6 дугаар сарын 16-ны өдөр
Өглөөд заавал мэдэж байх ёстой зүйлүүд:
- Цаг агаар өдөртөө 26 хэмийн дулаан бол шөнөдөө 11 хэм дулаан байх нь ээ. Мөн өдөртөө бага зэргийн бороо орох гэнэ.
- Билгийн тооллын 17, Элдэв тэнгэртэн одтой, цагаан хулгана өдөр. Тухайн өдөр бич жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр хууль цааз гаргах, батлах, хэрэглэх, хулгай дээрмийг номхотгох, гэмтнийг шийтгэх, мал адгуус номхруулах, гарагийг тахих, хүүхэд үрчлэн авах, урлан бүтээхэд сайн. Улаа гаргах, хиншүү хярвас гаргах, төлгө тавих, морь уралдахад муу. Үс шинээр үргээлгэх буюу засуулахад тохиромжгүй.
- Манай улсын голлох валют болох ам.долларын ханш авах нь 3123.00, зарах нь 3127.00 төгрөгтэй тэнцэж байгаа бол бусад валют болох рубль авах нь 48.90, зарах нь 49.20, харин юань авах нь 464.00, зарах нь 467.00 вон авах нь 2.48, зарах нь 2.51 төгрөг байна.
Өнөөдөр болох онцлох үйл явдлууд:
- 9.30 цагт “Шангри-Ла” зочид буудалд “Эмэгтэйчүүд, энх тайван ба аюулгүй байдал” олон улсын энхийг сахиулагч эмэгтэйчүүдийн хурал болно.
- 10.00 цагт Төв шуудангийн 1 давхарт байрладаг "e-mongolia"-д И-Монгол академи, УБЕГ-тай хамтран иргэдэд зөвлөгөө өгөх нээлттэй хаалганы өдөрлөг зохион байгуулна. Утас: 94999598, 88063030
- 11.00 цагт “Монгол ньюс” мэдээллийн төвд Авто тээврийн үндэсний төвийн хууль бус үйл ажиллагааны талаар “Газрын-Од” ХХК болон “Хот хоорондын тээвэр эрхлэгчдийн холбоо”-ноос хэвлэлийн хурал хийнэ.
- 11.00 цагт ҮСХ-ны байранд Монгол Улсын нийгэм, эдийн засгийн тоон үзүүлэлтийг танилцуулна.
- 11.00 цагт “Ардчиллын өргөө”-нд АН-ын 4:11 Мэдээллийн цаг болно. Утас: 91000017
- 11.00 цагт "Norphei Art Gallery"-д гэрэл зурагчин, СТА Б.Бат-Эрдэнийн "МОНГОЛЫН ЖҮЖИГЧИД-2022" хөрөг зургийн үзэсгэлэнгийн нээлт болно.
- 11.30 цагт Амгалан дулааны станцын 116МВт-ын өргөтгөлийн ажлын нээлт болно.
- 14.00 цагт “Meru tower”-т НҮБ-ын Хүүхдийн сан, Японы сан, ХӨСҮТ, АШУҮИС хамтран “Вакцин хийлгээд 1 жил-Алдаа, оноо, үр дүн” хэлэлцүүлэг зохион байгуулна.
- 16.00 цагт “Цэцэнхангай” зочид буудалд нийгмийн зүтгэлтэн шалгаруулах “Энхийн шагнал-2022” ёслол болно. Утас: 99715292
- 19.00 цагт Г.Занабазарын нэрэмжит Дүрслэх урлагийн музейд “Улаанбаатар” олон улсын медиа урлагийн наадам Тайвань, Монгол уран бүтээлчдийн хамтарсан үзэсгэлэнгээр эхэлнэ.
- 19.00 цагт “Хөх нар” контемпорари урлагийн төвд “Хэмнэл” уран бүтээлийн нэгдлийн “Огтлол” үзэсгэлэнгийн нээлт болно.
Энэ өдөр дэлхийн түүхэнд:
- Өнөөдөр Өмнөд Африкийн Залуучуудын өдөр тохиож байна.
- Мөн Африкийн Хүүхдийн олон улсын өдөр өнөөдөр тохиож байгаа юм байна.
- 2012 онд БНХАУ 3 сансрын нисгэгчтэй Shenzhou 9 сансрын хөлгийг амжилттай хөөргөжээ. Сансрын нисгэгч дунд Хятадын хамгийн анхны эмэгтэй сансрын нисгэгч хөөрсөн байна.
