Өнөөдөр гадаа 8 хэм дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Зургадугаар сарын 9-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 160 дахь өдөр бөгөөд он дуусахад 205 хоног үлдлээ.
- Цаг агаар өдөртөө 8 хэмийн дулаан бол шөнөдөө 3 градус дулаан байх нь ээ.
- Энэ өдөр Монгол Улсын Ерөнхийлөгчийн 2021 оны ээлжилт сонгууль болно.
- Билгийн тооллын 10. Бархасбадь гараг. Тугчин одтой, хар могой өдөр. Өдрийн наран 4 цаг 54 минутад мандан, 20 цаг 49 минутад жаргана. Тухайн өдөр тахиа жилтнээ аливаа үйлийг хийхэд эерэг сайн ба үхэр, нохой, луу, хонь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Үс шинээр үргээлгэх буюу засуулахад эрч хүч ихэснэ хэмээжээ.
- Манай улсын голлох валют болох ам.долларын ханш авах нь 31239.00, зарах нь 3126.00 төгрөгтэй тэнцэж байгаа бол бусад валют болох рубль авах нь 46.50, зарах нь 47.00, харин юань авах нь 468.00, зарах нь 470.00, вон авах нь 2.50, зарах нь 2.52 төгрөг байна.
Өнөөдөр болох онцлох үйл явдлууд:
- 11.00 цагаас ГХЯ-ны хурлын танхимд “Цөмийн зэвсэггүй бүсүүд: ач холбогдол, сорилтууд, хэтийн төлөв” олон улсын бага хурал болно.
- 11.00 цагт ЭМЯ-аас коронавирусийн талаарх тоон мэдээллийг цахимаар өгнө.
Энэ өдөр дэлхийн түүхэнд:
- Өнөөдөр бол Дэлхийн итгэмжлэлийн өдөр.
- Мөн Уганда улсын Үндэсний баатруудын өдөр тохиож байна.
- 1981 оны энэ өдөр "Хар хун", "Оддын дайн", "Лион", "Thor" зэрэг кинонуудаараа бидний хэзээний танил Америкийн алдарт жүжигчин, продюсер Наталье Портман мэндэлжээ.
- 1979 онд Австралийн "Luna Park Sydney" үндэсний паркийн "Sydney Ghost Train"-д гал гарч, зургаан хүүхэд, нэг том хүн амиа алдаж байжээ.
- 1974 онд Португал болон ЗХУ дипломат харилцаа тогтоож байжээ.
