Өнөөдөр гадаа 30 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
6 дугаар сарын 20-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 171 дахь өдөр бөгөөд он дуусахад 194 хоног үлдлээ.
- Цаг агаар өдөртөө 26 хэмийн дулаан бол шөнөдөө 16 градус дулаан байх нь ээ.
- Билгийн тооллын XVII Жарны "Буян үйлдэгч" хэмээх Усан бар жилийн Зуны илүү тэргүүн сарын 22. Сумъяа гараг. Шувуун хошуут одтой, гурван хөх мэнгэтэй, хөх луу өдөр. Өдрийн наран 4 цаг 53 минутад мандан, 20 цаг 55 минутад жаргана. Тухайн өдөр хулгана, бич жилтнээ аливаа үйлийг хийхэд эерэг сайн. Эл өдөр элдэв үйлд хянуур хандах хэрэгтэй ба ан, гөрөө хийх, мал, адгуус муулах, лус тахих, хур оруулах, зэтгэрийг номхотгох, хөгжмийн зэмсэг урлах, дархны үйлд сайн. Гүүр тавих, газар ухах, цөөрөм байгуулахад муу. Өдрийн сайн цаг нь бар, луу, могой, бич, тахиа, гахай болой. Хол газар яваар одогсод хойд зүгт мөрөө гаргавал зохистой. Үс шинээр үргээлгэх буюу засуулбал эд, эдлэл, идээ, ундаа олно хэмээжээ.
- Манай улсын голлох валют болох ам.долларын ханш авах нь 3124.00, зарах нь 3127.00 төгрөгтэй тэнцэж байгаа бол бусад валют болох рубль авах нь 48.90, зарах нь 49.20, харин юань авах нь 466.00, зарах нь 468.00 вон авах нь 2.47, зарах нь 2.49 төгрөг байна.
Өнөөдөр болох онцлох үйл явдлууд:
- 9.00 цагт МУИС-ийн Номын санд “Оновчлол, симуляци, оновчтой удирдлага” олон улсын эрдэм шинжилгээний хурал болно. Утас: 89222858
- 11.00 цагт "Монгол ньюс" мэдээллийн төвд Баянзүрх дүүргийн иргэд улсын төсөвт хөрөнгийг нь тусгасан замын бүтээн байгуулалтыг энэ зун дуусгах хүсэлтийнхээ талаар мэдээлнэ.
- 11.00 цагт Хоёрдугаар төрөх эмнэлэгийн гадна иргэн О.Энхмаа эмнэлгийн шинэ барилгын ажлыг эхлүүлэх шаардлагыг Эрүүл мэндийн сайд С.Энхболдод хүргүүлнэ. Утас:99748016, 88824051
- 12.00 цагт СТӨ-нд Онцгой байдлын байгууллагын 18 жилийн ойн баярын ёслол болно. Утас:88249813, 86150069
- 13.00 цагт Хүй 7 худаг явах замд зам тээврийн гэмт хэрэг ослоос урьдчилан сэргийлэх зорилготой "Аажуу явбал аяндаа хүрнэ дээ" нэгдсэн аяны нээлт болно. Утас: 89114447, 93021200
Энэ өдөр дэлхийн түүхэнд:
- 451 онд Ромын эзэнт гүрэн Хүн нарын их хаан Атиллагын эсрэг шийдвэрлэх томоохон тулааныг хийжээ. Энэхүү тулааныг түүхэнд Чалонс талын тулаан хэмээн тэмдэглэн үлдээжээ.
- 1840 онд зохион бүтээгч Самуэль Морз өөрийн нээлт болох Телеграфын патентаа авч байжээ.
- 1877 онд Александр Грэхам Бэлл Дэлхийн анхны телефон утасны үйлчилгээг Канадын Онтарио хотноо нээжээ.
- 1900 онд Оросын ШУ академиас “Оросын туйлын экспедиц” Санктпертбург хотоос “Заря” хэмээх уурын хөдөлгүүрт дарвуулт хөлгөөр аяллын гараагаа эхлүүлэв. Экспедиц алдарт Санниковын газрыг хайх зорилготой байсан гэдэг.
- 1944 онд Герман улс туршилтын V-2 маркийн Пуужинг амжилттай хөөргөжээ. Пуужин 176 км өндөрт хүрсэн явдал нь хүн төрөлхтний түүхэн дэх хүний гараар хийсэн бүтээл гадаад сансарт хүрсэн анхны тохиолдол байв.
- 1990 онд Ангараг гаригын дагуул болох бага гариг Эврикаг нээв.
