Өнөөдөр гадаа 20 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
5 дугаар сарын 28-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 148 дахь өдөр бөгөөд он дуусахад 217 хоног үлдлээ.
- Цаг агаар өдөртөө 20 хэмийн дулаан бол шөнөдөө 4 градус байх нь ээ.
- Билгийн тооллын XVII Жарны "Буян үйлдэгч" хэмээх Усан бар жилийн Зуны тэргүүн хөхөгчин могой сарын 27. Сугар гараг. Шийдэм одтой, есөн улаан мэнгэтэй, цагаан луу өдөр. Өдрийн наран 5 цаг 01 минутад мандан, 20 цаг 37 минутад жаргана. Тухайн өдөр хулгана, бич жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр хууль цааз гаргах, батлах, хэрэглэх, хулгай дээрмийг номхотгох, гэмтнийг шийтгэх, мал адгуус номхруулах, хишиг даллага дуудуулах, насан бүтээл хийлгэх, зэтгэрийг номхотгох, хөгжмийн зэмсэг урлах, хур оруулах, дархны үйлд сайн. Гүүр тавих, газар шороо ухахад муу. Өдрийн сайн цаг нь бар, луу, могой, бич, тахиа, гахай болой. Хол газар яваар одогсод хойд зүгт мөрөө гаргавал зохистой. Үс шинээр үргээлгэх буюу засуулбал өлзийтэй сайн хэмээжээ.
- Манай улсын голлох валют болох ам.долларын ханш авах нь 3125.00, зарах нь 3128,00 төгрөгтэй тэнцэж байгаа бол бусад валют болох рубль авах нь 48.00, зарах нь 50.00, харин юань авах нь 466.50, зарах нь 469.50, вон авах нь 2.48, зарах нь 2.50 төгрөг байна.
Өнөөдөр болох онцлох үйл явдлууд:
- 9.00 цагт МҮХАҮТ-д аялал жуулчлал, зочлох үйлчилгээний салбарын “Хялбар дүүргэ” уулзалт болно.
- 9.00 цагт “Новотел” зочид буудалд “Эрчим хүчний хэмнэлт, үр ашиг, уур, амьсгалын өөрчлөлт” хурал болно.
- 10.00 цагт СТӨ-нд “Эмэгтэй энхийг сахиулагчдын чуулга уулзалт” болно.
- 11.00 цагт “Монгол ньюс” мэдээллийн төвд Бурхан багшийн их дүйчин өдрийг угтан Гандантэгчэнлин хийд олон нийтэд нээлттэй эрдэм шинжилгээний хурал болон хүүхэд багачуудад зориулсан өдөрлөг зохион байгуулах талаар мэдээлнэ.
- 11.40 цагт Төрийн ордоны баруун хаалганы дэргэд Эмээлт орчмын мах бэлтгэлтэй холбоотой онц ноцтой мэдээллүүдийг нийтэлсэн редакциас Үндэсний аюулгүй байдлын зөвлөлийг нэн яаралтай хуралдуулах шаардлага хүргүүлнэ. Утас: 99136259
- 12.00 цагт Нийслэлийн ерөнхий боловсролын лаборатори “Эрдмийн өргөө” цогцолбор сургуульд “Тогтвортой хөгжлийн төлөөх загвар сургуулиудын хамтын ажиллагаа-Санаачилга” өдөрлөг болно.
- 14.30 цагт “Шангри-Ла” зочид буудалд Монголын бизнесийн зөвлөлөөс НҮБ болон түүний харьяа байгууллагуудтай хамтран “Хувьсан өөрчлөгдөж буй чиг хандлага: НҮБ-ын стратегийн түншлэлээр дамжуулан Монгол Улсын тогтвортой хөгжлийг хангахад хувийн хэвшлийн үүрэг, оролцоо” уулзалт зохион байгуулна.
- 16.00 цагт “UB Palace”-т “ЦойлогсоZ” төсөл, “Лантуун Дохио” ТББ хамтран салбар салбарын 1000 гаруй залуусыг оролцуулсан “Update хийх өдөр” үйл ажиллагаа зохион байгуулна. Утас: 99540401
Энэ өдөр дэлхийн түүхэнд:
- 1998 онд Пакистан улс түүхэндээ анх удаа цөмийн туршилт хийж гүйцэтгэжээ. Тиймээс жил бүрийн энэ өдрийг "Youm-e-Takbir" буюу "Агуу их өдөр" хэмээн тэмдэглэдэг болсон байна.
- Мөн Непал улсад Тусгаар тогтнолын өдөр тохиож байгаа юм байна.
- 1999 онд Италийн Милан хотноо Леонардо да Винчигийн "Сүүлчийн зоог" уран бүтээлийг нөхөн сэргээснээр 22 жилийн дараа олонд танилцуулжээ.
- 2010 онд Энэтхэгт экспресс галт тэрэг осолдож, 148 зорчигч амь насаа алджээ.
- 1996 онд АНУ-ын ерөнхийлөгч Билл Клинтоны бизнесийн хамтрагчид байсан Jim McDougal, Susan McDougal,, im Guy Tucker нар луйврын хэрэгт буруутгагджээ.
- 2002 онд сүүлчийн ган тээрмийн эзэн "Дэлхийн Худалдааны Төвийн талбай"-гаас хасагдлаа.
