Өнөөдөр гадаа 19 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
5 дугаар сарын 30-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 150 дахь өдөр бөгөөд он дуусахад 215 хоног үлдлээ.
- Цаг агаар өдөртөө 19 хэмийн дулаан бол шөнөдөө 0 градус дулаан байх нь ээ.
- Билгийн тооллын XVII Жарны "Буян үйлдэгч" хэмээх Усан бар жилийн Зуны тэргүүн хөхөгчин могой сарын 30. Сумъяа гараг. Чөлөөт эх одтой, зургаан цагаанн мэнгэтэй, харагчин хонь өдөр. Өдрийн наран 4 цаг 59 минутад мандан, 20 цаг 41 минутад жаргана. Тухайн өдөр гахай, туулай жилтнээ аливаа үйлийг хийхэд эерэг сайн. Эл өдөр эе, эвээ ололцох, хамтын хөдөлмөр эхлэх, гэрээ хэлцэл байгуулах, найр хурим хийх, бэр гуйх, инж өгөх, авах, үнэт эрдэнийн зүйл авах, угаал үйлдэх, мал худалдан авах, мал түгээх, хиймрийн дарцаг хатгахад сайн. Сахил санваар авах, хануур төөнүүр хийлгэх, уул овоо тахихад муу. Өдрийн сайн цаг нь бар, туулай, могой, бич, нохой, гахай болой. Хол газар яваар одогсод зүүн хойд зүгт мөрөө гаргавал зохистой. Үс шинээр үргээлгэх буюу засуулахад тохиромжгүй бөгөөд Эрлэг лугаа учирна хэмээжээ.
- Манай улсын голлох валют болох ам.долларын ханш авах нь 3121.00, зарах нь 3126,00 төгрөгтэй тэнцэж байгаа бол бусад валют болох рубль авах нь 39.00, зарах нь 45.00, харин юань авах нь 463.00, зарах нь 466.00, вон авах нь 2.50, зарах нь 2.52 төгрөг байна.
Өнөөдөр болох онцлох үйл явдлууд:
- 9.30 цагт УБТЗ-ын Соёлын ордонд “Ажлын байранд эерэг хандлага түгээе” зорилтод аяны хүрээнд Эрүүгийн цагдаагийн тасгаас хүндэтгэл ёслол зохион байгуулна. Утас: 91399149
- 10.00 цагт Сүхбаатарын талбай орчимд Дорноговь аймгийн Даланжаргалан сумын малчид Ерөнхийлөгч, УИХ-ын дарга, Ерөнхий сайд нарт шаардлага хүргүүлж, тайван жагсаал зохион байгуулна. Утас: 99051075, 89780042
- 12.00 цагт Чойжин ламын сүм музейд хөгжлийн бэрхшээлтэй хүүхдүүд болон тэдний гэр бүлд түүх, соёлын өвийг таниулан сурталчлах зорилготой “МУЗЕЙ БА ХҮҮХДҮҮД” өдөрлөг болно.
- 12.00 цагт Хангарди ордонд нийслэлээс Олон улсын хүүхдийн эрхийг хамгаалах өдөрт зориулан зохион байгуулах ёслолын талаар мэдээлнэ. Утас: 99763656, 99036263
"Монгол ньюс" мэдээллийн төвд
- 11.30 цагт иргэн Д.Даваадорж 12 хүртэлх насны хүүхдийн бэлгийн хүчирхийллийн нөхцөл байдлын тухай болон “Positive networks” төслийн талаар мэдээлнэ.
- 12.00 цагт Зариг.мн болон дэмжигч байгууллагууд хамтран хүүхдийг зам тээврийн ослоос урьдчилан сэргийлэх "Тавхан хором хүлээе" төсөл амжилттай хэрэгжсэн талаар мэдээлнэ.
- 12.30 цагт Эх, үрсийн баярыг тохиолдуулан “Монгол хурандаа нийгэмлэг”-ээс эмэгтэй цэргийн алба хаагчид болон хүүхдүүдэд зориулсан хүндэтгэлийн ёслол зохион байгуулах талаар мэдээлнэ.
Энэ өдөр дэлхийн түүхэнд:
- Өнөөдөр бол дэлхийн тамхигүй өдөр.
- 1914 оын энэ өдөр сүмогийн 37 дахь ёкозүна Акиноүми Сэцүо мэндэлж байжээ.
- 1961 онд Өмнөд Африкийн холбоо статусаа өөрчилж, Өмнөд Африкийн бүгд найрамдах улс болсон.
- 1982 оны Хүйтэн дайн: Испани улс НАТО-д нэгджээ.
- 1985 онд АНУ-д хамгийн хүчтэй торнадо хуй салхи үүсч, жижиг том 41 торнадо үүсч, 76 хүний амийг авч оджээ.
- 2008 онд Кластерийн шилжилтийн тухай конвенцийг баталсан.
