Өнөөдөр гадаа 28 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
6 дугаар сарын 2-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 153 дахь өдөр бөгөөд он дуусахад 212 хоног үлдлээ.
- Цаг агаар өдөртөө 28 хэмийн дулаан бол шөнөдөө 7 градус дулаан байх нь ээ.
- Билгийн тооллын XVII Жарны "Буян үйлдэгч" хэмээх Усан бар жилийн Зуны илүү тэргүүн сарын шинийн 3. Бархасвадь гараг. Өглөгт охин одтой, гурван хөх мэнгэтэй, улаан нохой өдөр. Балжиннямтай өдөр. Өдрийн наран 4 цаг 57 минутад мандан, 20 цаг 44 минутад жаргана. Тухайн өдөр бар, морь жилтнээ аливаа үйлийг хийхэд эерэг сайн баүхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр найз нөхдийг түшиж элдэв үйлийг түргэн бүтээх, бүтээл туурвил эхлэх, бизнэс эхлэх, цар ихтэй үйлийг эхлэх, бясалгал хийх, доодсыг асран өглөг, хандив өргөх, лус тахих, хүүхэд үрчлэн авах, андгай тангараг, гэрээ, хэлцлээ буцаахад сайн. Нүүдэл суудал хийх, хэрүүл тэмцэл хийх, цөөрөм байгуулах, хүүхэд хөлд оруулахад муу. Өдрийн сайн цаг нь бар, луу, могой, бич, тахиа, гахай болой. Хол газар яваар одогсод хойд зүгт мөрөө гаргавал зохистой. Үс шинээр үргээлгэх буюу засуулбал эд, малтай баялаг төгс болно хэмээжээ.
- Манай улсын голлох валют болох ам.долларын ханш авах нь 2123.00, зарах нь 2127,00 төгрөгтэй тэнцэж байгаа бол бусад валют болох рубль авах нь 45.50, зарах нь 47.00, харин юань авах нь 466.00, зарах нь 469.00, вон авах нь 2.50, зарах нь 2.52 төгрөг байна.
Өнөөдөр болох онцлох үйл явдлууд:
- 10.00 цагт Төрийн ордонд УИХ-ын чуулган хуралдана.
- 10.00 цагт “Blue Sky” зочид буудалд “Малчдын эрүүл мэнд, нийгмийн даатгалын талаарх зан үйл” судалгааны нээлт болно.
- 11.00 цагт “Монгол ньюс” мэдээллийн төвд хорт хавдартай хүүхдүүдийн ээжүүд НҮБ-д албан ёсоор гомдол гаргах болсон талаараа мэдээлнэ.
- 11.30 цагт МҮХАҮТ-д Ардчилсан намын Үндэсний бодлогын хорооны ээлжит бус хуралдаан болно. Утас: 91000017
- 11.40 цагт “Интерном” номын дэлгүүрийн төв салбарт Отгонтэнгэр их сургуулийн багш нарын орчуулсан Энэтхэгийн зохиолч Наяантра Сахагалын "Индра Ганди-Захирах Зөн" номын нээлт болно.
- 11.40 цагт Баянгол дүүргийн ЗТДГ-ын хажууд тус дүүргийн Прокурорын газар шинэ байрны нээлт болно.
Энэ өдөр дэлхийн түүхэнд:
- Өнөөдөр Биеэ үнэлэгчдийн эрхийг хамгаалах олон улсын өдөр тохиож байна.
- Сүмогийн 41 дахь ёкозүна Чиёнояма Масанобү 1926 оны энэ өдөр мэндэлжээ.
- 2014 онд Телагана хот албан ёсоор Энэтхэгийн 29 дэх муж болжээ.
- 2012 онд Египетикийн 5 дахь Ерөнхийлөгч бүх насаараа хоригдох ял авсан ч даван заалдах дээд шүүх тэр ялыг нь цуцалжээ.
- 1979 онд II Пап лам хамгийн анхны албан ёсны айлчлалаа Польш улсаас эхэлсэн бөгөөд коммунист засаглалтай оронд айлчилсан анхны пап лам болжээ.
