Өнөөдөр гадаа 28 хэм дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
6 дугаар сарын 15-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 166 дахь өдөр бөгөөд он дуусахад 199 хоног үлдлээ.
- Цаг агаар өдөртөө 28 хэмийн дулаан бол шөнөдөө 11 градус дулаан байх нь ээ.
- Билгийн тооллын XVII Жарны "Буян үйлдэгч" хэмээх Усан бар жилийн Зуны илүү тэргүүн сарын 16. Буд гараг. Гар одтой, найман цагаан мэнгэтэй, шарагчин гахай өдөр. Өдрийн наран 4 цаг 52 минутад мандан, 20 цаг 53 минутад жаргана. Тухайн өдөр хонь, туулай аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр эм, эмнэлгийн элдэв үйл, хагалгаа хийлгэх, биеийн тамирыг сэргээх, сан тавиулах, угаал үйлдэх, нялхсын хурим хийх, хийморийн дарцаг хатгахад сайн. Газар ухах, худаг гаргах, сэтгэлд сэвтэй газар очиход муу. Өдрийн сайн цаг нь үхэр, луу, морь, хонь, нохой, гахай болой. Хол газар яваар одогсод зүүн хойш зүгт мөрөө гаргавал зохистой. Үс шинээр үргээлгэх буюу засуулахад тохиромжгүй бөгөөд өвчин ирнэ хэмээжээ.
- Манай улсын голлох валют болох ам.долларын ханш авах нь 3123.00, зарах нь 3127.00 төгрөгтэй тэнцэж байгаа бол бусад валют болох рубль авах нь 48.80, зарах нь 49.20, харин юань авах нь 463.00, зарах нь 467.00 вон авах нь 2.50, зарах нь 2.52 төгрөг байна.
Өнөөдөр болох онцлох үйл явдлууд:
- 8.30 цагт АН-аас СЕХ-ны гадна талбайд орон нутгийн нөхөн болон дахин сонгуулийг шударга зохион байгуулахыг шаардаж жагсаал зохион байгуулна.
- 9.00 цагт Монголын хөрөнгийн биржид тус биржийн удирдлагууд эдийн засгийн сэтгүүлчидтэй уулзана.
- 10.30 цагт АТГ-ын гадна Говь-Алтай аймгийн Засаг дарга О.Амгаланбаатар хэвлэлийн хурал хийнэ.
- 10.30 цагт ГХЯ-нд “Бакула Ринбүүчи” сэдэвт шуудангийн маркийн нээлт болно.
- 11.30 цагт Дотоодын цэргийн 05 дугаар ангид 2022 оны 1 дүгээр ээлжийн цэрэг татлагаар татагдсан хугацаат цэргийн алба хаагчдын "Цэргийн тангараг" өргөх ёслол болно. Утас: 99952822, 99731771
- 11.30 цагт "Монгол ньюс" мэдээллийн төвд Нутгаа зорин баруун хязгаараас зүүн хязгаар хүртэл гүйсэн монгол морьдын талаар “Монголын эрийн гурван наадам-Их шүтээн” ТББ, “Биг блью фловер- ХХК-иас хэвлэлийн хурал хийнэ.
- 18.00 цагт "Тэнгис" кино театрт "Америкийн баримтат кино өдрүүд"-ийн хүрээнд "Жозеф Пулитцер: Ард түмний дуу хоолой" киног толилуулна.
Энэ өдөр дэлхийн түүхэнд:
- Өнөөдөр Итали улсын Инженерүүдийн баярын өдөр юм байна.
- 1953 оны энэ өдөр БНХАУ-ын дарга Си Зиньпин мэндэлжээ.
- 2013 онд Пакистанд автобусанд бөмбөг дэлбэрч, 25 орчим хүн амь насаа алдаж, 22 орчим хүн шархаджээ.
- 2014 онд Пакистан Хойд Вазирастаны босогчдын эсрэг албан ёсоор цэргүүдийг дайчилжээ.
- 1994 онд Израиль болон Ватикан хот дипломат харилцаа тогтоожээ.
