Өнөөдөр гадаа 23 хэм дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
6 дугаар сарын 13-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 164 дахь өдөр бөгөөд он дуусахад 201 хоног үлдлээ.
- Цаг агаар өдөртөө 23 хэмийн дулаан бол шөнөдөө 6 хэм дулаан байх нь ээ.
- Билгийн тооллын 14, Онгоц одтой, улаагчин тахиа өдөр. Тухайн өдөр үхэр, могой жилтнээ аливаа үйлийг хийхэд эерэг сайн. Эл өдөр эе, эвээ ололцох, хамтын хөдөлмөр эхлэх, гэрээ хэлцэл байгуулах, найр хурим хийх, бэр гуйх, инж өгөх, авах, үнэт эрдэнийн зүйл авах, угаал үйлдэх, хагалгаа хийлгэх, гэр бүрэхэд сайн. Мод суулгах, нарийн зөвлөгөөн хийхэд муу. Үс шинээр үргээлгэх буюу засуулбал эд, мал аривдна.
- Манай улсын голлох валют болох ам.долларын ханш авах нь 3123.00, зарах нь 3126 төгрөгтэй тэнцэж байгаа бол бусад валют болох рубль авах нь 49.10, зарах нь 49.70, юань 467.00, зарах нь 469.00 вон авах нь 2.51, авах нь 2.53 төгрөг байна.
Өнөөдөр болох онцлох үйл явдлууд:
- 12.00 цагт Төв талбайд сэтгүүлчид тайван жагсаал хийнэ.
- 12.00 цагт Төв талбайд цагдаагийн алба хаагчдын ар гэрийнхэн жагсана.
- 12.00 цагт Төв талбайд "Хөгжлийн төлөө барилагчдын нэгдэл" ГҮТББ-аас Ерөнхий сайдад хүргүүлсэн шаардлагынхаа хариуг шаардана.
- “Үндэсний мэдээллийн төв”-д
- 11:00 цагаас Монголын балетын хөгжлийн сангаас Олон улсын балетын 2-р уралдааны талаар мэдээлэл хийнэ.
- 11:30 цагаас Баянхонгор аймгийн иргэн Мөнхтогоо, Мөнх-Эрдэнэ нараас эмнэлгийн буруутай үйл ажиллагаанаас болж олгойн хагалгаа хийлгэсэн хүүхэд маш хүнд байдалтай 3 жил болж байгаа тухай, Баянхонгор аймагт хүүхдийн эрх зөрчигдөж байгаа талаар мэдээлэл хийнэ.
- 12:00 цагаас Гэр бүл хүүхэд залуучуудын хөгжлийн газар, ЦЕГ, НЭМҮТ, МХЕГ, ОБЕГ-ийн хамтарсан баг "Нэгдүгээрт хүүхэд" хүүхэд хамгааллын урьдчилан сэргийлэх нөлөөллийн арга хэмжээ сэдвээр мэдээлэл хийнэ. Эрхэм сэтгүүлчид та бүхнийг урьж байна.
Энэ өдөр дэлхийн түүхэнд:
- Өнөөдөр бол Унгарын Зохион бүтээгчдийн өдөр.
- 1988 оны энэ өдөр АНУ-ын жүжигчин Cody Walker мэндэлжээ. Тэрээр "Галзуу хурд" цувралын гол дүрүүдийн нэг Паул Уолкерын дүү бөгөөд "Галзуу хурд 7" кинонд ахынхаа гүйцээж чадаагүй хэсгүүдийг орлон тогложээ.
- 2015 онд Техаст цагдаагийн газрын гадна нэгэн залуу шалтгаангүйгээр гал нээж, үүнийхээ дараа өөрөө цагдаа нарт буудуулж нас баржээ.
- 2000 онд Өмнөд Солонгосын ерөнхийлөгч Ким Дэжун Хойд Солонгосын удирдагч Ким Чэн Иртэй БНАСАУ-ын нийслэл хотод уулзжээ.
- 2000 онд Итали улс Туркийн алуурчин Mehmet Ali Ağca-д өршөөл үзүүлжээ. Тэрбээр 1981 онд Жон Паул пап ламын амь насыг хөнөөхөөр завдаж байжээ.
