Өнөөдөр гадаа 18 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
6 дугаар сарын 7-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 158 дахь өдөр бөгөөд он дуусахад 207 хоног үлдлээ.
- Цаг агаар өдөртөө 18 хэмийн дулаан бол шөнөдөө 4 градус дулаан байх нь ээ.
- Билгийн тооллын 27, гоё хүүхэн одтой, улаан нохой өдөр. Өнөөдөр үсээ авахуулах буюу засуулбал өлзийтэй сайн гэнэ. Энэ өдөр бар, морь жилтнээ аливаа үйлийг хийхэд эерэг сайн.
- Манай улсын голлох валют болох ам.долларын ханш авах нь 3123.00, зарах нь 3127.00 төгрөгтэй тэнцэж байгаа бол бусад валют болох рубль авах нь 46.00, зарах нь 46.50 харин юань авах нь 469.00, зарах нь 471.00 вон авах нь 2.51, зарах нь 2.53 төгрөг байна.
Өнөөдөр болох онцлох үйл явдлууд:
- 10.00 цагт Стандарт, хэмжил зүйн газарт Үндэсний морин хуур хөгжмийг стандартчилна. Утас: 99024982
- 11.30 цагт Хэвлэлийн хүрээлэнд “Мета” компаниас Монгол, Казахстан улсад нийгмийн сүлжээгээр түгээж буй мэдээллийн чанарыг хянаж, худал мэдээллийг бууруулах ажлыг зохион байгуулах талаар мэдээлнэ.
- 11.30 цагт Мэдээлэл холбооны сүлжээ компанийн байранд бичил хиймэл дагуул хөөргөх “Кансат -2022” үндэсний V тэмцээний үр дүнг танилцуулж, ялагч нарт шагнал гардуулна. Утас: 94999598
- 12.00 цагт Монголын Бурханы Шашинтны төв Гандантэгчэнлин хийдэд Дээрхийн гэгээнтэн Далай Ламын амьдрал, үйлсийг толилуулах "Даян дэлхийн энэрэл хайр" фото зургийн үзэсгэлэнгийн нээлт болно. Утас: 83002300
Энэ өдөр дэлхийн түүхэнд:
- Өнөөдөр Перу улсын Далбааны өдөр тохиож байна.
- 1993 оны энэ өдөр БНСУ-ын алдарт охидын Т-ара хамтлагийн дуучин, жүжигчин Jiyeon мэндэлжээ.
- 2013 онд Калифорни дахь Санта моника коллежийн гадна нэгэн залуу гал нээж, 6 хүний амийг авч оджээ.
- 1990 онд Флоридагийн Орландо хотын "Universal Studios Florida" парк нээгджээ.
- 1975 онд Англид анхны Крикетын дэлхийн аварга шалгаруулах тэмцээн болжээ.
