Өнөөдөр гадаа 18 хэм дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
6 дугаар сарын 03-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 154 дахь өдөр бөгөөд он дуусахад 211 хоног үлдлээ.
- Цаг агаар өдөртөө 18 хэмийн дулаан бол шөнөдөө 3 хэм дулаан байх нь ээ. Өдөртөө бага зэргийн бороо орох гэнэ.
- Билгийн тооллын 4, Өглөгт охин одтой, улаагчин гахай өдөр. Тухайн өдөр гахай жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул аливаа үйлд хянамгай хандаж, биеэ энхрийлүүштэй. Эл өдөр хууль цааз гаргах, батлах, хэрэглэх, хулгай дээрмийг номхотгох, гэмтнийг шийтгэх, мал адгуус номхруулах, хараал, жатхыг буцаах, нялхсын хурим хийх, огторгуйн үүдийг боох, их хүмүүнтэй уулзахад сайн. Газар ухах, худаг гаргах, балгадын суурь тавих, нохой худалдан авахад муу. Модон хохмой өдөр. Үс шинээр үргээлгэх буюу засуулбал бие эртхний хүч сайжирна хэмээжээ.
- Манай улсын голлох валют болох ам.долларын ханш авах нь3124.00, зарах нь 3126.00 төгрөгтэй тэнцэж байгаа бол бусад валют болох рубль авах нь 47.00, зарах нь 47.50 харин юань авах нь 466.00, зарах нь 468.00 вон авах нь 2.52, зарах нь 2.54 төгрөг байна.
Өнөөдөр болох онцлох үйл явдлууд:
- 08.30 цагт Цэнгэг усны нөөц, байгаль хамгаалах төвд “Ойжуулалт ба Усжуулалт” үндэсний зөвлөгөөн болно.
- 9.00 цагт “Blue Sky” зочид буудалд НҮБ-ын Тогтвортой хөгжлийн сан, “Малчдын нийгмийн хамгааллыг өргөжүүлж, цочролд хариу үзүүлж, бэлэн байдлыг нэмэх нь” хамтарсан хөтөлбөрөөс “Нийгмийн хамгааллын суурь үнэлгээг шинэчилж, санхүүгийн стратеги боловсруулах судалгаа”-ны урьдчилсан дүн, зөвлөмжийг танилцуулна
- 10.00 цагт Төрийн ордонд УИХ-ын чуулган хуралдана.
- 10.00 цагт ЭМЯ-нд тус яамны газрын дарга нар, Улсын гуравдугаар төв эмнэлэг, ЭХЭМҮТ-ийн удирдлагууд “КОВИД-19”-ийн нөхцөл байдал, Сармагчны цэцэг өвчний талаар мэдээлнэ. Утас: 99741854
- 11.00 цагт ЦССҮТ-д “Цусаа бэлэглэх өдөр”-ийг тэмдэглэнэ.
- 11.00 цагт Спортын төв ордонд Хөдөлмөрийн баатар, гавьяат тамирчин Э.Содномпилжээ, С.Батцэцэг, Д.Сумъяа нар Спортын анагаах ухаан, эрдэм шинжилгээний төвд бүрэн автомат эмчилгээний ор хандивлана.
- 11.30 цагт “Монгол ньюс” мэдээллийн төвд бусдыг хүчирхийлсэн хэрэгт холбогдсон З.Санждоржийн талаар иргэн И.Оюунсүх хэвлэлийн хурал хийнэ.
Энэ өдөр дэлхийн түүхэнд:
- Өнөөдөр бол дэлхийн дугуйн өдөр.
- Мөн Тайванд Опиумын эсэргүүцлийн хөдөлгөөний өдөр тохиож байна.
- 2017 онд Лондонгийн гүүр дээр террорист халдлага гарч, найман хүн амь насаа алдаж, олон хүн шархаджээ. Тус халдлагыг Исламын террорист бүлэг үйлдсэн байна.
- 1982 онд Лондонд суух Израиль улсын элчин сайд Shlomo Argov Лондонгийн гудамжинд буудуулжээ. Азаар амьд үлдсэн ч саажилттай болсон байна.
