Өнөөдөр гадаа 15 хэм дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
6 дугаар сарын 8-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 159 дахь өдөр бөгөөд он дуусахад 206 хоног үлдлээ.
- Цаг агаар өдөртөө 15 хэмийн дулаан бол шөнөдөө 4 хэм дулаан, бороотой байх нь ээ.
- Билгийн тооллын 9, Харцага одтой, хар луу өдөр. Тухайн өдөр хулгана, бич жилтнээ аливаа үйлийг хийхэд эерэг сайн ба Могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр архи уух, тамхи татах, сэтгэл муутантай нөхөрлөх зэргийг цээрлэх ба угаал үйлдэх, бороо хур оруулах, зэтгэрийг номхотгох, хөгжмийн зэмсэг урлахад сайн. Гүүр тавих, газар ухах, гөлөг тэжээхэд муу. Дашнямтай өдөр. Үс шинээр үргээлгэх буюу засуулахад муу.
- Манай улсын голлох валют болох ам.долларын ханш авах нь 31239.00, зарах нь 3126.00 төгрөгтэй тэнцэж байгаа бол бусад валют болох рубль авах нь 46.50, зарах нь 47.00, харин юань авах нь 468.00, зарах нь 470.00, вон авах нь 2.50, зарах нь 2.52 төгрөг байна.
Өнөөдөр болох онцлох үйл явдлууд:
- 10.00 цагт “Туушин” зочид буудалд ОХУ-ын Красноярск мужийн бизнесийн төлөөлөл оролцсон “Бизнес форум” болно.
- 11:00 цагт Гандантэгчэнлин хийдэд БНЭУ-аас Бурхан Багшийн Их Дүйчэн өдрөөр Бурхан багшийн их эрдэнийн ринсрэл (чандар)-ыг Монгол Улсад залж байгаатай холбогдуулан мэдээлэл өгөх хэвлэлийн бага хуралтай. Утас: 88048481, 99113764.
- 11:30 цагт “Монгол Ньюс” мэдээллийн төвд “Монголын тээвэр зуучлагчдын нэгдсэн холбоо” ТББ-аас “Монгол Улсын улс хоорондын импортын ачаа тээврийн цаг үеийн нөхцөл байдал, Улаанбаатар дахь чингэлгийн бөөгнөрөл ба тулгамдсан асуудал болон нэмэлт зардлын талаар мэдээлэл хийнэ.
- 12:00 цагт Холимог тулаанч Э.Шинэчагтага, Гавьяат тамирчин Э.Цэндбаатар нар өндөр бооцоот халз тулааныхаа талаар мэдээлнэ.
- 12:30 цагт Сүхбаатар дүүргийн IV хорооны нутаг дахь дахин төлөвлөлтийн барилгын давхрыг нэмж хууль бусаар зөвшөөрөл олгосонтой холбогдуулан оршин суугчид нь суулт хийж, төв замыг хаах болсон талаар мэдээлнэ.
- 13:00 цагт Үндсэн хуульд өөрчлөлт оруулж, намын жагсаалтаар УИХ-ын гишүүнийг сонгохоор санаархаж буйг эсэргүүцсэн иргэд хэвлэлийн бага хийнэ.
- 14:00 цагт Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх хуулийн хэрэгжилтэд УИХ-ын тухай хуулийн 39 дүгээр зүйлийн дагуу хяналт шинжилгээ хийсэн тайлангийн хүрээнд УИХ-ын Ёс зүй, сахилга хариуцлагын байнгын хорооны гишүүд АТГ-т ажиллана.
- 15:00 цагт Улаанбаатар дахь “Русский дом”-ийн хэвлэл мэдээллийн “Байкал” төвд Красноярск мужийн Амбан захирагч А.В.Уссын оролцсон хэвлэлийн хурал болно.
Энэ өдөр дэлхийн түүхэнд:
- Өнөөдөр Тархины хорт хавдартай тэмцэх дэлхийн өдөр тохиож байна.
- 1977 оны энэ өдөр Америкийн реппер, продюсер Kanye West мэндэлжээ.
- 1984 онд Австралийн муж улсууд ижил хүйстнүүдийг ялгаварлан гадуурхахгүй байх хуулийг баталжээ.
- 2014 онд Пакистаны онгоцны буудал дээр болсон гэмт халдлагын улмаас 28 орчим хүн нас баржээ.
