгрөгтэй тэнцэж байгаа бол зарах нь 3125.00 төгрөг байна. Бусад валют болох рубль авах нь 50.80, зарах нь 51.50, юань авах нь 466.00, зарах нь 468.00 төгрөг байна. Мөн вонын авах ханш 2.46 зарах нь 2.48 төгрөг байна.
Өнөөдөр болох онцлох үйл явдлууд:
- 11.00 цагт Эрүүл мэндийн яамнаас коронавирусний асуудлаар цахимаар мэдээлнэ.
- 15.00 цагт Улсын Их Хурлын Нийгмийн бодлогын байнгын хорооноос Хүний эрх, эрх чөлөөг хангахтай холбоотой хяналтын сонсголыг зохион байгуулна.
Энэ өдөр дэлхийн түүхэнд:
- Өнөөдөр бол НҮБ-ын Сайн дурынхны олон улсын өдөр.
- 2014 онд Сирийн зарласан хамгийн сүүлийн химийн зэвсгийг устгалд оруулжээ.
- 1985 онд нэгэн террорист Ирландад газардсан Энэтхэгийн 182 дугаар агаарын нислэгийн Boeing 747 онгоцонд бөмбөг дэлбэлж, 329 хүний амь насыг хороожээ.
