Өнөөдөр гадаа 22 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
6 дугаар сарын 10-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 161 дахь өдөр бөгөөд он дуусахад 204 хоног үлдлээ.
- Цаг агаар өдөртөө 13 хэмийн дулаан бол шөнөдөө 7 градус дулаан байх нь ээ. Бага зэргийн бороо орох гэнэ.
- Билгийн тооллын XVII Жарны "Буян үйлдэгч" хэмээх Усан бар жилийн Зуны илүү тэргүүн сарын шинийн 11. Сугар гараг. Тэргүүн дагуул одтой, дөрвөн ногоон мэнгэтэй, хөх морь өдөр. Өдрийн наран 4 цаг 53 минутад мандан, 20 цаг 50 минутад жаргана. Тухайн өдөр нохой жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр хууль цааз гаргах, батлах, хэрэглэх, хулгай дээрмийг номхотгох, гэмтнийг шийтгэх, мал адгуус номхруулах, лусыг тахих, андгай тангараг, гэрээ, хэлцлээ буцаахад сайн. Гэр бүрэх, хэрүүл тэмцэл хийх, сэтгэлд сэвтэй газар очих, хүүхэд хөлд оруулахад муу. Өдрийн сайн цаг нь хулгана, үхэр, туулай, морь, бич, тахиа болой. Хол газар яваар одогсод хойд зүгт мөрөө гаргавал зохистой. Үс шинээр үргээлгэх буюу засуулбал эрхтэн хурц болно хэмээжээ.
- Манай улсын голлох валют болох ам.долларын ханш авах нь 3123.00, зарах нь 3126.00 төгрөгтэй тэнцэж байгаа бол бусад валют болох рубль авах нь 47.20, зарах нь 48.00, харин юань авах нь 468.00, зарах нь 470.00, вон авах нь 2.51, зарах нь 2.53 төгрөг байна.
Өнөөдөр болох онцлох үйл явдлууд:
- 9:00 цагт Бишрэлт зочид буудалд “Монгол Улсад хүүхэд хамгааллын тогтолцоог бэхжүүлэх нь” төслийн үр дүнг танилцуулна. Утас: 99135150
- 10:00 цагт Туушин зочид буудлын Соёмбо танхимд сэтгэл зүйн гэмтэл шархтай хүүхдүүдтэй ажилладаг асрамж халамж, түр хамгаалах байр, тусгай хэрэгцээт сургуулийн сэтгэл зүйчдийг "Урлагийн сэтгэл заслаар чадавхжуулах нь" 18 сарын хугацаатай төслийн нээлтийн үйл ажиллагаа болно. Утас: 88806603
- 10:30 цагт “Монгол ньюс” мэдээллийн төвд Сүхбаатар дүүргийн 16-р сургуулийн захирал О.Пүрэвжаргал эд хөрөнгө хууль бусаар шамшигдуулсан талаар тус сургуулийн багш нар мэдээлэл хийнэ.
- 11:00 цагт “Монголын оюутны холбоо”-ноос Боловсролын сангийн зээл, оюутны эрүүл мэндийн даатгал зэрэг асуудлаар “Монгол ньюс” мэдээллийн төвд хэвлэлийн хурал хийнэ.
- 11:30 цагт Тэнгэрийн зарлигийн тухай “Газар, тэнгэр, гал нэгдэл” НҮТББ-аас “Монгол ньюс” мэдээллийн төвд мэдээлэл хийнэ.
- 17:00 цагаас Өглөөний гудамжинд "Boho" street fashion show болно
Энэ өдөр дэлхийн түүхэнд:
- Өнөөдөр бол Конго улсын тусгаар тогтносон өдөр.
- 2017 оны энэ өдөр Казахстан улсын Астана хотод "World expo" үзэсгэлэн нээлтээ хийжээ.
- 2003 онд "Spirit" хэмээх робот нисэгчийг хөөргөжээ.
- II пап лам Saint Rafqa хэмээн ливийн анхны эмэгтэй санваартанг канонжуулжээ.
