Өнөөдөр гадаа 19 хэм дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
5 дугаар сарын 31-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 151 дахь өдөр бөгөөд он дуусахад 214 хоног үлдлээ.
- Цаг агаар өдөртөө 19 хэмийн дулаан бол шөнөдөө 3 хэм дулаан байх нь ээ.
- Билгийн тооллын 1, Гөрөөсөн толгой одтой, хөх бич өдөр. Тухайн өдөр хулгана, луу жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйл хянамгай хандаж, биеэ энхрийлүүштэй. Эл өдөр буян номын үйлийг эхлэх, дээдсээс халамж хүсэх, лам хувраг болох, багш шавьд барилдах, номын абшиг авах, шнэ гэр ба байр авах, сүм дуганыг сэргээх, бүжиг наадам хийх, цэцэрлэг байгуулах, урлан бүтээхэд сайн. Хувцас эсгэх, шинэ хувцас өмсөх, зөвлөгөө хийх, гөлөг тэжээхэд муу. Үс шинээр үргээлгэх буюу засуулахад тохиромжгүй хэмээжээ.
- Манай улсын голлох валют болох ам.долларын ханш авах нь 3121.00, зарах нь 3126 төгрөгтэй тэнцэж байгаа бол бусад валют болох рубль 39.00, зарах нь 45.00 юань авах нь 463.00, зарах нь 466.00, харин вон 2.50, зарах нь 2.52 төгрөг байна.
Өнөөдөр болох онцлох үйл явдлууд:
- 9.30 цагт Зэвсэгт хүчний 084 дүгээр анги хүүхдүүдэд зориулсан нээлттэй хаалганы өдөрлөг зохион байгуулна. Утас: 89115180
- 10.00 цагт ХХААХҮЯ-нд "Дэлхийн сүүний өдөр"-ийн хэвлэлийн хурал болно.
- 11.00 цагт Нийслэлийн иргэний танхимдСүхбаатар дүүргийн Прокурорын газраас санаачлан ахлах ангийн сурагчдыг гэмт хэрэг, зөрчлөөс урьдчилан сэргийлэх зорилгоор зохион байгуулсан “Эерэгээр нөлөөлье” аяны хаалт болно. Утас: 96646863
- 11.00 цагт “Үндэсний мэдээллийн төв”-д Бат хааны түүхийг өгүүлэх Унгар-Монгол-Их британы хамтарсан “1242 Gateway to the West буюу Барууны Хаалган Дээр” кинонд бага насны хүүхэд хүчирхийлсэн жүжигчин тоглуулах гэж байгааг эсэргүүцэн “Махаан пикчерс ХХК”-ийн хуульч хэвлэлийн хурал хийнэ.
- 11.00 цагт "Q Art Gallery"-д "Playtime-2022" наадмын хэвлэлийн хурал болно. Утас: 86115200
- 11.00 цагт "Шонхор Тауэр"-т АН-ын 4/11 Мэдээллийн цаг болно. Утас: 91000017
- 11.00 цагт Спортын төв ордонд пауэрлифтингийн ДАШТ-ээс медаль хүртсэн баг тамирчид болон дэлхийн дээд амжилт тогтоосон Хөдөлмөрийн баатар, гавьяат тамирчин Э.Содномпилжээ, ОУХМ Б.Чимэдцэрэн нар хэвлэлийн хурал хийнэ.
Энэ өдөр дэлхийн түүхэнд:
- Өнөөдөр бол дэлхийн тамхигүй өдөр.
- 1914 оын энэ өдөр сүмогийн 37 дахь ёкозүна Акиноүми Сэцүо мэндэлж байжээ.
- 1961 онд Өмнөд Африкийн холбоо статусаа өөрчилж, Өмнөд Африкийн бүгд найрамдах улс болсон.
- 1982 оны Хүйтэн дайн: Испани улс НАТО-д нэгджээ.
- 1985 онд АНУ-д хамгийн хүчтэй торнадо хуй салхи үүсч, жижиг том 41 торнадо үүсч, 76 хүний амийг авч оджээ.
